Aesaya 60:7 - mzwDBL

⁷ Baa kpɔ Keda peera bwaa ba tɛ heya, Nɛbayɔt pebala ɡe ɛɛ he kwaa, ásɛ he kpoora saraha kon ta tɛ men Korowii, dɛ́ kpɔ jirima ba n Dea.

Aesaya 60:7 ပူးပေါင်းရင်းမြစ်များ

Mumpar 25:13

Ismael bii waa lol ba la, kenii ba teŋɛ dɔŋa nɛ, Nɛbayɔt ne Keda ne Adbeel dɛ Mibsam,

Job Tɔn 42:8

Anomanta, lawɛ nabala anuanɛ ne pebala anuanɛ ka tɛ n bonɔɔ Job ó kpɔ ɛ saraha baa dɛ fuah tɛ heya. Wɛɛ soŋoo tɛ heya, ásɛ n no dɛ bɛ he deŋne tɛr he ɡɛna waa kpa. He ta n waa kasinteŋ bolɛ kɛ n bonɔɔ Job.”

Yela 120:5

N na waa kɛŋɔ maa soɡe Mɛsɛk ne Keda tena baa ɛ nyubinikpeɡ tena baah.

Yelsom 1:5

Jerusalam bitoli, n biro dɛ do wer, n biro kɛŋɔ tɛnte deene aa lɔ Keda pua hɛŋle ɡbo harɛ ta, kɛ dɛ berɛ do wer kɛŋɔ, Kooro Solomɔn koodem pateesanre.

Aesaya 19:19

Baa ɛ saraha kon Ijipt harɛ baah taa tɛ Korowii, ásɛ dɛ kpɔ bwe ka pa o jwɛh ta tɛ Korowii, dɛ́ kpɔ dɛɛ lii, awola tɔpere.

Aesaya 19:21

Korowii ɛɛ kpɔ o tenee baɡle Ijipt tena bá jemɔ awola, dɛ́ tomɔ dɛ́ kpoo kwaa tɛo, ásɛ dɛ kpɔ mea sarahare ɡe tɛo. Baa baɡɔ nyoa dɛɛ teŋɛ a ta.

Aesaya 21:16

Korowii berɔ ŋɔ n be ŋɔ, “Gɛ paadii yon jemɛ kɛŋɔ benanyoa wɛɛ ba o toma tona la, ɡɛɛ Keda tena jirima bwa ɛɛ ba tona benanyoa.

Aesaya 42:11

Nɛra haa soɡe pua hɛŋle ɡbo harɛ bwɛɛre ta, hé ɡo yela kpɛɛ Korowii! Keda naanar, bela bwa haa soɡa la, hé ɡe ɡo kpɛɛra yela! Sela tena, hé le bwejena dor dɛ́ kpɔ silɛɛ ɡo yela tɛo!

Aesaya 56:7

“Mɛɛ la he ne Saayɔn Bwejen waa do ɡoroŋ taa, dɛ́ tɛ heyaa silɛɛ n soŋebɔr bela. N siwi ɛɛ su kwaa baa fuah ɛ saraha dɛɛ tɛ mɛ n saraha kon ta laanee dɛ́ lɛa, dɛkalkɛŋɔ baa yerɛ n Dea Korowii soŋebɔree tɛ harɛre nɛra bwa.”

Aesaya 60:13

Baa che Lɛbanɔn kɔr dadɛɛɡa ne ba dajaŋa bwa soo siwii dɛ́ ba kwaa n Dea maa lɔ o bini nɔ ne n bwɛjen la á do wer.

Ɛsekeɛl 20:40

Saayɔn Bwejen waa do ɡoroŋ dɛ do Jerusalam la taa he Israel tena la bwa ɛɛ ba men toma. Belaa mɛɛ ba he saraha kwaa aa do ɡoroŋ, ne anɔ la aa le he bambile ta he kpɔ dɛɛ ba ba tɛ mɛ la lɛɛ. Men Korowiirii bola.

Ɛsekeɛl 27:21

Arab tena ne Keda harɛ ta koranar ne he di bona. Ba kpɔ pebiiri ne pebala dɛ boohna ba charɛ laala he be.

Maeka 4:1

Tɔpera ane dɛ ba, ásɛ Korowii Bwejen Dea aa chɔŋɛ o ta la do jaŋne ɡwaa bwejena bwa. Wɛɛ kpeɡuu ɡwaa deŋɡarere bwa, ásɛ nɛra warɛ le harɛre ta dɛɛ ba o ta.

Sefania 3:10

N nɛra baa lɔa peɡre ka do Itiopia harɛ bojaŋ la ɛɛ ba saraha kwaa nee ba tɛ mɛ, dɛ́ baa tom mɛ.

Sekaria 2:8

He waa hiah mɛ kɛŋɔ n siwinyiŋi ken, anomanta, dɛ nomɛlbwa leɡe heyaa kɛɛ dɛ ɛ heyaa waane aa, dɛ menee o ɛ la.

Tɔn Pɔɔl Aa Chwerɛ Rom Tena 12:1

Anomanta, yabala, n dɛ soŋe heya. Hé nyiŋi Korowii suna waa sune ya nɛɛ la dɛ́ kpɔ he te tɛo. Gɛ baa kpɔ kondɛɛɡa aa chɛ Korowii dɛɛ su o siwi dɛ kpo dɛ ɛ saraha tɛo dɛɛ tomɔ la, hé ɡe kpɔ he te kɛŋɔ ɡɛ saraha la, dɛ́ laa doŋa bɛlbwa kpɔ he nɛɛ dɛɛ tomɔ he bokpeɡa ne. Gɛɛ a chɛ kɛ hɛɛ tomɛ Korowii.

Tɔn Pɔɔl Aa Chwerɛ Rom Tena 15:16

dɛ kpɔ o toma nɔ do n nɔn ta ŋɔ mɛ́ɛ baɡle nɛra baa wola Juu tena ɛɛ la, a waa n won di heyaa kasinteŋ ɡɛ la. Maa dɛ bol Yeesu Kristo Amanesoma la dɛɛ baɡle he nɛra haa wola Israel tena ɛɛ la, n kpɔ n te ɛ kɛŋɔ Sɔfo waa lɛ nɛra kwaa ɛ saraha dɛɛ tɛɛ ba Korowii Dea bini la. N dɛ nyin he no a waa dɛ yaradaa, ásɛ Korowii Domadɛɛɡe won laa he doŋa kpɔ he nɛ, ásɛ he ɛ Korowii nɛra. Belaa ń won kpɔ heyaa tɛ Korowii kɛŋɔ baa ɛ saraha dɛɛ tɛo la, ásɛ he waa su o siwi o lɛ heya.

Hibru 13:10

Juu tena sɔfore baa dɛ ɛ toma Korowii Tɛnte Dea bini la ta ŋwɛnɛ dɔe kɛŋɔ ba di ya saraha kwaa yaa dɛ di la ane.