Aesaya 60:22 - mzwDBL

²² Banɔ la baa wola kanɛ la, baa warɔ dɛ do kpeɡri kɛŋɔ harɛjen nɛra. Mɛɛ ɛa waranee saŋ waa wera ta. Menee Korowii.”

Aesaya 60:22 ပူးပေါင်းရင်းမြစ်များ

Aesaya 10:22

Israel tena, dɛ he warɔ kɛŋɔ mpo nyoa hɛŋle kwaraa naa, he tamaa dɛɛ ba kae dɛ́ berɛ ba. Chɔɡa chɔ le dɛɛ kpa heya. Gɛ Korowii aa cheɡ heyaa la, he chɛ ɡɛ.

Aesaya 5:19

Hé bwɛɛlɛ he banɔ la haa dɛ bol ŋɔ, “Korowii, ɛ warane dɛ́ ɛ he toma ya na. Israel Nɛŋɡoroŋ, baɡle he ŋwɛnɛre ya jemɛ.”

Aesaya 51:2

Hé lii he nabaa Abraham, ne Saara haa le ba bini la wa. Maa yerɛ Abraham dɛ o ta bie dɔe, asɛ n swee andɛɛɡa tɛo dɛ́ ɡel o naanar warɛ.

Aesaya 66:8

Nomɛl noɔ kɛɛ dɛ na waa nɔ dɔŋa ka aa? Baa won vɔrɔwe harɛbir tɔpebeŋkpoŋ aa? Gɛɛ loltea aa wola Saayɔnee lɔ biɡri ó na weweele mɔɔ dɛ́ lolɛ o bii.

Daneɛl 2:35

Belaa buni la, ne choh, ne ayaawa, ne suuɡapoŋ, dɛ suuɡaswɛm la bwa den kuuɡi buɡ la ta, dɛ do kɛŋɔ baa lɔ kwaa pɛla ta lɔmɔɡa saŋ a pɛɡa chɔ la ken. Asɛ peu ta dɛ kpɔa kaa, bɛlbwa ta kae. Kɛ bwekuŋi waa baa lɔ kon waa do kɛ nɛn la, baa ɛ bwejen tenten dɛ tɔ harɛ nɔ ta bwa.”

Daneɛl 2:44

A ɡɛ koranar la kora dii ta la, Korowii Waa Dɛ Di Kora Nyundua ɛɛ chiɡ kora waa wola chɔɡ, kɛɛ nomɛlbwa aa wola won pɔ o nɛ. Wɛɛ ba chɔɡ kora bele anaarɛ la bwaa a ba a jaɡa. Kɛ o te ɛɛ cheo dɛ́ do le saŋ bɛlbwa dɛɛ la.”

Maeka 4:7

Mɛɛ ɡeloo boobie ka, dɛ́ le nɛra baa doŋ ba le harɛfale ta ba la, berɛ warɛ kohona dɛ́ do kpeɡri. Men Korowii ɛɛ di kora ba nɛɛ le awola, ne saŋ bɛlbwa dɛɛ la Saayɔn Bwejen waa lɔ Jerusalam.”

Habakuk 2:3

Tɔpere bɛl ta dɛ ba ásɛ waa maa pili a bini baɡle la tel. A dɛ baɡle ɡɛ waa bwa jaɡa saŋ aa dɛ ba doe. A ɛ kasinteŋ. Hale a biɡro kwaraa naa, hé so kpaa. Kasinteŋ, aa bao. Aa biɡri bɛlbwa.

Amanesoma Luk Aa Chwera Tɔn 18:7

Dɛ nɛn waa do ken wono lɛ nɛn aa, ɛrɛɛ Korowii aa wola won cha o nɛra baa wia dɛɛ noo chɔɔ ne jwaana la dɛ́ lɛɛ ba le ba dɔma nɔn ta nɔ? Aa biɡruu mɔɔ o cha ba aa?

We-ɛɛla 2:41

Nɛra la kɛrɛdɛ yarada Pita wobol la, asɛ ba sɔ ba Korowii ne. Ba nɛra kaɡboŋa batoroo yarada Yeesu waa dɛ kpɔ ba te tɛo awola tɔpere la ta dɛ ba ja ba nɛ.

We-ɛɛla 5:14

Dɛ balaa nɛra ɡe den na dɛɛ ba, dɛ baa ja ba nɛ. Dɛ ba bini baala ne haahna bwaa dɛɛ ba, dɛ kpɔ ba te tɛ Yeesu.

Hibru 10:36

A hiaoh kɛŋɔ he lawɛ bambile dɛ́ won ɛ ɡɛ Korowii aa dɛ nyin, ásɛ dɛ won dɔ kwaa waa baɡɛ heyaa nyoa la.

2 Pita 3:8

N dandɛɛɡa, he jemɛ kɛŋɔ tɔpebeŋkpoŋ ne bene kaɡboŋ bwa beŋkpoŋ Korowii be. Beŋkpoŋii a bwa o te be.

Wepila 7:9

Anɔ la habɔɔ la, n nyiŋo dɛ na nɛnlaa nomɛlbwa aa wola won kur ba bela. Ba le wobol te bɛlbwa nɛra baa lɔ harɛ nɔ ta bobɛlbwa ta. Ba bwa do batakaarepoŋa, dɛ kpoŋe bambie daa a papooni do a ta, dɛ che kookara la ne Pebie la sie,