Aesaya 63:18 - mzwDBL

¹⁸ He Dea waa do ɡoroŋ fa ɛ he nɛra kon saŋ bɛl, kɛ taraken ya dɔma kuuɡu, dɛ tiɡru do harɛ.

Aesaya 63:18 ပူးပေါင်းရင်းမြစ်များ

Wepila 11:2

Bɛ bela waa ja Dea la ta ba tel bela mɔɔ dɛɛ jo Dea la tenten bini la te maɡɛ. Teŋe bela ta, dɛkalkɛ Korowii kpɔ bela tɛ nɛra baa wola on tomɛ, ásɛ ba tiɡri o bwɛjen Jerusalam la ta korobie fifraanaarɛ dɛ anɛ.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

Matiu 24:2

Anee Yeesu ŋɔ, “Hé nyiŋi deene nɔ bwa kɛrɛdɛ. N dɛ ŋɔ he be kɛ baa ba kuuɡi a bwaa ta. Bwe bɛlbwa aa lee do dɛ́ ta chɔŋɛ o dɔŋ nɛɛ kpa.”

Daneɛl 8:24

Wɛɛ dɔ kpeɡrii taeh, kɛ o ɡbaɡba kpeɡri laa. Wɛɛ chɔɡ kwaa á ɛ nyokpoa, o wobɛlbwa waa ɛ do wer tɛo, dɛ́ chɔɡ nɛnjena ne Korowii nɛra bwa.

Wiile 4:1

Na ɡɛ ya suuɡaswɛm sie aa chɔɡa, suuɡaswɛm tenten o fa aa dɛ nyɛɡle kohona la, o ta berɛ do ɡɛ kpa. Korowii Dea bwedɛɛɡa a yoɡ aa kpeɡa, peɡrɔ dɛ chɔ fɔɡbaahna.

Wiile 1:10

Dɔma pa o laala a yoɡ aa kpeɡa bwa kaa. O ɡbabir na harɛre nɛra baa wola Korowii tomɛ aa dɛ jo Korowii Dea la bini, bela Korowii fe aa wola ban ŋwɛnɛ tɛɛ kɛ ba jo.

Aesaya 62:12

Baa yer baa ‘Korowii Nɛra Baa Do Goroŋ’, ne ‘Nɛra Korowii Aa Lɛɛ Ba’. Baa yerɛ Jerusalam ɡee, ‘Bwɛjen Korowii Aa Dɛ Nyin’, ne ‘Bwɛjen Korowii Aa Wola On Vɛɛh’.

Mmarare 26:19

dɛ berɛ ŋɔ wɛɛ ɡɔɔ heyaa dɛ́ ɡel he sɔn le ɡwaa harɛre nɛra waa ta ba bwa. Dɛ berɛ ŋɔ wɛɛ ɡeloo he do ɡoroŋ tɛo, ɡɛ waa baɡɛ heyaa nyoa la.”

Mmarare 7:6

Dɛkalkɛŋɔ he do ɡoroŋ dɛ tɛ Korowii haa dɛ tomɔ. Onee le heyaa cheɡ tɛ o te le harɛre nɛra bwa bini, dɛ kpɔ heyaa ɛ o nɛra he waa ɛɛ su o siwi.

Amanesoma Luk Aa Chwera Tɔn 21:24

Baa kpɔ kerii kpoo bane, ásɛ dɛ larawe bane dɛ́ kpɔ ba kaa harɛ nɔ ta bobɛlbwa, ásɛ nɛra baa wola Juu tena ɛɛ ɛ Jerusalam bwa posaposa ken ka tel kɛŋɔ ba ɡe saŋ aa ba kaa.

Lewi Dea Tena 26:31

Mɛɛ chɔɡ he bwɛjena ne bela haa dɛ tomɛ voɡa la bwaa. Ásɛ he sarahare haa fuah dɛɛ tɛ mɛ la, n sie aa a sɔɔh taa lɛ kpa.

Aesaya 63:19

Ya do kɛŋɔ nɛra he fa aa wola ya nɛɛ nyiŋe ka, kɛɛ ya ta he nɛra ɛɛ ken.

Jeremia 12:10

Peteɡra kpɔ ba peera ba tiɡri n daa koo do harɛ, kɛŋɔ harɛre ane koranar aa chɔɡ n nɛra la. A ɡelɔ koo n sie aa dɛ lɛ o ta chɔɡ, dɛ berɛ pua hɛŋle ɡbo harɛ.

Daneɛl 8:13

Asɛ n no kɛŋɔ nyundua torome bɛl aa dɛ bɔɔ o dɔŋ ŋɔ, “Saŋ besoo waa baa naa wepila la ta ɛɛ ba a jaɡa bala ɔ? Bɛweeree wechɔɡa aa do ɔma dɛ ba chiɡ tɔpere bɛlbwa sarahare naa ta nɔ ɛɛ ba ɡela ɔ? Saŋ besoo bá tiɡri Korowii dɔm baa wara ne Korowii Dea nɛɛ ka tel ɔ?”

Emɔs 7:9

Mɛɛ chɔɡ bɔra Aesek naanar aa ka dɛ tomɛ bwaa, ásɛ Israel harɛ bɔra aa do ɡoroŋ ɡe chɔɡ, dɛ́ ka yo Kooro Jɛroboam dem nɛra laa.”

Yela 79:1

N Naa Korowii, nɛŋhɔɔhra baa wola hen tomɛ, baa lɛ he harɛ la dɔɔh. Ba kpɔ doŋa kah he Dea waa do ɡoroŋ la, dɛ ɡel Jerusalam berɛ dimɡbia.

Aesaya 64:9

Bɛ ɡel he baah di ya nɛɛ kohona, bɛ ya wechɔɡa waa kpɔ do he nyu bini saŋ bɛlbwa. He nɛraa yaa, na ya sum.

Aesaya 64:10

He bwɛjena la berɛ pua hɛŋle ɡbo harɛ, Jerusalam berɛ dimɡbia.