Aesaya 66:18 - mzwDBL

¹⁸ Maa jemɛ ba liire ne ba we-ɛɛla nomanta, n dɛ ba ń yerɛ harɛre nɛra, ne wobol bɛlbwa tena bwa cheme, ásɛ ba na n jirima.

Aesaya 66:18 ပူးပေါင်းရင်းမြစ်များ

Job Tɔn 42:2

“N Naa Korowii, n jemɔ kɛŋɔ henee dɔ kpeɡri kohona. Nomɛlbwa aa won tɔe ŋwɛnɛ wobɛlbwa ta.

Yela 139:2

He jemɛ n harɛ soɡa ne n ira dɛ che bwa bini, n ne he baah jaŋne kwaraa naa, he jemɛ n nyu bini liire bwa.

Yela 67:2

ásɛ harɛ nɔ ta nɛra bwa jemɛ waa haa dɛ nyin, ɡɛ aa ɛ ásɛ ba bwa na ɡɛ haa won nɛra lɛɛ.

Yela 72:11

Koranar bwa ɛɛ ba ɡuŋuu, ásɛ harɛre nɛra bwa tomɔ.

Yela 72:17

Gel kooro sɔn do le saŋ bɛlbwa dɛɛ la kɛŋɔ, wee aa lole dɛɛ lɔ saŋ bɛlbwa nɔ. Harɛre nɛra bwa ɛɛ che o nɛɛ dɔ andɛɛɡa ásɛ dɛ na kɛŋɔ Korowii sweero andɛɛɡa.

Yela 82:8

N Naa Korowii, ir nyu ne, dɛ́ bol harɛ nɔ nɛra waa dɛ́ pa bole. Henee dɔ harɛ nɔ nɛra bwa.

Yela 86:9

Harɛre nɛra haa ta ba bwa ɛɛ ba he siee, dɛ́ ba ɡuŋi, dɛ́ kpɔ jirima tɛ he sɔn haa dɔa.

Yela 94:11

Korowii jemɛ nɛwɛnyini liire kɛŋɔ a ɛ wepuu.

Yela 97:6

Kwaa aa lɔ nyundua dɛ baɡle kɛ o waa toɡrɔ, asɛ harɛ nɔ ta nɛra bwa ɛɛ na o jirima.

Aesaya 11:9

Nɛra aa ba dɔŋaa kpo kɛɛ dɛ chɔɡ komɛlbwa kpa, Korowii Bwejen waa do ɡoroŋ la ta. Nɛra ɛɛ jemɛ Korowii harɛ la bwa taa, kɛŋɔ mpo aa yɛɛra la ken.

Aesaya 2:2

Tɔpere bɛl dɛ ba ásɛ bwe Korowii Dea aa chɔŋɛ o ta Jerusalam la waa ba hiah ɡwaa bwea bwa, ásɛ o sɔn le bwea bwa bini, ásɛ harɛre nɛra warɛ dɛ́ ba o ta.

Aesaya 37:28

N jemɛ he wobɛlbwa bini, he laŋa ne he bala bwa, ne he deŋnekpeɡ we-ɛɛla haa dɛ ɛɛ mɛ.

Aesaya 40:5

Ásɛ Korowii ba baɡle o jirima nɛwɛnyina bwa na. Korowiirii bola.”

Aesaya 45:22

Harɛre nɛra bwa, hé ba n be, dɛ́ ba dɔ he nyu. N ɡboo Korowii, Dɔɔ bɛlbwa toole kpa.

Aesaya 52:10

Wɛɛ ɡeloo harɛre nɛra bwa na ɡɛ o kpeɡri aa do ɡoroŋ. Nɛra baa lɔ harɛ jaɡa bwa ɛɛ na ɡɛ Korowii yaa dɛ tomɔ aa wona lɛ yaa.

Aesaya 55:8

Korowii ŋɔ, “Waa haa dɛ lii laa mɛɛ lii, he we-ɛɛla dɔŋa laa mɛɛ ɛ.

