Aesaya 62:6 - mzwDBL

⁶ Jerusalam, n kpɔ nɛra ba so he danjwɛɛre ta baa daahne. Baa nyoa tɔ webaŋa ne jwaana bwa. Baa lii Korowii o nyobaɡa la waa, ásɛ o bɛ he waa soh.

Aesaya 62:6 ပူးပေါင်းရင်းမြစ်များ

Aesaya 52:8

Nɛra baa dɛ daah bwɛjen la pɛo dɛɛ do lɔŋɔre silɛɛ ne! Ba na Korowii ba siwi ne kɛ waa bera dɛɛ ba Saayɔn!

1 Tesalonika 5:17

dɛɛ soŋe Korowii saŋ bɛlbwa.

Hibru 13:17

Hɛ́ɛ no nɛra baa dɛ tɔ he sie la nyoa wa, dɛɛ ɛ waa baa ŋɔa hɛ́ɛ ɛ la, dɛkalkɛŋɔ ban dɛɛ nyiŋi heya. Ba dɔ nkontaa dɛ bu Korowii sie dɛ baɡle ɡɛ bwa baa nyiŋi heya. Hɛ́ɛ no ba nyoa wa, ásɛ ba won ɛ toma silɛɛ ne. Dɛ haa ba nyoa waa no aa, baa ɛa tebinichɔɡ nee, aa wola tɔnɔ bɛlbwa lee ba dɛ́ tɛ heya.

Jeremia 6:17

Belaa men Korowii le nɛra baa dɛɛ daah heya dɛ ŋɔ, ‘Hé cheɡ deŋne dɛɛ no bɛla sii!’ Ate he ŋɔ, ‘Yaa ɡɛɛ sɛh.’

Aesaya 56:10

Nomonome baa ɛ sitɔɔla dɛɛ daah n nɛra Israel tena la, ba do kɛŋɔ nyoŋa ken, baa waa mun no. Ba do kɛŋɔ nyootena aa wola won wor dɛ chɔ dɛɛ dee ɡbo, dɛɛ nyin chɔe.

Amanesoma Luk Aa Chwera Tɔn 18:39

Asɛ nɛra baa tɔ sie la kaoh ŋɔ ó tɔ nyoa. Dɛ name tenee o taa bola kohona kwara, dɛɛ ŋɔ, “Devid Naa, na n sum dɛ́ cha mɛ!”

Aesaya 62:1

Mɛɛ bol waa dɛ do Saayɔn tena ɡbemba. Jerusalam nomanta, maa nyoa tɔ, ka tel kɛŋɔ maa pɔ he nɛra dɔma nɛ. Toɡra baa toɡra la ɛɛ ɡeloo ba dɔ silɛɛ kɛŋɔ, kapɛla aa dɛ hɔ jwaana ken.

Yela 74:2

Lii he nɛra saŋ la haa lee ba cheɡ tɛ he te la wa, nɛra haa lɛɛ ba le fiiɡa baa dɛ fiɡ ba ta. Lii Saayɔn Bwejen he fa aa soɡe o ta la wa.

2 Webena 8:14

O teŋɛ waa o mɛɛ Kooro Devid aa ɛa la ta. O bɔne toma aa lɔ Korowii Dea bela tɛ sɔfore la ne Lewi dea tena la, asɛ Lewi dea tena la ɛɛ cha sɔfore la baa ɡo yela, dɛɛ ɛ ba toma ɡe. O le nɛra baa dɛ daah doonyoo la, dɛ bɔne ba bini baa nyiŋi doonyoo la ta, dɛkalkɛ dɛ ɡɛɛ Korowii nɛn Kooro Devid do ba.

Mumpar 32:26

Baa la ŋɔ, “Kpɔ mɛ ta n kaa, bɔr dɛ chaah.” Asɛ Jekɔb ŋɔ, “Maa hen ta, nemenɛ haa swee andɛɛɡa tɛ mɛ mɔɔ.”

