Aesaya 61:1 - mzwDBL

¹ Nemenɛ Korowii Doma la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ larawe nɛra ba bambile aa chɔɡa bwara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba lɛɛ balɔ.

Aesaya 61:1 ပူးပေါင်းရင်းမြစ်များ

Yela 102:20

dɛɛ no nɛra baa laɡ ba do dea hima, dɛ́ lɛɛ ba le kpoora baa dɛ ba ba kpoora ta, dɛ́ ɡel ba dɔ ba te.

Yela 147:3

O ɡelɔ nɛra ba bambile aa chɔɡa dɔ bolarawa, dɛ vɔrɔwe ba ŋwɛra.

Yela 149:4

Korowii sie dɛ lɛ o nɛra nɛ, dɛɛ cha nɛra baa dɛ pwɛr ba te, dɛ ɡel baa pɔ ba dɔma nɛ.

Yela 2:6

“N cheɡ n kooro n deŋɡare waa do ɡoroŋ Saayɔn ta.”

Yela 22:26

Nyaara ɛɛ di kwaa vaɡɛ ɡɛ baa dɛ nyin, nɛra baa dɛ tomɛ Korowii ɛɛ kpɛɛroo. Kórowii ɡel bá dɔ silɛɛ saŋ bɛlbwa dɛɛ la!

Yela 25:9

O cha nɛŋɡwɛɡra baa ɛ wa aa toɡra, dɛɛ baɡ ba o ŋwɛnɛre.

Yela 34:18

Korowii dɛ bɛne banɔ la ba bambile aa chɔɡa, dɛɛ lɛ banɔ la baa wola hwɛɡa bɛlbwa dɔe.

Yela 45:7

He dɛ nyin waa aa toɡra, dɛ ki wechɔɡa. A waa Korowii haa dɛ tomɔ lee cheɡ he bala koranar bwa bini, dɛ fuɡe noo do he nyu ta dɛ tɛɛ silɛɛ.

Yela 51:17

N kpɔ n bambile waa chɔɡa ɛ saraha dɛɛ tɛɛ. Bambile waa chɔɡa dɛ won chara laanee hen Korowii ɛɛ nyin.

Yela 68:7

N Naa Korowii, haa tɔ he nɛra sie, dɛ valɛ kpɔ pua hɛŋle ɡbo harɛ ta la,

Yela 69:32

Nɛra baa dɛ fiɡ ba la na ɡɛ naa, ba sie ɛɛ lɛo, ásɛ banɔ la baa dɛ tomɛ Korowii dɔ ɡbemba.

Kaala 28:41

Haa kpɔ laala nɔ do he dɔɔ Arɔn ne o bibaala tonɛ la, hé fuɡe noo do ba nyuune ta dɛ́ kpɔ ba sɔfo toma do ba nɔn ta. Ɛɛ ba bá do ɡoroŋ dɛ́ won dɛɛ ɛ n toma kɛŋɔ sɔfore.

Kaala 29:7

Ásɛ dɛ fuɡe noo baa kpɔa dɛɛ do ba sɔfore ta la ane do o nyu ta.

Aesaya 29:19

Nɛŋɡwɛɡra sie ɛɛ berɔɔ lɛ Korowii waa ta ja, nyaara hɛɡre Israel Nɛŋɡoroŋ la wa.

Aesaya 30:19

Saayɔn tena, nɛra haa soɡe Jerusalam, haa wi kpa. Korowii dɛ na he sum. He wio noo waa, buɡ la ta, wɛɛ no he bee.

Aesaya 30:26

Korobie ɛɛ lɔɔ dɛ chaah bɔr kɛŋɔ wee ken, ásɛ wee chaah bɔr kohona kɛŋɔ baa lɔ tɔpera anuanɛ wee bɔr chaahna pɛ ken. A ɡɛ saŋ Korowii ɛɛ vɔrɔwe bola waa do o nɛra laanee, dɛ́ chaah ba.

Aesaya 32:7

Nɛn waa dɛ neɡre nɛra ɛ nɛnchɔɡe, wechɔɡa liiree wɛɛ lii, dɛ che neɡra ta dɛɛ chɔɡ nyaara ba wa aa suma, dɛɛ tɔ ba kasinteŋ ŋwɛnɛ.

