Aesaya 64:8 - mzwDBL

⁸ N Naa Korowii, ya mɛɛ hen, ya do kɛŋɔ choh, asɛ henee mamaa. Henee ta ya bwa.

Aesaya 64:8 ပူးပေါင်းရင်းမြစ်များ

Job Tɔn 10:3

A wer he be kɛŋɔ he fiɡ mɛ, dɛ́ vɛh kon he ɡbabir aa tao wa aa? Hɛɛ sɛh waa wechɔɡ-ɛɛra aa dɛ vɔrɔwe taa yaa?

Yela 100:3

Hé jemɛ kɛŋɔ onee Korowii. Onee ta yaa, dɛ dɔ yaa, O nɛraa yan, ya do kɛŋɔ peera ken o sie.

Yela 119:73

Henee ta mɛ, dɛ kpɔ nɔn tɔ n nɛ. Tɛ mɛ waa mun noe, ń kpɔ hweli he Mmarare la.

Yela 138:8

N Naa Korowii, hɛɛ ɛ waa haa baɡ mɛ nyoa laanee. He nyina haa dɛ nyin yaa lole saŋ bɛlbwa dɛɛ la, anomanta, bɛ he ɡbaɡba nɛra haa ta yaa la vɛh.

Yela 74:1

N Naa Korowii, ɛrɛɛ he den vɛh yaa kwaraa ɡɛ nɔɔ? Saŋ besoo hɛɛ nyin he baah di he ɡbabir nɛra nɛɛ ka tel ɔ?

Yela 95:6

Hé ba ya ɡuŋu dɛ́ tomɔ, yá ɡuŋi Korowii waa ta yaa la sie!

Kaala 32:12

Ijipt tena ɛɛ boloo ŋɔ liichɔɡaa he kpɔ tɔ he nɛra sie, dɛ laɡ ba le Ijipt harɛ ta, dɛ kpoo ba bwejena bɔr ba bwa tonɛ harɛ nɔ ta. Amɔ dɛ ɡɛ wer aa? Gel he baah sɔɔh dɛ́ le he bandia kohona la ta. Charɛ he liire dɛ́ ɡel he nɛra chɔɡa.

Kaala 4:22

Ásɛ he ŋɔ o be ŋɔ, Israel tena do kɛŋɔ n bibanloɡle ken,

Aesaya 19:25

Koranar Bwa Kooro ɛɛ swee andɛɛɡaa tɛɛ ba dɛ́ ŋɔ, “Ijipt tena baa ɛ n nɛra, ne Asiiria tena maa ta ba, dɛ Israel tena maa lee ba tɛ n te la, ba na som.”

Aesaya 29:16

He berɛ waa sie pi, kɛŋɔ mamaa aa berɛ choh. Kon baa mao la ɛɛ wonoo ŋɔ nɛn waa mao la be ŋɔ, “He laa ma mɛ,” kɛɛ vii ɛɛ wonoo ŋɔ mamaa be ŋɔ, “Haa wobɛlbwa jemɛ” aa?

Aesaya 43:25

Menee fee he wechɔɡa dɛɛ ta. N ɡbaɡba waa mɛɛ ɛ ɡɛ, maa an lii kpa bwa.

Aesaya 43:7

ba ɛ n nɛra, menee ta ba, ba kpɔ jirima dɛɛ tɛ mɛ.”

Aesaya 44:21

Korowii ŋɔ, Israel tena, hé lii ɡɛ waa nɔ. N bonɔɔnaa heya. Menee ta heya. Maa he waa soh bwa.

Aesaya 44:24

Israel tena, Korowii waa ɛ he Lɛɛ, dɛ ta heyaa la ŋɔ, “Menee Korowii maa ta komɛlbwa. N ɡboo paɡri nyundua kɛŋɔ yal, nomɛlbwa ta n nɛɛ jae n ta harɛ.

Aesaya 45:11

Korowii, Israel Nɛŋɡoroŋ waa ta ba, dɛ́ jemɛ waa aa chiɡ kerekere la ŋɔ, “He ta ŋwɛnɛ dɔe kɛŋɔ, hé bɔɔ mɛ n bii wa, kɛɛ dɛ́ baɡ mɛ ɡɛ maa ɛ.

