Aesaya 60:4 - mzwDBL

⁴ Korowii ŋɔ, “Ha sie dɛ́ nyiŋi bar, he nɛra bwa chemo dɛɛ ba he be. He bibaala le bojaŋa harɛre ta dɛɛ ba, ba kpɔ he bihaahna chwaa dɛɛ ba.

Aesaya 60:4 ပူးပေါင်းရင်းမြစ်များ

Aesaya 11:12

Wɛɛ ir fraŋkaa harɛre nɛra nɔ bwa na, dɛ́ boa Israel tena baa laɡ ba ka so harɛre ta la nyoa, dɛ́ ɡel Juda tena baa peɡra kaa harɛ nɔ ta bobɛlbwa la bwa ba cheme.

Aesaya 14:2

Harɛre nɛra ɛɛ cha baa dɛ kpɔ ba ba, ba ɡbaɡba harɛ ta. Ásɛ Israel tena berɛ kpɔ harɛre la nɛra berɛ ba yoma Korowii harɛ waa kpɔa tɛ Israel tena la ta. Nɛra Israel tena fa aa lɔ ba lɔɡa la berɛ ba do ba lɔɡa, ásɛ dɛ baa tom ba.

Aesaya 42:6

“Men Korowiirii yerɛ, dɛ tɛɛ kpeɡri ŋɔ hɛɛ ɛ waa aa toɡra harɛ nɔ ta. He nɛɛ aa ba cheɡa ásɛ n ne nɛwɛnyina bwa fɔwɛ fɔo, dɛ́ do kɛŋɔ kandea dɛ́ tɛ harɛre nɛra.

Aesaya 43:6

Mɛɛ ŋɔ weekaŋle nyunduabɔr, ne weekaŋle harɛbɔr tena bee ŋɔ bá tɛɛ ba ŋwɛnɛ bá kaa! Hé kpɔ n bibaala le bojaŋ ba, dɛ́ kpɔ n bitoli baa lɔ harɛ jaɡa ɡe ba,

Aesaya 49:12

Baa le bojaŋaa ba, bane ɛɛ le weekaŋle nyunduabɔree, bane ɡe le wee cholibɔr dɛ́ ba, ásɛ bane ɡe le Aswan dɛ́ ba.”

Aesaya 49:17

Nɛra baa ba kwaa vɔrɔwe ɛɛ bao taraken, ásɛ banɔ la baa chɔɡe la le kaa.

Aesaya 49:18

Ha sie nyiŋi bar dɛ́ na waa aa dɛ chiɡ! He nɛra dɛ́ cheme dɛ́ berɛ ba he be dem! N ŋwɛɛrɔ kɛ, maa ɛ Korowii maa lole saŋ bɛlbwa nɔ, he sie ɛɛ lɛ he nɛra nɛɛ, kɛŋɔ hanfale sie yon lɛ o baŋa kwaa ne nɔnloɡa aa wera ta la.

Aesaya 66:20

Baa kpɔ he bala baa lɔ bela harɛre la ta laanee ba tɛ mɛ kɛŋɔ koŋkɛɛla ken. Jaɡre ne keeɡore ne nyoɡmare ne kwaa aa do kɛŋɔ torɔɡore, ne anɔ la aa dɔ tɔre baa taɡa nee baa ba koŋkɛɛla ne bala ba tɛ mɛ, n bwejen waa do ɡoroŋ ta Jerusalam. Baa ba a nee kɛŋɔ Israel tena yon kpɔ mea sarahare do kondɛɛɡa bini baa tɛ mɛ n Dea la ken.

Jeremia 30:10

Anomanta, n nɛra, he bɛ ɔmɛ, Israel tena, he bɛ ɡel he bambile chɔɡ. Mɛɛ lɛ heyaa le bojaŋ harɛre taa ba, he naanar baa laɡ ba kaa bojaŋ harɛfale ta la. Ásɛ he berɛ dɔ deŋnesɔɔhna ne bosɔɔhna, nomɛlbwa aa heyaa aah kpa.

Emɔs 9:14

Mɛɛ berɔ ba n nɛra Israel tena baa laɡ ba laa ta kaa bojaŋ harɛfale ta la nee, bá ba kwaa vɔrɔwe dimɡbeeni dɛ́ so a bini. Baa parɛ daa koonii, dɛ́ nyɔ a sen, dɛ́ parɛ bodɛɛɡa, dɛ́ di kondikwa baa parɛ la.

Maeka 7:12

Awola tɔpere la, nɛra ɛɛ le Asiiria ne Ijipt bwɛjena taa ba, hale dɛ́ kpoŋe le Ijipt kaa Yufretis Moo wee leebɔr, dɛ́ berɛ le Ijipt kaa weekaŋle harɛ bɔr, dɛ́ le mpore ta harɛjaɡa ba kaa bwejena dor.

Haɡae 2:7

Mɛɛ chɔɡ nɛŋhɔɔhra baa wola Korowii tomɛ kpeɡri bwaa, ásɛ ba kpɔ kwaa a yoɡ aa kpeɡa kohona ba o bini, ásɛ n ɡel kondɔɔh ba su n Dea la bwa. Men Koranar Bwa Kooroo bola.

Matiu 8:11

Kasinteŋ, nɛra ɛɛ le wee leebɔr ne wee cholibɔree ba so Korowii Kora ta, ásɛ ba ne Abraham ne Aesek ne Jekɔb pɛ di kondikwaa bela.

Amanesoma Jɔn Aa Chwera Tɔn 4:35

He laa yon ŋɔ ba du kwa aa, korobie anaarɛɛ aa di mɔɔ baa koma la aa? Kasinteŋ, he bɛ chɔ. Hé ta sie na koo kwaa bwa aa bea ne koma ɡɛ!

We-ɛɛla 13:44

Ona Tɔpere la aa bala ja la, bwɛɛ la tena kɛrɛdɛ bwa la cheremi dea bela dɛ ka no Korowii Wa.