Aesaya 40:9

Jerusalam tena, he teeh kaa bwejena dor, dɛ́ ka bol amanesoma la! Hé bola takpeɡ ne, he bɛ ɔmɛ, hé ŋɔ Juda harɛ bwɛɛre nɛra be ŋɔ, “Korowii haa dɛ tomɔ la dɛ ba.”

Aesaya 42:1

Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Aesaya 42:7

Hɛɛ ɡeloo nyoŋa sibie pili, ba won dɛɛ na, ne banɔ la baa do ba dea, ba do biro tenten ta.

Aesaya 48:16

Hé suuh tel n be, dɛ́ ba no waa nɔ. Le waa nɔ mumpar bwa n ta wobɛlbwa bolɛ a sɔh heya, n wobɛlbwa maa bol la, a dɛ ɛ kpela.” Nemenɛ Korowii cheɡɛ o Doma ta, dɛ tom mɛ.

Aesaya 49:9

Mɛɛ ŋɔ nɛra baa do ba deene bee ŋɔ, ‘Hé le kaa!’ dɛ́ ŋɔ banɔ la baa lɔ biro ta ɡe be ŋɔ, ‘Hé le ba bɔchaah ta.’ Baa ɛo kɛŋɔ peera aa dɛ di deŋɡarere ta ken,

Aesaya 52:7

Hé na ɡɛ toroma baa kpoŋe Amanesoma dɛ valɛ bwea dor dɛɛ ba wa aa dɔ nyokpoa ne, dɛɛ bol deŋnesɔɔhna ne Korowii lɛɛ wa! Hé no ba bala wa aa, he bambile ɛɛ sɔɔh heyaa taeh. O bol Saayɔn tena be ŋɔ, “Korowii haa dɛ tomɔ di kora!”

Aesaya 52:9

Jerusalam tena, he bwɛjen berɛ dimɡbia, hé pɛ ɡo silɛɛ yela. Korowii larawe o nɛra bwara, dɛ lɛ Jerusalam ɡe.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Aesaya 57:18

N jemɛ ɡɛ ba wechɔɡa ɛɛ aa chɔɡ ba kɛŋɔ weela, kɛ mɛɛ chaah baa, dɛ́ tɔ ba sie, dɛ́ baɡ ba ŋwɛnɛ, dɛ́ larawe banɔ la baa dɛ wi bwara,

Aesaya 59:21

Fɔo n ne haa fɔwɛ laanee kɛŋɔ, ń tɛ he ne he bii ne he naanar n Doma ne n webaɡla, á chɔ le tɛ heyaa saŋ bɛlbwa.”

Aesaya 66:2

N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.

Jeremia 34:8

Korowii berɔ bol waa men Jeremia be, ɡɛ saŋ Kooro Sedekia ne Jerusalam tena bwa aa fɔwɛ fɔo, dɛ tɛ yoma bwa ŋwɛnɛ ŋɔ bá di ba nyu,

Jeremia 52:33

Anomanta, Kooro Jehoiachin dɔ ŋwɛnɛ dɛ laa laala waa doa ba doo dea la foo bil, dɛ kpɔ anfala do, asɛ o ne Babelɔn kooro pɛ nɔn dɛɛ di kwa o soɡa bini bwa.

Daneɛl 9:24

Korowii do bene fifraanuanɛ bele anuanɛ cheɡ kɛŋɔ he nɛra ne bwɛjen Jerusalam ɡel wechɔɡa ɛɛ. Baa kpɔ wechɔɡa bɛlbwaa kɛ, ásɛ waa aa toɡra do le saŋ bɛlbwa dɛɛ la. Gɛ aa ɛ ásɛ wepila ne Korowii waa aa dɛ ba bala ɛ kpela, ásɛ ba berɛ kpɔ Korowii Dea la do o nɔn ta.

Hosia 6:1

Israel tena berɔ ŋɔ, “Hé ɡel ya berɛ kaa Korowii be. Onee toɡri ya ola, wɛɛ berɔ chah yaa. O do yaa bola, kɛ wɛɛ vɔrɔwe ya ŋwɛraa.

Lewi Dea Tena 7:35

Gɛ bɔra nɔɔ ɛ Arɔn ne o bibaala dibɔra dɛ le saraha kwaa baa fuah tɛ Korowii, awola baa den fuɡe noo do ba nyuune ta dɛ́ do ba sɔfore ta.

