Aesaya 65:23 - mzwDBL

²³ Baa koh ta pɛɛ bwa, ba tomare bwa ɛɛ do werii tɛɛ ba. Wekpeɡa ɡe aa ba bii nɛɛ ba bwa. Mɛɛ swee andɛɛɡaa tɛ ba ne ba naanaree saŋ bɛlbwa dɛɛ la.

Aesaya 65:23 ပူးပေါင်းရင်းမြစ်များ

Mumpar 12:2

Mɛɛ ɡeloo he mun ya, dɛ́ warɛ su harɛ ta bwa, ásɛ dɛ tɛɛ hɛɛra. Mɛɛ ɡeloo he sɔn le ásɛ a che he nɛɛ nɛwɛnyina dɔ andɛɛɡa.

Mumpar 17:7

Mɛɛ ɡeloo n fɔo la do n ne hen ne he naanar baah saŋ bɛlbwa dɛɛ la, ásɛ n ɛ he ne he naanar baa ka ba la bwa Korowii haa dɛɛ tom mɛ.

Job Tɔn 21:8

Ba dɛ dɔ bii ne naanar, dɛ́ so ba kpeɡ ba siwi ta.

Aesaya 44:3

Mɛɛ ɡeloo nee chɔ harɛ waa hola ta, ásɛ nenabɔɔne chɔ dɛɛ palɛ. Mɛɛ ɡeloo n Doma ba so he bii nɛ, dɛ́ swee andɛɛɡa tɛ he naanar.

Aesaya 49:4

Anee n ŋɔ, “N koɔh ta pɛɛ, n chɔɡ n bokpeɡa wepuu ta pɛɛpɛɛ. Kɛ n kpɔ n waa bwa do Korowii nɔn ta, n kembɔr ɡe lɔ o be.”

Aesaya 55:2

Bɔkwa waa hɛɛ chɔɡ suuɡa kwaa aa wola kondikwaa ɛɛ ta, dɛɛ koh kwaa aa wola vaɡɛ ta nɔɔ? Hé cheɡ deŋne kɛrɛdɛ dɛɛ no waa maa dɛ baɡle heya, ásɛ dɛ dɔ kondikondɛɛɡa di.

Aesaya 61:9

Ba sɔn ɛɛ leo harɛre nɛra bwa bini, ásɛ nomɛlbwa waa na ba jemɛ kɛŋɔ banee n swee andɛɛɡa tɛ.”

Aesaya 66:22

Korowii ŋɔ, “Gɛ harɛfale la ne nyundufale maa dɛ́ ba tae a che n kpeɡri ta dɛ́ che kiŋkiŋ la, ɡɛɛ he ne he naanar sɔna ɛɛ ba cheɡa.

Ɛsekeɛl 36:29

Mɛɛ lɛ heyaa le waa aa ɡela hɛɛ kah doŋa la ta, dɛ́ ɡel mea bu, dɛ́ doŋi lɔr le harɛ la ta, ásɛ he bɛ lɔr na.

Lewi Dea Tena 26:20

He koeh bwa dɛ ba pɛɛ ɛɛ, dɛkalkɛ kondikwaa bɛlbwa ɛɛ chɔɡ he harɛ la taa, ásɛ daa ɡe aa nɔnɛ.

Lewi Dea Tena 26:22

Mɛɛ ɡeloo kpɔɡ bini olchɔɡa ba jo he bini, dɛ́ ba kpoo he bii, dɛ́ chɔɡ he kondɛɛra bwa soo siwi. He bini tamaa kenii dɛɛ ba kae, anomanta, he ŋwɛnɛre ɛɛ chɔ pɛɛ.

Lewi Dea Tena 26:29

Lɔr la nomanta, hɛɛ chwe he bibaala ne he bihaahna olaa.

Haɡae 1:6

He dɛ du kwaa kohona, kɛ tamaa kenii hɛɛ komɛ, dɛɛ di kwa kɛ haa vaɡɛ. He dɛ nyɔ sen kɛ aa kanɛ dɛ́ dɛɛ heya, dɛɛ tɔ yale kɛ waa ɡarɛ dɛɛ kpo heya. He ɛ toma dɛɛ dɔ suuɡa, kɛ aa heyaa le.”

Haɡae 2:19

Mea tonɔ, asɛ ɡrepo ne fiɡ daa, ne pɔmeɡranet dɛ ɔleve daa ta nɔnɛ mɔɔ, kɛ le fini dɛɛ la mɛɛ swee andɛɛɡaa tɛ heya.”

Malakae 3:10

Kwaa haa bɔne a bini bɔre fi la, hé kpɔ bɔrbeŋkpoŋ ba tɛ men Korowii n Dea, ásɛ kondikwaa warɛ n Dea bela. Hé daah mɛ ɡɛ waa nɔ ta dɛ́ na, ásɛ n ɡel bwaala nɛ kohona, dɛ́ swee heyaa andɛɛɡa, dɛ́ ɡel kondikwaa warɛ he deremi kohona.

We-ɛɛla 2:39

dɛkalkɛŋɔ he ne he naanar ne bojaŋ tena Korowii aa dɛ yer ba ŋɔ bá ba o be la bwa waa o baɡɛ nyoa la la.”

Tɔn Pɔɔl Aa Chwerɛ Rom Tena 4:16

Nyoa Korowii aa baɡa la, yarada taa a che. A chɛ kɛ á ɛ ɡɛ ásɛ kon Korowii aa baɡɛ nyoa la, o ɛ kon waa kpɔa tɛ pɛɛpɛɛ. O ɛ kon Korowii aa kpɔa tɛ Abraham naanar bwa pɛɛpɛɛ waa wola nsana lee ba. Nɛra baa dɛ teŋɛ Mosis Mmara la ta la, ba ɡbo laa Korowii baɡɛ ɡɛ nyoa la. Nomɛlbwa waa dɛ yarada Yeesu waa la kɛŋɔ Abraham aa yarada Korowii la, wɛɛ di nyobaɡa la tɔnɔɔ, dɛkalkɛŋɔ ya bwa mɛɛɛ Abraham.

1 Kɔrent 15:58

Anomanta, yabala maa dɛ nyin he wa, hé lawɛ waa la bini kiŋkiŋ, dɛ bɛ ɡel wobɛlbwa ha heyaa ásɛ he berɛ habɔɔ. Hé lawɛ ya Dɔɔ toma bini bambile bwa ne, dɛkalkɛŋɔ he koeh aa pɛɛ ɛɛ ba.

Galaasia 3:29

Dɛ he ɛ Yeesu Kristo nɛra te naa, ate Abraham naanaree heya. Kon Korowii aa baɡɛ Abraham nyoa la, he ɡee dɔɔ.