Aesaya 45:9

Nɛn o ne Korowii waa tao la aa dɛ yo la, ó bwɛɛlɛ! Naate do kɛŋɔ vii ken. Choh ɛɛ won ŋɔ mamaa be ŋɔ waa o toma jemaa? Vii ɛɛ won bɔɔ mamaa waa aa bala o mao wa aa?

Aesaya 57:16

Maa teŋɛ dɛ kpɔ waa dawɛ n nɛra nɛ, kɛɛ n baah di ba nɛɛ saŋ bɛlbwa. Dɛ ɡɛ laa aa, ba bwara ɛɛ hwaoh n sie. Menee ta ba, dɛ tɛɛ ba mkpa.

Aesaya 60:21

He nɛra bwa wa ɛɛ toɡroo, harɛ la ɛ ba kon saŋ bɛlbwa. Baa doo kɛŋɔ daa maa duu o pamɛ le o lur ta ken. Men ta ba, ásɛ baa baɡle n jirima.

Aesaya 63:16

Dɛ ya nabaa Abraham ne Jekɔb ŋɔ baa yaa jemɛ kwaraa naa, he te aa yaa ta, henee ya mɛɛ.

Aesaya 63:8

Korowii ŋɔ, “N nɛraa ban, baa men neɡre.” A waa o lɛɛ ba le ba wenaale ta la.

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.

Jeremia 31:9

Baa ba wii nee, dɛɛ soŋe men Korowii, ɡɛ saŋ maa laɡ ba dɛɛ ba. Mɛɛ laɡ baa kpɔ nenabɔɔne nyoo, harɛ waa chɔa kaa, baa wola naa lɔ o ta, dɛkalkɛ n ɛ Israel tena mɛɛ, Efrem ɡe ɛ n bibanloɡle.”

Hosia 1:10

Israel tena ɛɛ warɔɔ kɛŋɔ mpo nyoa hɛŋle ken, baa wola won kur ba. Korowii ŋɔ ba be ŋɔ, ‘He ta n nɛra ɛɛ’, kɛ tɔpere bɛl dɛ ba ó yer ba ‘Korowii waa lole saŋ bɛlbwa bii’.

Malakae 2:10

Mɛɛ beŋkpoŋ laa ya dɔ aa? Korowii beŋkpoŋ laa ta ya bwa naa? Ɛrɛɛ ya waa aa wola kasinteŋ dɔe dɛɛ tɛ dɔŋa, yaa chɔɡ fɔo Korowii ne ya naawa aa fɔwa la nɔɔ?

Amanesoma Jɔn Aa Chwera Tɔn 8:41

He ɡe mɛɛ toma siwii hɛɛ ɛ la.” Anee ba ŋɔ, “Nyoasɛm bii laa yan oo, Korowii ɡboo ya Mɛɛ.”

Galaasia 3:26

He ɡbabir na, haa yarada Yeesu Kristo la nomanta, he bwa ɛ Korowii bii.

Galaasia 3:29

Dɛ he ɛ Yeesu Kristo nɛra te naa, ate Abraham naanaree heya. Kon Korowii aa baɡɛ Abraham nyoa la, he ɡee dɔɔ.

Ɛfesos 2:10

Korowiirii ta ya bwa. Waa ta yaa la, wedɛɛɡa ɛɛ waa o ta yaa ásɛ ya che Yeesu Kristo kpeɡri ta dɛɛ ɛa. O tɔ sie cheɡ yaa kɛ ya baa ɛ wedɛɛɡa.

Mmarare 32:6

Korowii hɛɛ ɛ ken aa, nɛra haa ɡɛna haa wola liire dɔe. He mɛɛ, onee ta heya dɛ ɡel he ɛ harɛbir nɛra.

Mmarare 9:29

Kɛ dɛ ba ɛ he nɛra, he kapɛrɛ diile haa kpɔ he kpeɡri waa kana ne he bokpeɡa dɛ lee ba tɛ he te.’ ”