Aesaya 66:16 - mzwDBL

¹⁶ Nii ne laalee wɛɛ ba kpɔe tɛr harɛ nɔ nɛra bwa deŋne. Nɛra waa kpoo ba ɛɛ warɔɔ taeh.

Aesaya 66:16 ပူးပေါင်းရင်းမြစ်များ

Aesaya 10:4

Wobɛlbwa toole hé ɛ kpa, nemenɛ hé ja nɛra baa laɡ ba laa ta, kɛɛ banɔ la baa ka kpoo la nɛ. Anɔ nɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 27:1

Awola tɔpere la, Korowii ɛɛ kpɔ o kerejen waa nyɛɡa laanee tɛr oljen waa dɛ tuuɡi harɛ, dɛ ɛ harɛkon, dɛ ɡoɡli dɛɛ kaa sɔrr la deŋne. Onee mpo bini oljen Lɛvayatan la.

Aesaya 3:13

Korowii soɡo dɛ́ bol nɛra wa. O kpɔ o te dɛɛ ba o nɛra waa bola dɛ́ pa bole.

Aesaya 30:30

Korowii ɛɛ ɡeloo nɛra no o taa, dɛ́ jemɛ ɡɛ waa do kan, dɛ́ ɡel ba na o bandia waa dɛ́ ba o ne, dɛ́ ba tɛr ba deŋne. Bandichɔɡe ne nii aa dɛ chɔɡ kwa, ne bwaalachɔɡe ne peu, ne bwaala kɔɡra dɛ dombwea nee wɛɛ ba bala.

Aesaya 31:8

Asiiria tena ɛɛ serewoo dɛ ba ne nɛra laa yoa, kere waa wola nɛn kon ɛɛ dɛɛ ba ba kpoora. Baa chwa laa taa, ásɛ ba lawɛ ba bini bonɔɔna yoma.

Aesaya 34:2

Korowii baah di harɛre nɛra bwa nɛ. O bwaawee iro kohona ba laa tena nɛ. O lee ba cheɡ dɛ́ kpoo ba kwaraa.

Aesaya 65:12

Aa ɛ nyokalaa tɛ heyaa kɛŋɔ hɛɛ sewɛ laa taa, dɛkalkɛŋɔ, n yerɛ heyaa he ta sɛɛh, dɛ bol waa he be he ta men chaŋɛ. He kpɔ he ɡbaɡba ŋwɛnɛ, dɛ ɛ waa aa wola n siwi sui dɛ ɛ wechɔɡa.”

Jeremia 25:31

Nɛra baa lɔ harɛ jaɡa bwa ɛɛ no o nyɛɡa laanee. Korowii ne harɛre nɛra dɔɔ, wɛɛ bol nɛwɛnyina bwa waa dɛ́ pa bole, ásɛ dɛ kpoo nyubinikpeɡ tena.’ ” Korowiirii bola.

Jeremia 25:33

Gɛ saŋ la, nɛra baa kpoo ba laa ta la ɛɛ warɔɔ chɔ harɛ nɔ ta bobɛlbwa, le harɛ baŋ bɛl ba kaa o jaɡa. Nomɛlbwa aa ba lwee ɛ, a ba ɛ kɛŋɔ ba huɡ ba. Ásɛ ba chɔɡ, dɛ́ do kɛŋɔ nabena aa ɡela harɛ ɛɛ do wer ken.

Jeremia 45:5

Ɛrɛɛ hɛɛ nyin kɛŋɔ nɛra nyiŋi he nɛɛ kɛrɛdɛ nɔɔ? Bɛ an dɛɛ nyin, dɛkalkɛ n dɛ ba wenaale kpɔe ba ta harɛ nɔ nɛra bwa nɛ. Bobɛlbwa haa chwa kaa la, mɛɛ ɡeloo he dɔ he nyu. Men Korowiirii bola.”

Jeremia 46:15

Bɔkwa waa bala he voɡjen Apis chole ɔ? Korowiirii taɡɔ o chole.

Ɛsekeɛl 28:18

He wechɔɡa ne kasinteŋ bɛ dii he bona dii ta ɡelɔ he kpɔ doŋa kah deene haa dɛ tomɛ a bini. A waa n ɡel nii ba le bwɛjen la ta, dɛ fuh o bwa dɛɛboo. Nomɛlbwa na ɡɛ bwɛjen la aa fuah dɛ berɛ tɔɔ.

Ɛsekeɛl 38:17

He waa laa n faa che n bonɔɔna baa ɛ Israel keamere nɛɛ dɛ bol la aa? A ɡɛ saŋ la, n bol waa aa dɛ ba bala biɡri kɛŋɔ mɛɛ ɡeloo nomonjen Gɔɡ ba yoo ba.

Ɛsekeɛl 5:15

Gɛ saŋ maa tɛr he deŋne bandia kohona ne la, harɛre aa bar heyaa cheme la nɛra ɛɛ ɔmɔɔ taeh, baa he waa nyin, dɛɛ mamɛ heya.

Joel 3:2

Mɛɛ boa harɛre nɛra nyoa dɛ́ ba bane Jehosafat Fɛlembɔjen bini. Belaa mɛɛ ba ń ba bol ba waa dɛ́ pa bole, waa bwa baa kpɔa ɛ n nɛra Israel tena la, dɛkalkɛ ba lɔ ba peɡre harɛre nɛra bini dɛ bɔne n harɛ.

Emɔs 7:4

Nemenɛ Korowii ɡelɔ n na waane wepila ta ja. N nao kɛŋɔ waa kpɔ nii dɛɛ ba ba fuh harɛ la, dɛ́ kpɔ tɛr o nɛra deŋne. Nii la fuoh dɛ hweeh viljena bwa, dɛ fuh dɛɛ ba ba chɔɡ harɛ ɡe.

Neehum 3:15

Belaa nii ɛɛ ba heyaa fuih, ba kpoo heyaa laa ta, dɛ́ he heyaa kɛŋɔ tontombɛ yon di kwaa la. Hé ɡel he nɛra warɛ kɛ hɔɔhre, kɛɛ tontombɛ.

Neehum 3:3

Laa tena soɡe jaɡre ta dɛɛ chwa dɛ́ ka yo, dɛɛ beɡre kerele fal fal, lampeare ɛɛ nyɛɡle al-al ken. Nɛra serewɔ pirim, lala daŋɛ chɔ ba ta nyoa dɔe, nɛra ɛɛ laala.

Sekaria 14:5

Hɛɛ chwao kpɔ fɛlembɔjen waa bɔne Bwejen la binii kaa bwɛɛ bɛl baa dɛ yerɔ Asɛl ta. Hɛɛ chwao ɡɛ he naawa fa aa chwaa ɡɛ saŋ harɛ aa jiɡra dɛ Juda Kooro Ussia di kora la. Korowii maa dɛ tomɔ la ɛɛ bao, o nyundua toroma bwa ja o nɛ.