Aesaya 65:4 - mzwDBL

⁴ Ba dɛ la bwebɔɔne bini ne lala huɡribɔr, dɛ ka yerɛ lala jwaana, dɛ́ ka so ŋwama ta dɛɛ were. Ba dɛ chwe parakoo ola, dɛɛ di dɛɛ nyɔ ola baa kpoora tɛ voɡa dɔr, ne kwaa maa kia.

Aesaya 65:4 ပူးပေါင်းရင်းမြစ်များ

Kaala 23:19

Hé kpɔ he koo kondikonloɡla ba men Korowii haa dɛ tom mɛ la Dea. He bɛ bombie daa o nya elnee ne.

Kaala 34:26

Hé kpɔ he koo kondikonloɡla aa wera kohona ba tɛ men Korowii haa dɛ tom mɛ la Dea. He bɛ bombie daa o nya elnee ne.”

Aesaya 66:17

Korowii ŋɔ, “Saŋ telo kɛŋɔ n kpoo banɔ la baa laa doŋa kpɔ ba nɛɛ dɛɛ la voɡa ta daa mune, ne banɔ la baa dɛ chwe parakoo ne mari, dɛ kondikwaa bwa soo siwi maa kia la.

Aesaya 66:3

Gɛ nɛra la dɛ ɛ waa aa too ba tea. Ba kpo nao ɛ saraha tɛ mɛ naa, a do kɛŋɔ baa kpo nɛn ken, a do kɛŋɔ baa kpo nyoate. Gɛɛ nomɛlbwa waa ɛ mea saraha la, a do kɛŋɔ parakoo chal, bɛlbwa fuh daawiile ɡe aa, a do kɛŋɔ waa dɛ tu voɡa. Kwaa maa kia la taa ba sie ɛɛ lɛ.

Ɛsekeɛl 4:14

Asɛ men Ɛsekeɛl ŋɔ, “Akai Nemenɛ Korowii, le n bechale saŋ ba le fini, n ta konlale kɛɛ kon olchɔɡa aa kpoo kpɔe leɡe n nyoa bwa. Kondikwaa aa ɛ kii kwaa ta n nyoa joɛ bwa.”

Lewi Dea Tena 11:7

Parako ɡe aa were tɛ heyaa ne dii. A lole kɛŋɔ o pere nafikoko, kɛ waa won kwaa uɡe dɛɛ di.

Sekaria 9:7

Baa ol chal aa lɔ o ta, kɛɛ kondikwaa maa kia di. Banɔ la baa ka la, ɛ berɔ ɛ men Korowii nɛra, dɛ́ ɡe dɔ ba dea Juda harɛ ta, ásɛ Ekron tena ɡe berɛ ɛ n nɛra kɛ Jebus tena ken.

Nɛra Kura 19:11

Nomɛlbwa waa leɡe nɛn waa sewa la kah doŋa tɔpera anuanɛ.

Matiu 8:28

Yeesu aa le moo la baŋ dɛ ba Gadara harɛ ta la, baala banɛ bane kwa aa dɛ ir ba nɛɛ le lala huɡribɔr dɛ ba chemo. Wechɔɡa baa dɛ ɛ nomanta, dɛ nomɛlbwa aa won bela baa lole kpɔ.

Amanesoma Luk Aa Chwera Tɔn 8:27

Yeesu aa le ɡbera la bini la, baa bɛl waa ɛ bwɛɛ la te kwa aa dɛ ir o nɛɛ baa chemo. Dɛ kwaa la aa lɔ o nɛɛ biɡro, asɛ o foo o laala ta, dɛ chwa le dem dɛ ka so lala huɡribɔr.

Mmarare 14:21

He bɛ ol waa sewa ta baŋa la di. Hé kpɔ tɛ nɛra baa ɛ nɛŋhɔɔhra dɛ so he baah ta. Gɛ laa ɡe aa, hé yoɡ tɛ nɛn waa wola he nɛɛ jae. He ɛ Korowii nɛra dɛ do ɡoroŋ. He bɛ pebie kɛɛ bombie daa o nya elnee ne.”

Mmarare 14:3

He bɛ komɛlbwa Korowii aa ŋɔa waa were ne dii la ba di.

Mmarare 14:8

Hɛ́ɛ berɛ parakoo ɡe dii, o nafikoko baah pero te kɛ waa kwaa di dɛ́ berɛ won uɡa dɛ́ chwe. Hɛ́ɛ berɛ a dii a ba ɛ kɛŋɔ hɛ́ɛ leɡe a lalaa.

Mmarare 18:11

ne kabere dɛ lala yera we-ɛɛla ta jo.