Aesaya 62:1 - mzwDBL

¹ Mɛɛ bol waa dɛ do Saayɔn tena ɡbemba. Jerusalam nomanta, maa nyoa tɔ, ka tel kɛŋɔ maa pɔ he nɛra dɔma nɛ. Toɡra baa toɡra la ɛɛ ɡeloo ba dɔ silɛɛ kɛŋɔ, kapɛla aa dɛ hɔ jwaana ken.

Aesaya 62:1 ပူးပေါင်းရင်းမြစ်များ

Sɛɡla 4:18

Nɛra ba wa aa toɡra waa do kɛŋɔ, bɔr aa chaahna chɔmbibii ka tel kɛŋɔ wee aa baŋa.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

Hibru 7:25

Nomɛlbwa waa cheɡɛ Yeesu nɛɛ dɛ tuuh dɛɛ tel Korowii la, Yeesu ɛɛ lɛo waa wola nyoɡre kpa bwa. O lole saŋ bɛlbwa dɛ soŋe Korowii dɛɛ tɛ nɛwɛnyina.

Aesaya 51:9

N Naa Korowii, ir nyu ne dɛ́ cha yaa! Kpɔ he kpeɡri la ba lɛ yaa ɡɛ haa ɛa saŋ la! He laa chɛwɛ mpo bini oljen Rahab la aa?

Matiu 5:16

Gɛɛ chɛ kɛŋɔ hé chaah tɛ nɛra, ásɛ ba na he wedɛɛɡa ɛɛ, dɛ́ duu he Mɛɛ waa lɔ nyundua la.”

Maeka 4:2

Harɛre nɛra ɡalɡa ɛɛ bao dɛ́ ba ŋɔ, “Hé ba ya kaa Korowii Bwejen la ta, Korowii Israel tena aa dɛ tomɔ la Dea. Wɛɛ chaɡle yaa o ŋwɛnɛree, ásɛ ya won dɛɛ kpɔ a ta.” Korowii Mmara ɛɛ le Saayɔn Bwejen taa, ásɛ o kpɔ bol waa o nɛra be Jerusalam.

Yela 137:6

Dɛ n ta he waa liire kɛŋɔ henee dɛɛ tɛ mɛ silɛɛ kohona naa, Korowii ɡel n bɛ won ɡo yela kpa.

Yela 51:18

N Naa Korowii, sune Saayɔn tena nɛ, dɛ́ cha ba, kwaa ma Jerusalam danjwɛɛ waa kuuɡa la.

2 Tesalonika 3:1

Anɔ la aa kaa la, yabala, hé soŋe Korowii dɛɛ tɛ ya ɡba, ásɛ ya Dɔɔ waa la won perɛ kɛrɛdɛ dɛ́ won dɔ jirima, ásɛ nɛra no kɛŋɔ ɡɛ he ɡe fa aa noa la.

Sekaria 2:12

Korowii ɛɛ berɔ ba kpɔ Juda harɛ ɛ o kon waa dɛ nyinu kohona, harɛ waa do ɡoroŋ la ta, dɛ́ nyin bwɛjen Jerusalam ɡwaa bwɛɛ bɛlbwa.

Amanesoma Luk Aa Chwera Tɔn 10:2

O kpɔ nɛwɛnyini maɡɛ konduula, dɛ ŋɔ ba be ŋɔ, “Koo kondikwaa la kan, kɛ tom-ɛɛra la lɔ tamaa ken dɛɛ ba a koma. Anomanta, hé soŋe Koo Te la ásɛ o kpɔ tom-ɛɛra la bane ba ja bá ka ɛ a toma.

Aesaya 26:2

Hé ya bwɛjen la doonyoone, ásɛ harɛ o nɛra wa aa toɡra, ba waa dɔ kasinteŋ tɛ Korowii bá jo.

Aesaya 46:13

N dɛ ba n waa aa toɡra ne. A toole bojaŋ, aa biɡri kwaraa. Mɛɛ lɛ Jerusalam tenaa, dɛ́ ɡel ba dɔ n jirima.”

Aesaya 48:18

Dɛ he fe cheɡ deŋne n waa ta naa, he fe dɔ deŋnesɔɔhna kɛrɛdɛ, kɛŋɔ nenabɔɔ waa wola hweeh bwa, dɛ́ dɔ kpeɡri kohona kɛŋɔ mpo nehɛma ken, dɛ́ won wobɛlbwa ɛɛ á toɡre.

Aesaya 52:10

Wɛɛ ɡeloo harɛre nɛra bwa na ɡɛ o kpeɡri aa do ɡoroŋ. Nɛra baa lɔ harɛ jaɡa bwa ɛɛ na ɡɛ Korowii yaa dɛ tomɔ aa wona lɛ yaa.

Aesaya 54:14

Waa aa toɡra taa aa ba cheɡa he won che kɛrɛdɛ, he ne nyubinikpeɡ tena baah ɛɛ do jaŋnee, komɛlbwa toole he ɔmɛ.

Aesaya 58:8

Anee dɛɛ ba ɡela n sie lɛ he nɛ, ásɛ he chaah kɛŋɔ wechɛn ken, ásɛ he weela bwa kaa warane, he wedɛɛɡa tɔ he sie, ásɛ n jirima tɔ he nɛ.

Aesaya 60:1

Jerusalam, ir dɛ́ chaah kɛŋɔ wee! Korowii jirima dɛ chaah he nɛ!

Aesaya 60:2

Na, biro tenten dɛ ba harɛ nɔ ta nɛra nɛɛ tɔe, kɛ he te, Korowii jirima ɛɛ chaah he nɛɛ.

Jeremia 33:9

Ásɛ a che bwɛjen Jerusalam nɛra nɛ n dɔ silɛɛ ne jirima dɛ duure, ásɛ harɛre nɛra bwa ɔmɛ dɛɛ chel, wedɛɛɡa maa ɛa tɛ Jerusalam tena, ne ɡɛ maa ɡela ba wobɛlbwa do wer tɛɛ ba la wa.”