Aesaya 66:24 - mzwDBL

²⁴ Nɛra ɛɛ leo dɛ́ kaa nyiŋi banɔ la baa ɛɛ mɛ deŋnekpeɡ la lala kɛ baa serewa chɔ. Dudule aa dɛ di ba ola la aa sewɛ bwa, nii aa dɛ fuuh ba ɡe aa dime bwa, ásɛ ba waa pe nɛwɛnyina bwa.”

Aesaya 66:24 ပူးပေါင်းရင်းမြစ်များ

Yela 110:6

Wɛɛ bol harɛre nɛra waa dɛ́ pa bole, ba serewe warɛ chɔ laa ta, dɛ́ kpoo harɛ nɔ ta koranar bwa.

Aesaya 1:28

Nɛra baa kpaŋe o nɛ, ne wechɔɡ-ɛɛra la, wɛɛ pɛo chɔɡ ba bwa. Asɛ nɛra ba ɡe aa vɛoh la, ó kpoo ba ɡe.

Aesaya 1:31

Bokpeɡa tena ɛɛ ɛo kɛŋɔ daa aa hola ken, asɛ ba toma baa toma ɡe do kɛŋɔ nii ken. Kombele anɛ nɔ bwa ɛɛ pɛo dɛɛ fuh nomɛlbwa aa wola won dima.”

Aesaya 14:11

He jenu bwa tonɛ lalabwɛ, janjela baa lɔa dɛɛ duuri bwa chiɡo. Dudulee he kalaŋ, dɛ tɔe yal.’

Aesaya 24:20

Harɛ ɛɛ yɛɛɡoo kɛŋɔ sennyɔdɛɛ ken, kɛɛ pata peu aa dɛ kpɔɔ ken. Harɛ nɛra wechɔɡa sii ba nɛ, dɛ́ ba ba ne harɛ, baa choloo baa wola ir kpa.

Aesaya 26:11

N Naa Korowii, he dɔma aa jemɛ kɛŋɔ he dɛ ba ba deŋne tɛra. Gel ba na ɡɛ haa dɛ nyin he nɛra, ásɛ sihiih kpo ba. Kpɔ deŋnetɛra haa maɡla bil ba la chɔɡ ba.

Aesaya 34:10

Wɛɛ dɛɛ fuuh webaŋa ne jwaana waa wola dime bwa, ásɛ o ninchuu ɡe teŋɛ tɛr dɛɛ kaa nyundua saŋ bɛlbwa. Harɛ la ɛɛ chɔ pɛɛpɛɛ saŋ bɛlbwa dɛɛ la, nomɛlbwa aa wola belaa kpɔ kpa bwa.

Aesaya 34:3

Baa ban huɡe, baa paa baa ta, ásɛ ba sɔɔh tɔ bɔr bwa koŋkoŋkoŋ ken, ba chale ɛɛ palɛ bwejena dor bobɛlbwa.

Aesaya 48:22

Korowii ŋɔ, “Bosɔɔhna toole dɛ tɛ wechɔɡ-ɛɛra.”

Aesaya 5:25

Anɔ bwa ɡelɔ Korowii baah di o nɛra nɛ, o ir nɔn dɛ́ tɛr ba deŋne. Bwejena ɛɛ jiɡruu, ásɛ nɛra baa serewe la lala chɔ fɔɡbaahna kɛŋɔ haahra ken. Anɔ bwa habɔɔ o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 51:8

Ba bwa ɛɛ heo kɛŋɔ, sɛɛle aa di laala kɛɛ dudule aa dɛ chɔɡ yabii ken. Kɛ toɡra n wa aa toɡra ɛɛ do le saŋ bɛlbwaa, ásɛ lɛɛ maa lɛ nɛra la chɔ ka le naanar baa ka ba bwa.”

Aesaya 65:15

He sɔn ɛɛ berɛ tooh tɛ nɛra maa lee ba tɛ n te laanee. Men Nemenɛ Korowii ɡbaɡba ɛɛ kpoo heyaa, dɛ́ tɛ banɔ la baa dɛ duu mɛ kɛrɛdɛ la sɔnfale.

Aesaya 66:16

Nii ne laalee wɛɛ ba kpɔe tɛr harɛ nɔ nɛra bwa deŋne. Nɛra waa kpoo ba ɛɛ warɔɔ taeh.

Daneɛl 12:2

Nɛra ɡalɡa baa serewa ɛɛ berɔ ir, ásɛ bane kaa mkpa aa wola jaɡa dɔe bwa ta, bane ɡe kaa weweele aa wola jaɡa dɔe bwa ne sihiih ta.

Sekaria 14:12

Weechɔɡa Korowii aa dɛ ba kpɔe ba ta harɛre a nɛra aa ba yo Jerusalam tena laanee nɔ. Ba bwadabii ne ba sibie ne ba nyondoŋa ɛɛ pɔɔh, dɛ ba ta serewɛ.

Matiu 3:12

O do kɛŋɔ paa waa cheɡɛ o pɛla ta, dɛ kpɔ o te dɛɛ ba mea pala. Wɛɛ palɛ a bwaa kɛrɛdɛ ken, ásɛ dɛ pa ka do dɔndɔŋ bini cheɡ. Kɛ a pɛɡa la te, wɛɛ kpɔ nii aa wola dime bwaa fuah.”

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”