Aesaya 63:7 - mzwDBL

⁷ Mɛɛ bol Korowii nyina aa wola jaɡa dɔe la waa. Mɛɛ kpɛɛro waa bwa waa ɛa tɛ yaa la wa. O nyina aa wola jaɡa dɔe ne tedoma waa dɔa nomanta, o swee andɛɛɡa tɛ ya Israel tena.

Aesaya 63:7 ပူးပေါင်းရင်းမြစ်များ

1 Koranar 8:66

Tɔ aa pera la, Kooro Solomɔn tɛ bɛlbwa ŋwɛnɛ o kaa o bwɛ. Ba sie lɛ andɛɛɡa Korowii aa sweera tɛ o nɛra Israel tena ne Kooro Devid dɛ Solomɔn la wa.

2 Webena 7:10

Tɔ aa pera la, korobie anuanɛ la tɔpera fifraanɛ dɛ atoro wee la, Kooro Solomɔn tɛ bɛlbwa ŋwɛnɛ o kaa o bwɛ. Ba sie lɛ andɛɛɡa Korowii aa sweera tɛ o nɛra Israel tena, ne Kooro Devid dɛ Solomɔn la wa.

Nehemia 9:25

He nɛra yoo dɛ pɔ bwɛjena baa ma danjwɛkpeɡa bara nɛ, ne harɛpare ondɛɛɡe, ne deremi kondɛɛɡa bwa soo siwi aa lɔ a ta, ne bɔɔne baa kwia a won nee lɛɛ, ne ɡrepo daa kooni ne ɔleve daa kooni, dɛ daa baa dɛ di a nɔna bwa soo siwi aa wara. Ba diu vaɡre dɛ je, ba sie lɛ kondɛɛɡa kohona haa tɛɛ ba la wa.

Nehemia 9:27

Anomanta, he ɡelɔ ba dɔma yoo ba, dɛ pɔ ba nɛɛ dɛ fiɡ ba. Kɛ ba wenaale ta la, ba wio noe asɛ he no le nyundua dɛ cha ba. He cheɡɛ tedoma haa dɔa kohona ta dɛ le nomonome tɛɛ ba, ba ba lɛɛ ba le ba dɔma nɔn ta.

Nehemia 9:31

Kɛ he nɛn nɛɛ suna aa kana nomanta, he ta ban vɛɛh kɛɛ dɛ chɔɡ ba. He ɛ Korowii haa dɛ sune nɛra nɛɛ dɛɛ na ba sum.

Nehemia 9:35

He swee koranar andɛɛɡa ba nyiŋi he nɛra nɛ, ɡɛ saŋ baa soɡe harɛpare ondɛɛɡe waa kana he kpɔ tɛɛ ba la ta, kɛ ba vɛh ba liire chara, dɛ le ba wechɔɡa ta dɛ tomɛ.

Yela 103:2

N dɛ kpɛɛ Korowii n bambile bwa ne, maa o wedɛɛɡa la waa soh.

Yela 107:15

A chɛ kɛ bá kpɔ jam tɛ Korowii, o nyina aa wola jaɡa dɔe, ne o nyokpowaa waa ɛa tɛɛ ba la wa,

Yela 107:21

A chɛ kɛ bá kpɔ jam tɛ Korowii, o nyina aa wola jaɡa dɔe, ne o nyokpowaa waa ɛa tɛɛ ba la wa.

Yela 107:31

A chɛ kɛ bá kpɔ jam tɛ Korowii, o nyina aa wola jaɡa dɔe, ne o nyokpowaa waa ɛa tɛɛ ba la wa.

Yela 107:8

A chɛ kɛ bá kpɔ jam tɛ Korowii, o nyina aa wola jaɡa dɔe, ne nyokpowaa waa ɛa tɛɛ ba la wa,

Yela 145:7

Baa bol he wer haa doa waa bwaa, dɛ́ ɡo yela kpɛɛ he suna haa dɛ sune nɛra nɛɛ kohona wa.

Yela 25:6

N Naa Korowii, lii he suna kohona, ne nyina aa wola jaɡa dɔe la wa, saŋ la bwaa a le, dɛ ba le fini.

Yela 51:1

N Naa Korowii, koh he nyina aa wola jaɡa dɔe la wa, dɛ́ na n sum. Koh he tedoma kohona la wa, dɛ́ fee n wechɔɡa.

Yela 63:3

He nyina aa wola jaɡa dɔe bwa la toole naa, nɛn toole wobɛlbwa bini, anomanta, mɛɛ kpɛɛree.

Yela 86:15

Kɛ hen Korowii te, he dɔ tedoma tɛ nɛra, dɛɛ nyin ba. He baah aa di warawara, he waa dɔ kasinteŋ, hɛɛ nyin nɛn.

Yela 86:5

N Naa Korowii, he waa wer tɛ yaa, kpɔ ya wechɔɡa dɛɛ kɛ yaa, he kpɔ he nyina aa wola jaɡa dɔe, dɛɛ nyin nɛra baa wia dɛɛ yerɛ bwa.

