Aesaya 65:15 - mzwDBL

¹⁵ He sɔn ɛɛ berɛ tooh tɛ nɛra maa lee ba tɛ n te laanee. Men Nemenɛ Korowii ɡbaɡba ɛɛ kpoo heyaa, dɛ́ tɛ banɔ la baa dɛ duu mɛ kɛrɛdɛ la sɔnfale.

Aesaya 65:15 ပူးပေါင်းရင်းမြစ်များ

Aesaya 62:2

Harɛre nɛra bwa ɛɛ na Jerusalam ne o nɛra toɡra baa toɡra, ba koranar bwa ɡe na he jirima. Korowii ɡbabir ɛɛ tɛɛ sɔnfalee.

Tɔn Pɔɔl Aa Chwerɛ Rom Tena 9:26

Ba chwerɛ tɔn la bobɛl ɡe ŋɔ, “Nɛra Korowii fa aa ŋɔ ba be ŋɔ, ‘N nɛra laa heyaa’ la, baa berɔ yer ba Korowii waa lole saŋ bɛlbwa bii.”

We-ɛɛla 11:26

Waa nao la, o kpɔɔ kaa Anteɔk. Baa lɔ bela la, ba benanyobir bwa, dɛ ba ne bela asɔre tena dɛ cheme. Ba baɡle nɛra pirim Yeesu waa bela. Anteɔk belaa ba tɔ sie yerɛ nɛra baa yarada Yeesu la Kristo tena.

Sekaria 8:13

Gɛ baa taah he Juda ne Israel tena harɛre ta la, ɡɛɛ mɛɛ ba heyaa lɛɛ, ásɛ nɛra che he nɛɛ dɛ́ dɔ wedɛɛɡa. He bɛ ɔmɛ, hé dɔ ɡbemba.”

Jeremia 29:22

Ba nomanta, nɛra baa laɡ ba le Juda harɛ kaa Babelɔn la bwa dɛ́ nyin ba taah nɛn aa baa ŋɔ, “Kórowii ɛo kɛŋɔ Sedekia ne Ahab Babelɔn kooro aa fuuh ba la.”

Aesaya 65:22

Baa deenee ma nɛra bane ba so a ta, kɛɛ dɛ́ du kwaa nɛmpɛɛne dia kpa. Nɛra maa lee ba tɛ n te la ɛɛ biɡruu kɛŋɔ daa aa dɛ biɡri la, dɛ́ ɡbaɡba di ba toma baa ɛa ta.

Aesaya 65:9

Mɛɛ swee Israel tena baa ɛ Juda dea tena andɛɛɡaa, ásɛ ba naanar so bwejena dor. Nɛra maa lee ba tɛ n te, baa tom mɛ laanee dɛɛ ba bela soɡa.

1 Tesalonika 2:16

dɛkalkɛŋɔ ba dɛ tɔ yaa ŋwɛnɛ ya bɛ Korowii Waa la bol chaɡle nɛra baa wola Juu tena ɛɛ la, ásɛ Korowii bɛ ban lɛ. Anomanta, ba wechɔɡa dɛ warɛ tɔpere bɛlbwa, ásɛ Korowii bwaawee ir ba nɛ.

Matiu 21:41

Anee ba chaŋo ŋɔ, “O balaa, wɛɛ ba kpoo nɛnchɔɡa la bwaa, dɛ́ kpɔ koo la tɛ nɛnfala, banɔ la dɛ ba komɛ daa nɔna la aa, baa dɛ ba on o dibɔr tɛɛ.”

Aesaya 66:15

He na, Korowii kpɔ o torɔɡore dɛɛ ba nii ne kɛŋɔ kawulewule. O baah dɛ fuh kohona, wɛɛ ba ó ba tɛr nɛra deŋne.

Aesaya 65:12

Aa ɛ nyokalaa tɛ heyaa kɛŋɔ hɛɛ sewɛ laa taa, dɛkalkɛŋɔ, n yerɛ heyaa he ta sɛɛh, dɛ bol waa he be he ta men chaŋɛ. He kpɔ he ɡbaɡba ŋwɛnɛ, dɛ ɛ waa aa wola n siwi sui dɛ ɛ wechɔɡa.”

