Aesaya 66:12 - mzwDBL

¹² Korowii berɔ ŋɔ, “Jerusalam, mɛɛ ɡeloo deŋnesɔɔhna ne harɛre kondɔɔh bu he nɛɛ kɛŋɔ, nee waa wola hweeh bwa ken. Hɛɛ ɛo kɛŋɔ haah yon kpoŋe o bie nɔn ta, dɛɛ nyinu, dɛɛ dɛɛro la.

Aesaya 66:12 ပူးပေါင်းရင်းမြစ်များ

Aesaya 14:2

Harɛre nɛra ɛɛ cha baa dɛ kpɔ ba ba, ba ɡbaɡba harɛ ta. Ásɛ Israel tena berɛ kpɔ harɛre la nɛra berɛ ba yoma Korowii harɛ waa kpɔa tɛ Israel tena la ta. Nɛra Israel tena fa aa lɔ ba lɔɡa la berɛ ba do ba lɔɡa, ásɛ dɛ baa tom ba.

Aesaya 26:3

N Naa Korowii, henee dɛɛ tɛ banɔ la ba liire aa cheɡɛ bobeŋkpoŋ bosɔɔhna tenten, dawa baa kpɔ ba te dawɛ he nɛɛ la wa.

Aesaya 33:21

Korowii ɛɛ do belaa dɛ́ ɛ ya Kpeɡnɛn. Wɛɛ ɡeloo yá so harɛdɛɛɡe nejena ne nenabɔɔne aa lɔ o ta. Ya dɔma aa ɡbeni a taa tawɛ, ba stiimaere aa a taa kpɔ.

Aesaya 45:14

Korowii ŋɔ Israel tena be ŋɔ, “Ijipt ne Itiopia harɛre kondɔɔh kwaa ɛɛ ɛ he kwaa, ásɛ Seba baala baa kpeɡa kohona berɛ he yoma. Baa do ba jɔɡrɔree, ba teŋɛ he nɛ. Baa ɡuŋi heyaa harɛɛ, dɛ́ sɛh ŋɔ, ‘Korowii teŋɛ he nɛɛ kpela. Dɔɔ bɛlbwa toole.’ ”

Aesaya 48:18

Dɛ he fe cheɡ deŋne n waa ta naa, he fe dɔ deŋnesɔɔhna kɛrɛdɛ, kɛŋɔ nenabɔɔ waa wola hweeh bwa, dɛ́ dɔ kpeɡri kohona kɛŋɔ mpo nehɛma ken, dɛ́ won wobɛlbwa ɛɛ á toɡre.

Aesaya 54:13

Men Korowiirii dɛ́ baɡle he bii wa, dɛ́ ɡel a chiɡ ba kɛrɛdɛ, bá dɔ deŋnesɔɔhna.

Aesaya 54:3

Hɛɛ paɡri he harɛ jwɛhree a kaa sie diɡ ne ɡal, ásɛ he naanar berɛ lɛ harɛre nɛra bane aa soɡe a ta taraken nɔ, dɛ́ so a ta. Bwɛjena aa chɔ pɛɛ taraken la, he nɛra ɛɛ warɔɔ dɛ́ berɛ ba so a ta.

Aesaya 59:19

Le wee leebɔr ba kaa wee cholibɔr, nɛra ɛɛ ɔmɔɔ dɛ́ kpɔ jirima tɛo. Dɛkalkɛŋɔ wɛɛ bao kɛŋɔ nepale ne peu a nyoa aa kpeɡa.

Aesaya 60:16

Harɛre nɛra ne koranar ɛɛ nyiŋi he nɛɛ kɛŋɔ, haah aa dɛ ɔr o bie, ásɛ he jemɛ kɛŋɔ men Korowiirii he Lɛɛ, menee Korowii, Jekɔb Kpeɡnɛn waa tomɔ la.

Aesaya 61:6

Baa yerɛ heyaa Korowii sɔforee, ne Korowii haa dɛ tomɔ la bonɔɔna. Harɛre nɛra kondɔɔh ɛɛ ɛ he kwaa, ásɛ he koh a waa dɛɛ ɛ mbarafo.

Aesaya 66:11

Jerusalam ɛɛ dɛɛ heyaa hé dɔ o kondɔɔh la ane hé sie lɛ, kɛŋɔ haah elne yon bu o bie nɛɛ ó ɔr vaɡɛ la.

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Jeremia 33:6

Kɛ bwɛjen nɔ nɛra te, mɛɛ berɔ ɡel bá dɔ bokpeɡa, dɛ́ ɡel ba dɔ deŋnesɔɔhna ne bosɔɔhna ɡe kohona.

Haɡae 2:9

Jirima taraken n Dea nɔ aa dɛ ba dɔe la, ɛɛ ɡwaa wubwa kon laanee. Ásɛ dɛ tɛ n nɛra deŋnesɔɔhna bela. Men Koranar Bwa Kooroo bola.”