Aesaya 60:2 - mzwDBL

² Na, biro tenten dɛ ba harɛ nɔ ta nɛra nɛɛ tɔe, kɛ he te, Korowii jirima ɛɛ chaah he nɛɛ.

Aesaya 60:2 ပူးပေါင်းရင်းမြစ်များ

1 Koranar 8:11

Bam la nomanta, sɔfore la ta wone ɛ ba toma Korowii Dea bela, dɛ Korowii jirima su o bini bwa.

Yela 102:16

Wɛɛ berɔ ba kwaa ma bwɛjen Saayɔn ja, ásɛ dɛ forɛ le o jirima ne.

Yela 80:1

Israel Peteɡre, no ya wii. Henee tɔ Josef naanar sie kɛŋɔ peteɡre, dɛ so he kookara ta, Kerobim la baah ta.

Aesaya 2:5

Jekɔb naanar, hé ɡel yaa valɛ Korowii waa aa chaahna o kpɔ dɛɛ tɛ yaa la ta.

Aesaya 4:5

Korowii ɛɛ ɡeloo ninchuu ɛ kɛŋɔ baama, dɛ́ ba tɔ Saayɔn Bwejen ne nɛra baa lɔ o ta nɛ webaŋa, dɛ́ berɛ ɡel nii ɡe tɔ ba nɛɛ dɛɛ chaah ba jwaana á ɛ kɛŋɔ chunchule, dɛ́ tɔ bwɛɛ la jirima bwa ta,

Aesaya 58:10

dɛ tɛ nɛn waa chɔ lɔr kondikwa, dɛ tɛ nɛn waa dɛ na wahala o konnyini aa, ate, biro ɛɛ berɛ bochaahnee tɛ heya.

Aesaya 58:8

Anee dɛɛ ba ