Aesaya 61:10 - mzwDBL

¹⁰ N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Aesaya 61:10 ပူးပေါင်းရင်းမြစ်များ

Mumpar 24:53

Asɛ bonɔɔ la laa kwaa baa kpɔ suuɡaswɛm ne suuɡapoŋ ɛa la ne yale tɛ Rebɛka, dɛ berɛ kpɔ laala a ɡe yoɡ aa kpeɡa tɛ haah la dɔɔ ne o nya.

2 Webena 6:41

N Naa Korowii, ir ba he Dea He Ne Nɛwɛnyina Fɔo Daka waa cheɡa tɛ he kpeɡri la ta, dɛ́ ba so bonɔ saŋ bɛlbwa dɛɛ la. Gel he sɔfore teŋɛ dɛɛ ɛ waa aa toɡra, ásɛ he nɛra ba wa aa toɡra bwa ɡe ɡo silɛɛ yela, he wedɛɛɡa haa ɛɛ ba la wa.

Nehemia 8:10

Nehemia ŋɔ nɛra la be ŋɔ, “Hé kaa dem, dɛ́ ka di he silɛɛ kondikwa, dɛ́ nyɔ sensoma, ásɛ dɛ kpɔ ane ka tɛ banɔ la baa wola ane dɔe. Fini tɔpere nɔ do ɡoroŋ tɛ Korowii yaa dɛ tomɔ. He bɛ suna di, dɛkalkɛ silɛɛ Korowii aa tɛ heyaa la ɛɛ ɡeloo he dɔ bokpeɡa.”

Job Tɔn 29:14

Toɡra n wa aa toɡra do kɛŋɔ maa tɔ yal, kasinteŋ bola ɡe do kɛŋɔ maa do batakaare dɛ kpɔ yal vɔwɛ nyu.

Yela 132:16

Mɛɛ swee Saayɔn sɔfore andɛɛɡaa wobɛlbwa baa dɛ ɛ ta, ásɛ o nɛra ba wa aa toɡra ɛɛ ɡo silɛɛ yela saŋ bɛlbwa.

Yela 132:9

Gel he sɔfore teŋɛ dɛɛ ɛ waa aa toɡra, ásɛ he nɛra ba wa aa toɡra bwa ɡe do lɔŋɔre silɛɛ ne.

Yela 28:7

Korowiirii dɛɛ tɔ mɛ ɡbemɡbe dɛ ɛ n Kpeɡnɛn, o nɛɛ n kpɔ n te dawɛ, wɛɛ cha mɛ. N dɛ hɛɡre n bambile bini, mɛɛ ɡo silɛɛ yelaa kpɛɛro.

Yela 35:9

Ásɛ Korowii nomanta, n sie lɛ, dɛɛ hɛɡre, o lɛɛ waa lɛɛ mɛ la wa.

Yelsom 1:10

Na ɡɛ he siebɔr ne deŋna kwa aa wera, he baŋa ne suuɡaswɛm baŋa kwaa ɡe do wer.

Aesaya 12:1

Awola tɔpere la, hɛɛ ɡo yelaa ŋɔ, “Korowii jam kɛ o baah fa aa di n nɛɛ dɛ berɛ sɔɔh dɛɛ larawe n bwara taraken nɔ.

Aesaya 12:2

Kasinteŋ, Korowiirii n Lɛɛ. Mɛɛ dɛɛ yaradao dɛ bɛ dɛɛ ɔmɛ. Korowii bee n bokpeɡa do, n yel maa ɡo bwa ɡee kɛŋɔ Korowii. Onee n Lɛɛ.”

Aesaya 17:10

Israel tena, he liire le he Lɛɛ Korowii nɛ. Onee Bwetal haa kpɔ he te marɔ wɛɛ tɔ heyaa ɡbemɡbe la, kɛ he soh o wa. He du dadɛɛɡa bodɛɛɡa, dɛ kwaa bela dɛɛ tomɛ harɛre voɡare.

Aesaya 25:1

N Naa Korowii, henee mɛɛ tomɛ, mɛɛ tɛɛ sɔnee dɛ́ kpɛɛre. He ɛ nyokpowa, waa haa maɡla bil saŋ la, he ɛa kasinteŋ ne.

Aesaya 25:9

A ba ɡɛ naa, baa boloo ŋɔ, “Kasinteŋ, Korowii yaa dɛ tomɔ laanee la. Korowii yaa hwɛɡɛ o nɛɛ laanee la, o lɛ yaa. Hé ɡel ya hɛɡre ya sie lɛ, lɛɛ waa lɛ yaa la wa.”

Aesaya 35:10

Baa valɔɔ ɡo silɛɛ yela ka jo Jerusalam, hɛɡra aa wola nyoa dɔe ne. Ba sie ɛɛ lɛo ba bwara sɔɔh ba, suna dii ne tebinichɔɡ le ba bini kwaraa.

Aesaya 41:16

Hɛɛ palaa ásɛ peu kpɔa kaa, peujen lɔa merɛ. Kɛ he te sie ɛɛ lɛ Korowii nɛɛ, ásɛ dɛ kpɛɛ men Israel Nɛŋɡoroŋ la.

