Aesaya 66:11 - mzwDBL

¹¹ Jerusalam ɛɛ dɛɛ heyaa hé dɔ o kondɔɔh la ane hé sie lɛ, kɛŋɔ haah elne yon bu o bie nɛɛ ó ɔr vaɡɛ la.

Aesaya 66:11 ပူးပေါင်းရင်းမြစ်များ

Yela 36:8

He tɛ yaa kondikwa a warɛ yaa di he dem, dɛ tɛ yaa he wedɛɛɡa, a do kɛ nee waa dɛ palɛ yaa nyɔ.

Aesaya 49:23

Koranar ɛɛ kpɔ heyaa berɛ ba bii, ásɛ ba haŋkoranar ɡe berɛ he nyare. Baa dɛɛ ɡuŋi heyaa harɛɛ, dɛ́ kpɔ duure tɛ he ya. Belaa hɛɛ ba jema kɛŋɔ menee Korowii. Nɛra baa kpɔ hwɛɡa dawɛ n nɛɛ la, sihiih aa ban kpo bwa.”

Aesaya 60:1

Jerusalam, ir dɛ́ chaah kɛŋɔ wee! Korowii jirima dɛ chaah he nɛ!

Aesaya 60:16

Harɛre nɛra ne koranar ɛɛ nyiŋi he nɛɛ kɛŋɔ, haah aa dɛ ɔr o bie, ásɛ he jemɛ kɛŋɔ men Korowiirii he Lɛɛ, menee Korowii, Jekɔb Kpeɡnɛn waa tomɔ la.

Aesaya 60:2

Na, biro tenten dɛ ba harɛ nɔ ta nɛra nɛɛ tɔe, kɛ he te, Korowii jirima ɛɛ chaah he nɛɛ.

Aesaya 60:5

Hɛɛ na ɡɛɛ he hɛɡra ir, he tea ɡe too. Ba dɛ ba harɛre kondɔɔh ne dɛ́ ba tɛɛ. Mpo baŋ le kwaa bwa ɛɛ bao.

Aesaya 62:2

Harɛre nɛra bwa ɛɛ na Jerusalam ne o nɛra toɡra baa toɡra, ba koranar bwa ɡe na he jirima. Korowii ɡbabir ɛɛ tɛɛ sɔnfalee.

Joel 3:18

Saŋ la telo aa, daa kooni ɛɛ warɔɔ dɛ́ tɔ bwejena ta, nae warɛ do deŋɡarere bwa ta, ásɛ Juda harɛ nenabɔɔne bwa ɡe su ne. Nenapale bɛl ɛɛ palɔɔ le Korowii Dea dɛ́ kaa Akaasia Fɛlembɔjen ta, dɛ́ sɔɔh bela harɛ la bwa.

1 Pita 2:2

Hé ɡel he siwi swɛɛ Korowii Waa la noe ta kɛŋɔ bechasɔɔhne siwi yon swɛɛ elnee ta la, a che a ta he won kpeɡ he lɛɛ waa la ta.