Aesaya 66:5 - mzwDBL

⁵ Hé no waa Korowii aa dɛ bol, he nɛra haa dɛ ɔmɔ dɛɛ no o deŋna waa la. O ŋɔ, “He wa aa dɔ kasinteŋ tɛ mɛ nomanta, he bala bane hah heya, dɛ vɛh heya. Ba dɛ muɡli he baah ŋɔ, ‘He ɡel Korowii baɡle o kpeɡri dɛ́ lɛ heya ásɛ ya na he silɛɛ.’ Kɛ ba ɡbaɡbaa dɛɛ ba sihiih dii kohona.

Aesaya 66:5 ပူးပေါင်းရင်းမြစ်များ

1 Koranar 21:29

“He na ɡɛ Kooro Ahab aa pwɛr o te tɛ mɛ kenɛ? A ɡɛ nomanta, maa ɡɛ wenaale laanee kpɔ ba o nɛɛ o saŋ nɔ ta. Mɛɛ kpɔɔ ba o dem tena nɛɛ o bibaa saŋ ta.”

2 Koranar 22:10

Safan berɛ ŋɔ kooro be ŋɔ, “N naa, sɔfo Hilkia kpɔ tɔn bɛl tɛ mɛ.” Asɛ Safan kure waa aa lɔ o bini baɡle kooro.

2 Webena 34:27

Haa kure tɔn la dɛ no Jerusalam nɛra deŋnetɛra, he loo ku he kɛɛ he batakaare haa doa, dɛ ba he te ne harɛ dɛɛ wi nomanta, n no he wii haa wia la bwa.

Ɛsra 9:4

Nomɛlbwa waa no waa Korowii Israel tena aa dɛ tomɔ aa bola la baa bar mɛ cheme dɛɛ chel, dɛkalkɛ nɛra baa le bojaŋ harɛfale ta dɛ ba la waa ta kasinteŋ dɔe. Asɛ n so bela dɛɛ di suna ka tel kɛŋɔ jɔmɔr saraha ɛɛ aa tela.

Yela 119:120

He ɔma ɡelɔ n bwara ɛɛ chel, n dɛ ɔmɛ he Mmarare la.

Yela 38:20

Nɛra baa kpɔ wechɔɡa dɛɛ bɔ wedɛɛɡa kem cheɡɛ n nɛ, dɛkalkɛ n dɛ ɛ waa aa toɡra.

Sɛɡla 13:13

He ɡelɔ wedɛɛɡa kpɔ he deŋna habɔɔ kaa laa, waa he nyin dɛɛ dawɛ he nɛ, kɛ he teŋɛ a ta naa, he bwara dɛ sɔɔhne.

Yelsom 1:6

Bɛ men ɡɛɛh, n bira maa bira wa, weeree ɡela n bir. N nimanar baah di n nɛ dɛ ɡel n kaa ɛ daa koo bini toma, n ta bɔr dɔe dɛ nyiŋi n daa koo ta.

Aesaya 26:11

N Naa Korowii, he dɔma aa jemɛ kɛŋɔ he dɛ ba ba deŋne tɛra. Gel ba na ɡɛ haa dɛ nyin he nɛra, ásɛ sihiih kpo ba. Kpɔ deŋnetɛra haa maɡla bil ba la chɔɡ ba.

Aesaya 5:19

Hé bwɛɛlɛ he banɔ la haa dɛ bol ŋɔ, “Korowii, ɛ warane dɛ́ ɛ he toma ya na. Israel Nɛŋɡoroŋ, baɡle he ŋwɛnɛre ya jemɛ.”

Aesaya 60:15

Jerusalam, ba fa haeh dɛ vɛɛh, nomɛlbwa aa he ta kpɔ. Kɛ mɛɛ ɛɛ he do wer kɛŋɔ, bwɛjen waa soma tɛ nɛra saŋ te bɛlbwa dɛɛ la.

Aesaya 65:13

Anomanta, Nemenɛ Korowii ŋɔ, “N bonɔɔna ɛɛ dɔ kondikwaa di dɛɛ nyɔ sen kohona, kɛ he te, lɔr ne nyɔɡre ɛɛ kpo heyaa taeh. N bonɔɔna sie ɛɛ lɛo, kɛ he te ɛɛ di sihiih.

Aesaya 66:2

N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.

Jeremia 36:16

Baa no tɔn la bini waa la, ba nyiŋi dɔŋa sie bochela ne dɛ ŋɔ Baruk be ŋɔ, “A chɛ kɛ yá bol waa nɔ bwa baɡle kooro.”

Hosia 11:10

Dɛ n kɔr n nɛra dɔma nɛɛ kɛŋɔ nyujente aa, baa teŋɛ n nɛɛ. Baa le wee cholibɔree dɛ́ ba n be warane.

Matiu 10:22

Nɛra bwa ɛɛ koh n waa hah heya. Kɛ naate waa dɛ ba wona dɛ́ lawɛ bambile ka tonɛ la, wɛɛ dɔ o nyuu.

Amanesoma Luk Aa Chwera Tɔn 13:17

Yeesu aa bol ɡɛ la, sihiih kpo o dɔma la. Kɛ nɛnlaa baa kaa la te sie lɛ nyokpowaa waa ɛa la ta.

Amanesoma Jɔn Aa Chwera Tɔn 16:2

Nɛra ɛɛ doŋi heyaa cheremi deene binii, ásɛ a ba saŋ bɛl kɛŋɔ bá kpoo heya, dɛɛ lii kɛŋɔ Korowii tetoowaa baa ɛ ɡɛ la.

Amanesoma Jɔn Aa Chwera Tɔn 9:34

Anee ba ŋɔ o be ŋɔ, “He ne he wechɔɡaa ba lolɛ. Gɛɛ he ŋɔ hé chaɡle yaa wa aa?” Asɛ ba doŋu cheremi dea bela bala kwara.

2 Tesalonika 1:12

Ya dɛ soŋe Korowii ɡɛ, ásɛ ya Dɔɔ Yeesu sɔn won dɔ jirima dɛ́ le he we-ɛɛla ta, ásɛ he ɡe ɡba won dɔ jirima dɛ́ le o be. N Naa Korowii ne ya Dɔɔ Yeesu Kristo suna waa dɛ sune ya nɛɛ dɛɛ cha yaa la nomanta, á bwa won ɛ ɡɛ.

Taetos 2:13

dɛɛ kpa ɡɛ saŋ Yeesu Kristo aa ba o jirima ne ya nao la. Onee Korowijen ne ya Lɛɛ la. O bala taa ya dɔ hwɛɡa ne silɛɛ kɛrɛdɛ.

Hibru 9:28

Gɛɛ ba kpɔ Yeesu Kristo ɡe ɛ saraha kerabeŋkpoŋ, ásɛ o che nɛndamanta wechɔɡa. Wɛɛ berɔɔ ba nɛɛtena ja. Wechɔɡa waa laa wɛɛ ba bala name te. Nɛra baa dɛ kpao siswɛm ne laanee wɛɛ ba ba lɛ.

1 Jɔn 3:13

Yabala, dɛ nɛra baa dɔ harɛ nɔ ta ɡbo liire hah heya aa, he bɛ ɡel a ɛ heyaa nyokpoa.