Yela 92:2

dɛ́ bol he nyina haa dɛ nyin ya wa chɔɔ, ásɛ jwaana ɡe dɛ́ bol ɡɛ he wa aa dɔ kasinteŋ,

Kaala 18:9

Jetro aa no ɡɛ la, o sie lɛ wedɛɛɡa Korowii aa ɛ Israel tena dɛ lɛɛ ba le Ijipt tena nɔn ta la ta.

Aesaya 26:13

Korowii yaa dɛ tomɛ, nɛra banee fa dɛ nyiŋi ya nɛ, kɛ he ɡboo ya kpɔ jirima dɛɛ tɛ.

Aesaya 51:2

Hé lii he nabaa Abraham, ne Saara haa le ba bini la wa. Maa yerɛ Abraham dɛ o ta bie dɔe, asɛ n swee andɛɛɡa tɛo dɛ́ ɡel o naanar warɛ.

Aesaya 54:10

Hale bwejena jiɡro le a buɡ ta, asɛ deŋɡarere chuɡri aa, n nyina aa wola jaɡa dɔe la te ɛɛ do lee, n ne he deŋnesɔɔhna fɔo la ɡe aa jaɡa dɔe ba bwa. Men Korowii maa dɔ tedoma tɛɛ laanee bola.

Aesaya 54:7

“Tamaa kenii n ɡele, kɛ n tea ɛɛ domɛ he nɛɛ kohona, dɛ́ berɛ ba he ne.

Aesaya 54:8

Bandia kohonaa ɡela n laa sie kpɔ he nɛɛ tama, kɛ n nyina aa wola jaɡa dɔe nomanta, mɛɛ dɔ tedomaa tɛɛ. Men Korowii maa ɛ he Lɛɛ bola.

Aesaya 55:7

Nɛnchɔɡe ɡel wechɔɡa ɛɛ, dɛ́ charɛ o liire, dɛ́ berɛ ba Korowii yaa dɛ tomɔ be. O dɛ sune nɛn nɛ, dɛ kpɔ wechɔɡa dɛɛ kɛ o bambile bwa ne.

Aesaya 64:5

He dɛ lɛ banɔ la baa kpɔ silɛɛ ɛ waa aa toɡra, ne ɡɛ haa dɛ nyin kɛŋɔ baa ɛ. He bandia kohona habɔɔ, ya ta teŋɔ dɛɛ ɛ wechɔɡa le saŋ la bwa.

Wiile 3:32

A lole kɛŋɔ wɛɛ ba suna dii nee, kɛ wɛɛ berɔ dɔ tedoma, o nyina aa wola jaɡa dɔe kan kohona.

Hosia 2:19

Mɛɛ kpɔ hen Israelee ɛ kɛŋɔ n haah saŋ bɛlbwa dɛɛ la, mɛɛ di kasinteŋii, maa he habɔɔ le. N nyina aa wola jaɡa dɔe he nɛɛ aa tona ba bwa, mɛɛ dɔ tedomaa tɛɛ, ásɛ he ɛ n haah saŋ bɛlbwa.

Sekaria 9:17

Na ɡɛ harɛ la aa dɛ ba wer doe dɛ́ dɔ pɛla! Kondikwaa ne sen aa lɔ harɛ la ta la ɛɛ ɡeloo bonɔɔna ne toli kpeɡ, dɛ́ dɔ bokpeɡa.

Matiu 7:11

Dɛ he wechɔɡ-ɛɛra nɔ kwara jemɔ dɛ kpɔ kondɛɛɡa dɛɛ tɛ he bii aa, ɛrɛ waa he Mɛɛ waa lɔ nyundua la te aa wola kondɛɛɡaa kpɔ tɛ nɛra baa dɛ soŋo wɔ?

Tɔn Pɔɔl Aa Chwerɛ Rom Tena 2:4

Waa nɔ bwaa Korowii ta tea dɛɛ ɛ heya, dɛɛ tɛ heyaa sisɔna dɛɛ lawɛ bambile nɔ bwa, ásɛ he charɛ he liire dɛ́ le he wechɔɡa ta. Kɛ haa o wedɛɛɡa nɔ bu, dɛɛ nyiŋa pɛɛ.

Tɔn Pɔɔl Aa Chwerɛ Rom Tena 5:20

Mmara balɔ dɛ ɡel wechɔɡa warɛ. Kɛ, wechɔɡa aa dɛ dawɛ la, a taa Korowii na nɛwɛnyina sum, dɛ cha yaa kohona.

Ɛfesos 2:4

Kɛ Korowii nyina waa dɛ nyin yaa kohona, ne suna o yon dɛɛ sune ya nɛɛ kɛrɛdɛ la nomanta,

1 Timoti 1:14

O sune n nɛɛ kohona dɛ cha mɛ taeh n dɔ yarada ne nɛnnyin yaa dɔa le pɛɛ ya ne Yeesu Kristo aa pɛa la ta.