Aesaya 64:3 - mzwDBL

³ He fa ɛ ɔmewaa kohona ya fa aa wola a waa liire, bwejena jiɡri he siwi ta.

Aesaya 64:3 ပူးပေါင်းရင်းမြစ်များ

2 Samoɛl 7:23

Harɛ bɛlbwa nɛra toole dɛ do kɛŋɔ he nɛra Israel tena, harɛ beŋkpoŋ nɛra hen Korowii aa lɛɛ ba le wenaale ta Ijipt harɛ dɛ kpɔ ba ɛ he nɛra la. Wejena ne nyokpowe-ɛɛla haa ɛa tɛɛ ba la bwa ɡelɔ he dɔ sɔn harɛ nɔ ta bwa. He berɔ doŋi harɛre ane nɛra ne ba voɡa le ba sie.

Yela 106:22

Nyokpowaa haa ɛa Mposwɛm ta, ne ɔmewaa haa ɛa bela kan kohona.

Yela 66:3

Hé ŋɔ Korowii be ŋɔ, “He we-ɛɛla dɔ nyokpoa, he kpeɡri haa dɔa ɡe do kan kohona a ɡel he dɔma kpɔ ɔmee baa ɡuŋi he sie.

Yela 66:5

Hé ba, dɛ́ ba na waa Korowii aa ɛa, nyokpowe-ɛɛla waa koh nɛwɛnyina waa dɛ ɛ.

Yela 68:8

harɛ jiɡro asɛ bwaala nɛ he sie. Henee Sinai Bwejen Dɔɔ, Korowii Israel tena aa dɛ tomɛ.

Yela 76:12

O dɛ sɔɔh koranar bambikpeɡ nyoa, koranar baa lɔ harɛ nɔ ta bwa dɛ ɔmɔ.

Kaala 34:10

Belaa Korowii ŋɔ, “N ne hɛɛ fɔwɛ fɔwee. Mɛɛ ɛ nyokpowaa a dɔŋa aa wola harɛ nɔ ta bobɛlbwa chiɡe ka he bwa siwi ta. Nɛra he ne baa soɡa la ɛɛ nao ɡɛ men Korowii, we-ɛɛla maa lɔ he bini dɛɛ ɛ la aa ɔma kohona.

Aesaya 5:25

Anɔ bwa ɡelɔ Korowii baah di o nɛra nɛ, o ir nɔn dɛ́ tɛr ba deŋne. Bwejena ɛɛ jiɡruu, ásɛ nɛra baa serewe la lala chɔ fɔɡbaahna kɛŋɔ haahra ken. Anɔ bwa habɔɔ o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 64:1

N Naa Korowii, ɛrɛɛ haa wola nyundua pere dɛ́ ba harɛ nɔ? Bwejena fe ɛɛ nae dɛ́ ɔmɛ, dɛ́ yiiɡi.

Habakuk 3:3

N Naa Korowii, he le Teman harɛ ta ba. He ɛ Korowii Haa Do Goroŋ dɛ le Paran Bwejen ta. He jirima tɔ nyundua, asɛ nɛra bwa ɛɛ kpɛɛre harɛ nɔ ta.

Habakuk 3:6

He iro che asɛ harɛ jiɡri, he ta sie nyiŋi harɛre nɛra aa, dɛ ba dɛ chel. Bwejena aa lole le saŋ la bwa kuuɡo, asɛ deŋɡarere a ɡe aa lole le saŋ la bwa ɡe bur. He te ŋwɛnɛre ta jaɡa dɔe.

Mmarare 10:21

Hé kpɛɛro, onee Korowii haa dɛ tomɔ o ɛ wejena aa do ɔma kohona he na ka la.

Mmarare 4:34

Voɡ bɛl wono che nyokpowe-ɛɛla ta dɛ lawɛ o nɛra le nɛra bane harɛ ta, ɡɛ Korowii aa ɛa tɛ heyaa ɡɛ saŋ haa lɔ Ijipt harɛ ta la kaa? O cheɡɛ o kpeɡri waa kana kohona la ne hɔhɔrɔwa ne laa ne nyokpowe-ɛɛla dɛ waa aa do ɔma ta, dɛ lawɛ heyaa le.