Aesaya 56:8

Nemenɛ Korowii waa tɔ Israel tena sie dɛ le ba ne bojaŋ harɛfale ta la ŋɔ, “N ta ɛɛ ba bane ɡe nee, ba ba ja ba nɛ.”

Aesaya 57:12

He dɛ lii kɛŋɔ anɔ la haa dɛ ɛ la toɡrɔ, kɛ mɛɛ le he mun nee waa haa dɛ ɛ ta. He voɡa aa tɔnɔ bɛlbwaa dɔ tɛ heya.

Aesaya 59:7

He ɡbaŋre wechɔɡa ɛɛ ne nɛn waa wola wechɔɡa ɛɛ kpoe ta. Wechɔɡa lɛ he liire bwa, dɛɛ chɔɡ kwaa bobɛlbwa haa dɛ la.

Aesaya 65:2

Saŋ bɛlbwaa n paɡri n nɔɔra kɛŋɔ ń lɛ n nɛra ba deŋne aa kpeɡa, dɛɛ ɛ waa baa dɛ nyin.

Aesaya 66:10

He banɔ la haa dɛ nyin Jerusalam waa la, he ne ó pɛ lɛ sie. Nɛra haa wia tɛo bwa ɡe hɛɡre.

Jeremia 16:17

Korowii dɛ na waa bwa baa dɛ ɛ, a bwa chɔ o sie. Gɛɛ baa wola won kpɔ ba wechɔɡa ɡe sɔɔh.

Jeremia 3:17

A ɡɛ saŋ la, baa yerɛ Jerusalam ‘Korowii Kookara’ bɔree, ásɛ harɛre nɛra bwa ba bela dɛ́ baa tom mɛ. Baa ba wechɔɡa ne deŋnekpeɡ we-ɛɛla la taa teŋɛ kpa.

Ɛsekeɛl 38:10

Waa men Nemenɛ Korowii aa dɛ bol nomonjen Gɔɡ be laanee nɔ, ‘Awola tɔpere la, liichɔɡa ɛɛ pa munii ba he nyu bini, ásɛ hɛɛ nyin a ŋwɛnɛre.

Ɛsekeɛl 39:21

Mɛɛ ɡeloo harɛre ta nɛra na n jirima, dɛ́ na n deŋnetɛra maa kpɔa dɛɛ ba ba nɛ, ne ɡɛ maa cheɡɛ n kpeɡri ta dɛɛ ɛ, ne ɡɛ n liire aa wera.

Joel 3:2

Mɛɛ boa harɛre nɛra nyoa dɛ́ ba bane Jehosafat Fɛlembɔjen bini. Belaa mɛɛ ba ń ba bol ba waa dɛ́ pa bole, waa bwa baa kpɔa ɛ n nɛra Israel tena la, dɛkalkɛ ba lɔ ba peɡre harɛre nɛra bini dɛ bɔne n harɛ.

Emɔs 5:12

N jemɛ ɡɛ he wechɔɡa aa kana, dɛ jemɛ wedoŋa bwa haa ɛa. He ɛɡre nɛra ba wa aa toɡra, dɛ ɡel baa yawɛ heyaa sen, haa nyaara waa bolɛ dɛɛ tɛɛ ba aŋwɛnɛ ta kɔɔto.

Sekaria 14:16

Harɛre ta nɛra baa ba yo Jerusalam tena ásɛ ba bini bane ka la, baa di Kukure Tɔpejen la Jerusalam benanyoa bɛlbwaa, dɛɛ tomɛ Kooro waa ɛ Koranar Bwa Kooro la.

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Matiu 12:25

Yeesu aa jemɛ waa baa dɛ bol la, anee o ŋɔ, “Dɛ harɛ bɛl ta tena bini pere anɛ ba ɡbo ɛɛ yo aa, harɛ la dɛ paɡre. Asɛ bwɛjen bɛlbwa ɡe o bini aa pere anɛ bampera ne bampera ɛɛ yo la, bwɛɛ la dɛ paɡre. Gɛɛ dɛ waane ba lolanar bane bini asɛ ba pere anɛ ba ɡbo ɛɛ yo aa, lola la aa won ɛ lola.