Sɛɡla 10:7

Nɛn o wa aa toɡra na som, baa o waa soh, kɛ nɛnchɔɡe te waa won soeh warane.

Matiu 22:7

A ɛ kooro la bandia kohona dɛ ɡel o tomɛ o soojare ba ka kpoo banɔ la baa kpoo o bonɔɔna la, asɛ dɛ fuh ba bwɛjen la ɡe.

Wepila 2:17

Nomɛlbwa waa dɔ deŋna la, ó no waa Korowii Domadɛɛɡe aa dɛ bol asɔre tena be la. Naate waa won yo le la, mɛɛ tɛo kondikwaa ane soo siwi baa dɛ yera maana nomɛlbwa aa wola an nae bwaa ó di, dɛ́ tɛo bwedɛɛɡe ompoŋ bɛl maa chwerɛ sɔnfale bɛl dawɛ o ta, nomɛlbwa aa wola sɔn la jemɛ, nemenɛ naate maa kpɔ tɛo la ɡbo.”

Yela 102:8

Saŋ bɛlbwaa n dɔma ɛɛ chɛɡ mɛ, n sɔnee ba yerɛ dɛɛ taah nɛra.

Jeremia 24:9

Mɛɛ kpɔ wenaale kohonaa ba ta ba nɛ, ásɛ harɛre nɛra bwa ɔmɛ kohona. Nɛra ɛɛ dɛɛ mam baa dɛɛ muɡli ba baah, dɛɛ taah ba bobɛlbwa maa lɔ ba peɡre bwa.

Jeremia 25:18

Jerusalam ne Juda bwɛɛre nɛra, ba ne ba koranar ne nomonome bwa, ásɛ a ɡel ba harɛ berɛ dimɡbia, nɛra bambile teŋe baa mamɛ dɛɛ taah ba dɛ kpoŋe ba le fini.

Jeremia 26:6

Dɛ he ta teŋɔ dɛɛ ɛ deŋnekpeɡ aa, ate waa maa ɛ Silo laanee mɛɛ ba n Dea bonɔ ɛɛ, ásɛ harɛre nɛra bwa kpɔ bwɛjen Jerusalam sɔn ɛ kon baa taahno.”

Jeremia 29:18

Mɛɛ kpɔ laa ne lɔr dɛ weechɔɡaa ba ta ba nɛ, ásɛ harɛre nɛra bwa hah ba. Bobɛlbwa maa lɔ ba peɡre kaa la, nɛra ɛɛ na baa ba bambile teŋe ba nyoa kpo waa aa puu ba la wa. Nɛra ɛɛ dɛɛ mam baa, ba berɛ kon nɛra aa na dɛɛ taahno.

Jeremia 42:18

Koranar Bwa Kooro, Israel tena aa dɛ tomɔ la ŋɔ, ‘Gɛ maa kpɔ n bandia kohona ba ta nɛra baa lɔ Jerusalam nɛɛ la, ɡɛɛ dɛ he kaa Ijipt harɛ ta naa, mɛɛ ba n bandia kpɔe ba ta he nɛ. Nɛra ɛɛ nao dɛɛ taah heya ba bambile teŋe, dɛɛ mamɛ heya. He siwi aa harɛ nɔ nae ba kpa.’ ”

Jeremia 44:12

Kɛ Juda tena baa kaa dɛɛ nyin kɛ ba ka so Ijipt harɛ ta la te, mɛɛ chɔɡ ba bwaa. Nomonome ne bechale bwaa dɛɛ ba laa kɛɛ lɔr ta sewa Ijipt harɛ ta. Nɛra ɛɛ nao ba bambile teŋe, dɛ yerɛ ba sɔn dɛɛ taah ba, dɛɛ nyiŋi ba nyubaah.

Ɛsekeɛl 14:8

N siwi ɛɛ beɡre naate nɛɛ, ásɛ nomɛlbwa che a ta dɛ́ hweli wa. Mɛɛ pere naatee le n nɛra Israel tena bini. Ásɛ he jemɛ kɛŋɔ menee Korowii.