Aesaya 7:13 - mzwDBL

¹³ Ate, Aesaya chaŋe ŋɔ, “Kooro Devid naanar, hɛ́ɛ no. Hae haa dɛ ha nɛra ba mee le ta maɡrɛ, asɛ he berɛ dɛɛ nyin he ha Korowii ɡe naa?

Aesaya 7:13 ပူးပေါင်းရင်းမြစ်များ

Mumpar 30:15

Asɛ Lea ŋɔ, “Lɛɛ haa lɛ n jaa nɔ ɡbo ta maɡra aa, he berɔ dɛɛ nyin he lɛ n bie kwaa nɔ o be ja aa?” Anee Rakɛl ŋɔ, “Dɛ hɛɛ tɛ mɛ he bie kwaa nɔ anee yaa, mɛɛ sɛoh dɛ tɛ he ne Jekɔb kalaŋre jwaana nɔ ne.”

2 Webena 21:7

Dɛ Korowii aa nyin kɛŋɔ o chɔɡ Kooro Devid dem kora, dɛkalkɛ o ne Devid fɔwɛ fɔo o baɡɔ nyoa ŋɔ o naanar ɛɛ di kora saŋ bɛlbwaa dɛɛ la.

Yela 45:5

He hɛma nyɛɡre, dɛɛ jo he dɔma bambile bini, harɛre nɛra choɡli he sie.

Aesaya 1:14

N bambile aa he Korobifala Tɔpejena dii ne tɔpejena haa lea cheɡ dɛɛ di kwa dɛɛ lɛ sie a ta la lawɛ. Name te n koɔh, a le n mee.

Aesaya 1:24

Anomanta, Korowii, Koranar Bwa Kooro, Israel Kpeɡnɛn la ŋɔ, “Namete he berɛ n dɔma n bwaawee ir he nɛ. Mɛɛ tɛr he deŋnee bɔ kem ásɛ n baah sɔɔh mɛ.

Aesaya 22:22

O nɔn taa mɛɛ ba Kooro Devid dem safoa kpɔe do ó di kpeɡri, dɛ o pili komɛl aa, nomɛlbwa aa won tɔɔ, dɛ o tɔ komɛl ɡe aa, nomɛlbwa aa won pilu.

Aesaya 25:1

N Naa Korowii, henee mɛɛ tomɛ, mɛɛ tɛɛ sɔnee dɛ́ kpɛɛre. He ɛ nyokpowa, waa haa maɡla bil saŋ la, he ɛa kasinteŋ ne.

Aesaya 43:24

He ta daawiile kalamus a sɔɔh aa soma yawɛ bá fuh tɛ mɛ, á ba ɛ kɛŋɔ he tɛ mɛ he saraha kwaa bodɛɛɡa á su n siwi. Kɛ he wechɔɡa kan dɛ ɛɛ mɛ bone, he wedoŋa ɡe ɛɛ le n mee.

Aesaya 63:10

Ba ɛ deŋnekpeɡ o nɛɛ dɛ ɡel Korowii Domadɛɛɡe tea bini chɔɡ. Anomanta, Korowii berɛ ba dɔm dɛ yoo ba.

Aesaya 7:12

Anee Kooro Ahas ŋɔ, “Maa soŋe dɛ́ na wobɛlbwa, maa Korowii daah dɛ́ na.”

Aesaya 7:2

A ɡɛ waa nɔ tel Juda Kooro Ahas ne o nɛra be kɛŋɔ Siiria tena ne Israel tena pɛo ba harɛ la ta dɛ́ ba yoo ba, asɛ ba bwara yɔr dɛɛ sa kɛŋɔ peu aa taa jo daa bini la.

Jeremia 21:12

Kooro Devid naanar, waa Korowii aa dɛ bol laanee nɔ. ‘Hé na kɛŋɔ waa aa wera dɛ toɡre lole tɔpere bɛlbwa, hé lɛ nɛra baa dɛ fiɡ ba le ba dɔɔranar nɔn ta, nɛra baa lɛ ba laala bwa la. Dɛ ɡɛ laa aa, n bandia ɛɛ fuuh kohona kɛŋɔ nii ken, bɛlbwa aa wola won sɔɔh o nyoa, wechɔɡa haa ɛa la wa.