Aesaya 48:18

Dɛ he fe cheɡ deŋne n waa ta naa, he fe dɔ deŋnesɔɔhna kɛrɛdɛ, kɛŋɔ nenabɔɔ waa wola hweeh bwa, dɛ́ dɔ kpeɡri kohona kɛŋɔ mpo nehɛma ken, dɛ́ won wobɛlbwa ɛɛ á toɡre.

Aesaya 49:18

Ha sie nyiŋi bar dɛ́ na waa aa dɛ chiɡ! He nɛra dɛ́ cheme dɛ́ berɛ ba he be dem! N ŋwɛɛrɔ kɛ, maa ɛ Korowii maa lole saŋ bɛlbwa nɔ, he sie ɛɛ lɛ he nɛra nɛɛ, kɛŋɔ hanfale sie yon lɛ o baŋa kwaa ne nɔnloɡa aa wera ta la.

Aesaya 49:4

Anee n ŋɔ, “N koɔh ta pɛɛ, n chɔɡ n bokpeɡa wepuu ta pɛɛpɛɛ. Kɛ n kpɔ n waa bwa do Korowii nɔn ta, n kembɔr ɡe lɔ o be.”

Aesaya 51:11

Nɛra haa lɛɛ ba la ɛɛ berɔɔ ba jo Jerusalam, dɛ́ ɡo yela dɛɛ hɛɡre silɛɛ ne. Ba sie ɛɛ lɛo saŋ bɛlbwa, ásɛ sum ne hima le kwaraa.

Aesaya 51:3

Jerusalam berɛ dimɡbia, mɛɛ dɔ tedomaa tɛ o nɛra baa soɡe o ta. Mɛɛ ɡeloo o pua hɛŋle ɡbo harɛ le daa warɛ dɛ́ do wer, kɛŋɔ Eden bodɛɛɡe la. Silɛɛ ne hɛɡra ɛɛ do belaa, ásɛ ba ɡo kpɛɛra ne jam yela dɛɛ tɛ mɛ.

Aesaya 52:1

Bwɛjen Jerusalam, ir! Ir nyu ne! Kpɔ bokpeɡa tɔ he te kɛŋɔ yal ken. Jerusalam, Korowii bwɛɛ waa do ɡoroŋ, kpɔ he yadɛɛɡe tɔ dɛ dɔ jirima. Nɛra baa wola Korowii tomɛ, dɛ kah doŋa te bɛlbwa, aa won jo he bwɛɛ nɔ ta kpa.

Aesaya 56:7

“Mɛɛ la he ne Saayɔn Bwejen waa do ɡoroŋ taa, dɛ́ tɛ heyaa silɛɛ n soŋebɔr bela. N siwi ɛɛ su kwaa baa fuah ɛ saraha dɛɛ tɛ mɛ n saraha kon ta laanee dɛ́ lɛa, dɛkalkɛŋɔ baa yerɛ n Dea Korowii soŋebɔree tɛ harɛre nɛra bwa.”

Aesaya 58:14

ate, mɛɛ ɡeloo he dɔ silɛɛ toma haa dɛ tom mɛ la wa. Mɛɛ berɔ ɡel he dɔ duure harɛ ta bobɛlbwa, dɛ́ berɛ na som harɛ maa kpɔa tɛ he nabaa Jekɔb la ta. Men Korowiirii bola.”

Aesaya 61:3

O tom mɛ ń larawe Jerusalam tena ba bambile aa chɔɡa baa wi la bwara, ásɛ ba dɔ silɛɛ dɛ́ ɡel wii, dɛ́ ɡo kpɛɛra yela, dɛ́ ɡel suna dii. Baa ɛo kɛŋɔ daa Korowii ɡbaɡba aa dua. Baa dɛɛ ɛ waa aa toɡraa, ásɛ ba kpɛɛro o waa waa ɛa wa.

Aesaya 65:18

Hé ɡel he sie lɛ hɛɛ hɛɡre saŋ bɛlbwa. N dɛ ba Jerusalamfale ɛɛ o do som, ásɛ o nɛra sie ɛɛ lɛ.

Jeremia 2:32

Bitolo ɛɛ won soh o suuɡaswɛm nɔnloɡa ne baŋa kwaa ne noniseɡa aa, kɛɛ hanfale soh o hanfale laala doe yaa? Kɛ n nɛra soh n waa biɡri maa wola won jemɛ a saŋ.

Ɛsekeɛl 42:14

Sɔfore la baa jo Korowii Dea dɛ ɛ ba toma tonaa, ba bɛ le kaa habɔɔ dembaah bela. Bá foo laala baa doa ɛ toma la bil deene la bini, dɛkalkɛ a do ɡoroŋ. Bá do laala pɛɛne mɔɔ dɛ́ le kaa nɛra la bini.”

Habakuk 3:18

Korowii nomanta, mɛɛ hɛɡroo, n sie lɛ Korowii waa ɛ n Lɛɛ la nɛ.