Matiu 9:4

Yeesu aa jemɛ waa aa lɔ ba nyu bini la, o ŋɔ, “Ɛrɛɛ hɛɛ lii musu waa nɔɔ?

Amanesoma Luk Aa Chwera Tɔn 5:22

Yeesu aa na waa baa dɛ lii la, o bɔɔ ba ŋɔ, “Ɛrɛɛ hɛɛ lii ɡɛ waa nɔ nɔɔ?

Amanesoma Jɔn Aa Chwera Tɔn 17:24

N Mɛɛ, henee kpɔ ba tɛ mɛ. N dɛ nyin kɛ ba ja n nɛɛ bela maa lole, ásɛ dɛ won na n jirima haa kpɔa tɛ mɛ. He tɔ sie nyin mɛ mɔɔ dɛ ta harɛ, a waa he tɛ mɛ jirima la.

Amanesoma Jɔn Aa Chwera Tɔn 5:42

He te, n jemɛ heyaa dɛ jemɛ kɛŋɔ he bambile ta Korowii waa lawɛ.

Tɔn Pɔɔl Aa Chwerɛ Rom Tena 16:26

kɛ taraken te, o cheɡɛ o keamere waa baa chwera la ta, dɛ le a bwa ne baŋ. Korowii waa lole saŋ bɛlbwa la tɛ ŋwɛnɛ taraken ŋɔ nɛ́ra bol o waa la. O ɛ ɡɛ ásɛ ba bola dɛɛ baɡle nɛra bwa ásɛ ba yaradaa dɛ́ teŋɛ a ta.

1 Kɔrent 3:20

Ba chwerɛ o bobɛl ɡe ŋɔ, “Korowii jemɛ harɛ nɔ ta wejerema liire kɛŋɔ a ɛ wepuu.”

Mmarare 31:21

Ásɛ wekpeɡa ba ba nɛɛ taeh, kɛ ba taa teŋɔɔ dɛ́ ɡo yel la, ásɛ a ɛ waa dɛ́ chɔ tɛɛ ba. Taraken kwara, n jemɛ liire baa dɛ lii mɔɔ mɛɛ ba ba ne harɛ maa baɡ ba nyoa la ta kaala.”

Hibru 4:12

Korowii waa waa bola do kɛ kon o siwi aa lole, dɛɛ ɛ toma. A nyɛɡre ɡe ɡwaa naŋɡɔse bɛlbwa, hale dɛ́ fe won pere hweera le lileo ta, dɛ́ won jo sema bini, hale dɛ́ fe won pere hoɡa ne fɔɔla baah. A wono dɛɛ jemɛ nɛwɛnyini liire ne o wesɔɔhla bwa.

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Wepila 2:13

N jemɛ bela haa soɡa. Bɔnsam soŋnibɔree he do la, kɛ dɛ ta che kiŋkiŋ. Hale ɡɛ saŋ ba fa aa kpo Antipas waa ɛ kasinteŋ te dɛ che tɛ mɛ he bwɛjen Bɔnsam soŋnibɔr bela la, he ta tɔeh kɛŋɔ haa men yarada.

Wepila 2:2

N jemɛ he toma haa ɛa, ne he koeh, ne he bambile haa lawa, dɛ jemɛ kɛŋɔ haa nɛnchɔɡa waa nyin. He fa kari nɛra ba fa aa dɛ yerɛ ba te n toroma la, dɛ na kɛŋɔ ba ta n toroma ɛɛ, dɛ na kɛŋɔ ba ɛ nyosonteŋna.

Wepila 2:9

N jemɛ he wahala ne he nyae wa, kɛ he ɛ dɔɔhna taeh. N jemɛ wechɔɡa nɛra baa dɛ yerɛ ba te Juu tena kɛ dɛ ɛ Bɔnsam habɔteŋra la aa bola dawɛ he nɛ.