Maeka 3:8

Kɛ n te, Korowii ɡelɔ o Doma ba so n nɛ, asɛ n dɔ kasinteŋ ne kpeɡri dɛ́ bol Israel tena wechɔɡa wa.

Matiu 11:5

Hé ŋɔ o be ŋɔ nyoŋa dɛ na bɔr, boobie ɛɛ valɛ, asɛ nɛra weechɔɡa aa chɔɡ ba bwadabii la ɡe bwara kwaa. Hé ŋɔ o be ŋɔ amumure dɛ no wa, lala ir seo ta, asɛ nyaara ɡe dɔ Amanesoma la dɛɛ no.

Matiu 3:16

Waa sɔɔ Korowii nee la tonɛ la, Yeesu le nee la ta dɛ ba che baŋ. Nyundua pilo, asɛ o na Korowii Domadɛɛɡe o do kɛŋɔ borɔnoma ken dɛ ba so o nɛ.

Amanesoma Luk Aa Chwera Tɔn 7:22

Anee Yeesu ŋɔ Jɔn toroma la be ŋɔ, “Hé ka bol Jɔn be waa haa baa na ne anɔ la haa baa no. Hé ŋɔ o be ŋɔ nyoŋa dɛ na bɔr, boobie ɛɛ valɛ, asɛ nɛra weechɔɡa aa chɔɡ ba bwadabii la ɡe bwara kwaa. Hé ŋɔ o be ŋɔ amumure dɛ no wa, lala ir seo ta, asɛ nyaara ɡe dɔ Amanesoma la dɛɛ no.

Amanesoma Jɔn Aa Chwera Tɔn 1:41

Waa waa tɔ sie ɛ laanee kɛŋɔ o kaa nyin o dɔɔ Seemɔn bɔr, dɛ ŋɔ o be ŋɔ, “Ya na Mɛsaya la.” Mɛsaya munii Kristo.

Amanesoma Jɔn Aa Chwera Tɔn 3:34

Nɛn Korowii aa tomɔ la, Korowii wobolee wɛɛ bol, dɛkalkɛ Korowii tɛo o Domadɛɛɡe la tɛɛ tenten.

We-ɛɛla 10:38

He jemɛ ɡɛ Korowii aa kpɔ o Domadɛɛɡe ne o kpeɡri tɛ Yeesu waa le Nasarɛt la wa. Dɛ Korowii teŋɛ Yeesu nɛ, asɛ o valɛ dɛɛ ɛ wedɛɛɡa dɛɛ chah nɛra Bɔnsam aa lɔ ba bil la.

We-ɛɛla 26:18

Hen dɛ́ ka pili ba sie, ásɛ ba le biro ta dɛ́ ba bochaah ta bela nii aa lole, dɛ́ le Bɔnsam nɔn ta dɛ́ ba Korowii be, ásɛ o kpɔ ba wechɔɡa kɛ ba, ásɛ ba ba ja nɛra baa yarada mɛ n sɔ ba doŋa bwa ta ba ɛ n bii la nɛ.’

We-ɛɛla 4:27

Kpela ɡe, Hɛrɔd, ne Pɔnteɔs Paelet ne nɛra baa wola Juu tena ɛɛ, ne Israel tena bwa cheme bwɛjen nɔ ta. Ba yo Yeesu, he ɡbaɡba bonɔɔ waa wola wechɔɡe bɛlbwa dɔe la. Onee he ɛ he Kristo la.

2 Kɔrent 3:17

Ya Dɔɔ Yeesuu Domadɛɛɡe la. Bobɛlbwa ɡe o Domadɛɛɡe la aa lole la, nomɛlbwa dɔ o te, o toole Mmara lɔɡa.

2 Kɔrent 7:6

Kɛ Korowii aa dɛ larawe tebinichɔɡ te bwara la nomanta, Taetos bala la ɡelɔ ya dɔ bɔlarawa.

Hibru 1:9

He dɛ nyin waa aa toɡra dɛ ki wechɔɡa. A waa Korowii haa dɛ tomɔ lee cheɡ he bala koranar bwa bini, dɛ fuɡe noo do he nyu ta dɛ tɛɛ silɛɛ.”