Sekaria 10:7

Israel tena ɛɛ doo kɛŋɔ banyoola, ásɛ ba sie lɛ kɛŋɔ nɛra aa nyɔ sen ba sie ɛɛ lɛ la. Ba bii ɛɛ nao ba sie lɛ, ásɛ ba hɛɡre waa Korowii aa ɛa wa.

Sekaria 3:5

Belaa o ŋɔ bá kpɔ yal baa kpɔa dɛɛ vɔwɛ nyu la ondɛɛɡe vɔwɔ, asɛ ba kpɔ vɔwɔ, dɛ doo laaladɛɛɡa, dɛ Korowii nyundua torome la cheɡɛ bela.

Amanesoma Luk Aa Chwera Tɔn 15:22

Bie la nyoa ta lee mɔɔ dɛ o mɛɛ yerɛ o bonɔɔna ŋɔ, ‘Hé chwa ka nyiŋi n yale la bwa bini ondɛɛɡe ba tɛo ó tɔ, dɛ́ kpɔ noniseɡdɛɛɡe ba doo, dɛ́ nyin naŋɡawa ba tɛo ó do.

Tɔn Pɔɔl Aa Chwerɛ Rom Tena 13:14

Hé kpɔ ya Dɔɔ Yeesu Kristo waa ɛ dɔmkwa, dɛ́ laa sie kpɔ he nɛwɛnyini mar wechɔɡa aa suu nɔ tetoowaa ta.

Tɔn Pɔɔl Aa Chwerɛ Rom Tena 14:17

Kondikwaa yaa dɛ di ne anɔ la yaa dɛ ki la ta wejena bɛlbwa ɛɛ Korowii Kora waa bini. Waa aa ɛ wehiah laanee kɛŋɔ ɡɛ yaa ɛ ya waa su Korowii siwi, ne waa aa dɛ ba deŋnesɔɔhna ne ya ne ya dɔŋa baah ta, ne silɛɛ aa le Korowii Domadɛɛɡe be.

Tɔn Pɔɔl Aa Chwerɛ Rom Tena 3:22

Yeesu Kristo yaradae taa a che nɛra wa ɛɛ su Korowii siwi. Nomɛlbwa waa dɛ yarada Yeesu waa la, o waa dɛ su Korowii siwi, dɛkalkɛŋɔ nɛwɛnyini bwa beŋkpoŋ Korowii be.

Tɔn Pɔɔl Aa Chwerɛ Rom Tena 5:11

A ɡbo laa. Ya sie lɛ Korowii nɛɛ kohona ya Dɔɔ Yeesu Kristo nomanta. O nɛɛ a che ya ne Korowii pɛ.

Galaasia 3:27

He banɔ la ba fa aa sɔ heyaa Korowii nee asɛ he ne Yeesu Kristo ɛ beŋkpoŋ la, Yeesu Kristo daa he kpɔ ɡɛ la.

Felepae 3:9

ásɛ ya bwa won pɛ, ásɛ n ɛ nɛndɛɛɡe, n waa su Korowii siwi. N ta ŋɔe ŋɔ ń che Mmara ta teŋa ta dɛ́ ɛ nɛndɛɛɡe n waa su o siwi. Kɛ n dɛ nyin ń che yarada maa dɛ yarada Yeesu Kristo la ta, dɛ́ ɛ nɛndɛɛɡe n waa su o siwi. Nɛndɛɛɡe ɛɛ le Korowii be o kpɔ dɛɛ tɛ nɛra la bwa baa yarada Yeesu.

Felepae 4:4

Hé che pɛɛ he ne ya Dɔɔ aa pɛa la ta dɛ́ ɡel he sie lɛ. Kasinteŋ, hé ɡel he sie lɛ.

1 Pita 1:8

He ta on nae ka, kɛ he dɛ nyinu. Taraken ɡba, haa on na, kɛ he dɛ yaradao. Anomanta, he sie dɛ lɛ kohona nɛn aa wola won baɡle a wa.

Wepila 21:2

N berɔ na Korowii bwɛjen Jerusalamfale o le Korowii be dɛɛ ba harɛ. Korowii kwaaro kɛrɛdɛ kɛŋɔ hanfale yon kpɔ o te dɛɛ ba o jaa be la.

Wepila 21:9

Belaa nyundua toroma banuanɛ la ba fa aa kpoŋe loɡa hɔhɔrɔwa bele anuanɛ aa ka mun la aa su a bwa la bɛl ba, dɛ ba ŋɔ n be ŋɔ, “Ba ń baɡle Pebie la hanfale la.”

Wepila 4:4

N na kookane fifraanɛ dɛ anaarɛ a bar o kookara la cheme. Nomonome fifraanɛ dɛ banaarɛ do laalapoŋa dɛ pi suuɡaswɛm kooɡbɛrɛre dɛ so a ta.

1 Samoɛl 2:1

Anee Hana jam Korowii ŋɔ, “N Naa Korowii, he ɡelɔ n sie lɛ kohona, n sie lɛ waa haa ɛa wa! He ɡelɔ n sie lɛ mɛɛ mamɛ n dɔma, lɛɛ haa lɛɛ mɛ la wa.