Mumpar 32:12

Henee ŋɔa ŋɔ hɛɛ ɡeloo he naanar warɛ kɛŋɔ, mpo nyoa hɛŋle nomɛlbwa aa wola won kur ba.”

Yela 74:18

N Naa Korowii, na ɡɛ he dɔma aa dɛ mamɛ, na ɡɛ nɛra baa wola hen tomɛ aa dɛ ɛɛ nɛnhɛla.

Wepila 6:10

Ba kpɔ takpeɡ ŋɔ, “Nemenɛ Korowii haa do ɡoroŋ dɛ dɔ kasinteŋ, saŋ besoo hɛɛ ba nɛra baa lɔ harɛ ta nɔ waa bola dɛ́ pa bole, dɛ́ bɔ ba ya kpoora nɔ kem ɔ?”

1 Kɔrent 12:28

Korowii tɛ he bɛlbwa toma waa dɛɛ ɛ asɔre tena bini. Anɔ la aa tɔ sie, o ŋɔ bane ɛ Yeesu toroma, dɛ ŋɔ báne che Korowii kpeɡri ta dɛɛ bol waa waa kpɔa baɡ ba, tooro, dɛ kpɔ bane ŋɔ báa baɡle nɛra o wa, dɛ berɛ kpɔ bane ɡe ŋɔ báa ɛ nyokpowa, dɛ tɛ bane ɡe kpeɡri ŋɔ báa chah weela tena. Dɛ ŋɔ báne ɛɛ cha nɛra, báne ɛ nomonome dɛɛ tɔ nɛra sie, dɛ ɡel bane ɡe won wobofala bola.

We-ɛɛla 10:31

dɛ ŋɔ, ‘Kɔnɛɛleɔs! Korowii no he soŋa haa dɛ soŋo dɛ na he chae haa dɛ cha nyaara la bwa.

We-ɛɛla 10:4

Asɛ o ha sie nyiŋu ɔmee ne dɛ ŋɔ, “Ɛrɛɛ yɔ? A som aa, n Dɔɔ?” Asɛ nyundua torome la ŋɔ, “He soŋa haa dɛ soŋe Korowii, ne he chae haa dɛ cha nɛra la lɛ o sie, o dɛ ba he chae.

Aesaya 43:26

Hé lii mɛ waa a fa aa chiɡa, ásɛ ya cheme dɛ́ bola, ásɛ he baɡle anɔ la haa di bole a ta.

Yelsom 5:7

Nɛra baa dɛ daah bwɛjen la ɡaaɡɔ dɛ ba chem mɛ o bini. Ba lɔɔ mɛ, dɛ do mɛ bol, dɛ lɛ n yal kaa.

Yelsom 3:3

Nɛra baa dɛ daah bwɛɛ la ɡaaɡɔ dɛ ba puu mɛ, asɛ n bɔɔ ba ŋɔ, “He na nɛn n bambile aa lawɔ mɛɛ nyinu kohona la aa?”

Yela 122:7

Kórowii ɡel deŋnesɔɔhna do Jerusalam baa ma danjwɛjen baro, ne o kooderemi bwa ta.”

Aesaya 49:16

Jerusalam, n chwerɛ he sɔn do n nɔmpaala bini, he waa dawɛ n bambile ta saŋ bɛlbwa.

Jeremia 14:21

Lii nyoa haa baɡɛ yaa la, dɛ bɛ yaa nyiŋi vah, bɛ ɡel Jerusalam tena di sihiih, belaa he kookara che dɛ dɔ jirima la. Bɛ fɔo ya ne haa fɔwa la chɔɡ.

Wiile 5:1

N Naa Korowii, lii ya wa dɛ́ na waa aa pu yaa. Nyiŋi dɛ́ na ɡɛ sihiih aa kpo yaa.

Wiile 5:20

Ɛrɛɛ he soh ya waa biɡri ɡɛ nɔɔ? He ta ɛɛ ba lii ya waa ja tenaa?