Jeremia 44:22

Korowii aa wola won so nyiŋi he nyubinikpeɡ we-ɛɛla ne waa waa kia hɛɛ ɛ la, anee ɡela he harɛ la berɛ kon baa taahno, dɛ berɛ dimɡbia nomɛlbwa aa wola o ta soɡe hale ba le fini la.

Jeremia 6:11

He bandia waa lɔ ba nɛɛ la dɛ we n bambile maa wola won kpoŋa kpa.” Belaa Korowii ŋɔ n be ŋɔ, “Kpɔ n bandia ba bechale nɛɛ fɔɡbaahna, ne bela bonɔɔnaa aa dɛ cheme, ne baala ne ba haahna bwa nɛ, hale banɔ la baa hwɛɛhra bwa.

Ɛsekeɛl 16:20

He lawɛ he bibaala ne bihaahna haa lol ba tɛ mɛ la, dɛ kpoo ba ɛ saraha tɛ voɡa. He jwamane la ɡbo ta maɡraa?

Ɛsekeɛl 16:47

Ba da ɡbo laa he kpɔ, asɛ dɛ hweli ba waa maa kia la ɡe dɛ ɛa. Kɛ he we-ɛɛla bwa ta la, a ta biɡre he den ɡwaa ba kwaraa.

Ɛsekeɛl 34:18

Kpɔɡdɛɛɡa haa dɛ chwea la aa heyaa tel aa? A chɛ kɛ he tiɡri a kar do harɛ naa? Nedɛɛɡa haa dɛ nyoa la aa he ne maɡre aa? A chɛ kɛ he porɛ a kar aa?

Ɛsekeɛl 6:9

Banɔ la baa laɡ ba kaa harɛfala ta la, belaa baa ba liira kɛŋɔ ba fa ɛo wechɔɡa, dɛ vɛh o waa ta teŋa, dɛ kaa tomɛ voɡa. Ásɛ a we ba nɛ, wechɔɡa ne waa Korowii aa kia ba ɛ la wa.

Emɔs 3:13

No ɡɛ waa nɔ, ásɛ dɛ kah Jekɔb naanar.” Korowii Waa Ɛ Kpeɡri Bwa Dɔɔ laanee bola.

Malakae 2:17

He ɡelɔ Korowii mee le he wobol ta. He dɛ pɛɛ ŋɔ “Ɛrɛɛ ya ɡel o mee leɔ?” He ŋɔ, “Korowii sie dɛ lɛ nɛra baa dɛ ɛ wechɔɡa nɛ, dɛ berɛ ŋɔ leperaa Korowii o waa aa dɔ kasinteŋ la dɔɔ?”

Nɛra Kura 16:13

Kpɔe haa kpɔ yaa le Ijipt harɛpare ondɛɛɡe ta, dɛ berɛ dɛɛ ba ba kpoo yaa ta pua hɛŋle ɡbo harɛ ta bonɔ ta maɡraa? Gɛɛ he berɛ dɛɛ nyin dɛ́ di kpeɡri ya nɛ aa?

Nɛra Kura 16:9

Korowii Israel tena aa dɛ tomɔ aa pere heyaa le he bala Israel tena bini, dɛ kpɔ heyaa bɛno ŋɔ hɛ́ɛ ɛ o Tɛnte Dea la toma, dɛ́ berɛ che Israel tena bwa sie, dɛ́ cha ba baa tomɛ Korowii ɡɛ aa chɛa la, a ɡbo ta maɡraa?

Amanesoma Luk Aa Chwera Tɔn 1:69

O tɛ yaa nɛnjen o le o bonɔɔ Devid dea, dɛ ŋɔ ó ba lɛ yaa.

We-ɛɛla 7:51

Asɛ Steeven ɛɛ bol waa dɛ ŋɔ, “Deŋnekpeɡ tena, ɛrɛɛ he bambili do kpeɡri kɛŋɔ nɛra baa wola Juu tena ɛɛ nɔɔ? Ɛrɛɛ haa wola Korowii Waa no ken? He ne he naawa bwa beŋkpoŋ, haa Korowii Domadɛɛɡe la waa nyin dɛ́ no saŋ te bɛlbwa.

Hibru 3:10

Anomanta, n baah di ɡɛ nɛra la nɛ, asɛ n ŋɔ ba bambile ta n waa lawɛ bwa, asɛ ba vɛh n waa ta teŋa.