Aesaya 66:4 - mzwDBL

⁴ Anomanta, mɛɛ kpɔ wekpeɡaa ba ta ba nɛ, waa baa dɛ ɔma kohona la. Dɛkalkɛŋɔ n yer ba, bɛlbwa ta chaŋɛ, dɛ bol wa, bɛlbwa ta deŋne cheɡɛ dɛ no. Ba berɛ habɔɔ kpo mɛ, dɛɛ ɛ waa maa wola nyin.”

Aesaya 66:4 ပူးပေါင်းရင်းမြစ်များ

2 Koranar 21:2

O ɛ wechɔɡa dɛ jo Korowii nɛ, dɛ teŋɛ harɛre nɛra baa tɔ sie ba so bela, Korowii aa doŋ ba le ba harɛre ta tɛ Israel tena we-ɛɛla baa ɛa Korowii kia la ta.

2 Koranar 21:6

O kpo o bibaa dɛ fuuh ɛ saraha, dɛ ɛ sɔm we-ɛɛla dɛ voɡɛ dɛ yerɛ lala, dɛ la tɛɡre tena ɡe be. O ɛ wechɔɡa taeh dɛ jo Korowii nɛɛ dɛ ir o bandia kohona.

Yela 81:12

Anomanta, n ɡel ba deŋnekpeɡ waa tɛɛ ba, ba kaa ɛ anɔ la aa too ba tea.

Sɛɡla 1:24

N teŋɔ dɛɛ yerɛ heya, kɛ he vɛoh, n ta nɔn ŋɔ he ba, kɛ he mwaa n ne.

Sɛɡla 10:24

Waa nɛnchɔɡe aa dɛ ɔmɛ la, a dɛ ba o nɛ, kɛ nɛn o wa aa toɡra te, dɛ́ dɔ kon waa dɛ nyin.

Aesaya 50:2

N ba he be, n ta heyaa nae, n yerɛ heyaa he ta sɛɛh. Kpeɡri maa kpɔ lɛ heyaa laanee n ta dɔe kɛɛ? Mɛɛ won ŋɔ mpo hweeh, ó hweeh, dɛ́ berɛ won ɡel neerare hweeh, bela do kɛŋɔ pua hɛŋle ɡbo harɛ ta, ásɛ a pɛŋa bwa serewe dɛ́ pɔh.

Aesaya 59:15

Anomanta, kasinteŋ tonɔ, dɛ ɡel nɛra baa laa ba te dɛɛ kpɔ wechɔɡa ta la, nɛra berɛ hah ba.” Korowii na ɡɛ, asɛ o sie ta lɛɛ kɛŋɔ kasinteŋ aa wola toole la.

Aesaya 59:7

He ɡbaŋre wechɔɡa ɛɛ ne nɛn waa wola wechɔɡa ɛɛ kpoe ta. Wechɔɡa lɛ he liire bwa, dɛɛ chɔɡ kwaa bobɛlbwa haa dɛ la.

Aesaya 65:12

Aa ɛ nyokalaa tɛ heyaa kɛŋɔ hɛɛ sewɛ laa taa, dɛkalkɛŋɔ, n yerɛ heyaa he ta sɛɛh, dɛ bol waa he be he ta men chaŋɛ. He kpɔ he ɡbaɡba ŋwɛnɛ, dɛ ɛ waa aa wola n siwi sui dɛ ɛ wechɔɡa.”

Aesaya 65:2

Saŋ bɛlbwaa n paɡri n nɔɔra kɛŋɔ ń lɛ n nɛra ba deŋne aa kpeɡa, dɛɛ ɛ waa baa dɛ nyin.

Aesaya 65:3

Ba teŋɔ dɛɛ muɡli n baah, dɛ kpoo kwaa dɛɛ ɛ saraha voɡare ta, bodɛɛɡe baa du daa bini, dɛ fuh daawiile dɛɛ tɛa.

Aesaya 65:7

ba ne ba naawa bwa wechɔɡa baa ɛa wa. Dɛkalkɛŋɔ ba fuh daawiile voɡa ta deŋɡarere dor, dɛ chɛɡre mɛ bela. Anomanta, mɛɛ tɛr ba deŋnee ɡɛ aa chɛa, ba wechɔɡa baa ɛa dɛ le saŋ la bwa wa.”

Jeremia 35:17

Anomanta, men Korowii Maa Ɛ Koranar Bwa Kooro, men Korowii Israel tena aa dɛ tom mɛ ɛɛ kpɔ wekpeɡa maa ŋɔa mɛɛ kpɔɔ ba ta Juda ne nomɛlbwa waa lɔ Jerusalam nɛɛ laanee ba. Dɛkalkɛ n bol waa he be, he ta noɛ, dɛ yerɛ heya he ta men chaŋɛ.”

Jeremia 7:13

Hé taa dɛ ɛ wechɔɡa nɔ la, men Korowii bol he be keraŋwɛnɛ bwa, kɛ he vɛh n be noe. N yerɛ heya, kɛ he ta men chaŋɛ.

Jeremia 7:30

Juda tena ɛ wechɔɡa ane. Ba kpɔ ba voɡare maa kia la cheɡ n Dea maa lea cheɡ ŋɔ baa tom mɛ o bini la, dɛ kpɔ doŋa kaoh.

Ɛsekeɛl 11:8

He dɛ ɔmɛ laa, kɛ laalee mɛɛ ba kpɔe ba ta he nɛɛ bá kpoo heya.

Ɛsekeɛl 14:4

Anomanta, ŋɔ ba be ŋɔ, kenii men Nemenɛ Korowii ŋɔ, ‘Israel te bɛlbwa o bambile aa cheɡɛ voɡa ta, aa kaa o ne wechɔɡa ta la, o ba n keame be dɛɛ nyin waane dɛ́ no aa, men Korowiirii dɛɛ ba baɡla ɡɛ maa dɛ ba o voɡa la ɛɛ.

Ɛsekeɛl 20:25

N ɡelɔ baa ɛ waa aa wola ban cha, dɛ tɛɛ ba mmarare aa wola ɡel ba dɔ mkpa.

Matiu 24:24

dɛkalkɛ nɛra ɛɛ bao dɛ́ ba teŋe nyosone ŋɔ Kristo laanee ban, ásɛ bane ɡe teŋe nyosone ŋɔ Korowii keameree ban. Baa ɛ wejena ne nyokpowaa, dɛɛ nyin bɔr dɛ́ neɡre nɛra Korowii aa chal ba dɛ lɛɛ ba la kwara.

1 Samoɛl 8:19

Kɛ ane a bwa, nɛra la vɛoh ba ta Samoɛl waa la noɛ. Ba ŋɔ, “Ya dɛ nyin kooro ó baa nyiŋi ya nɛ.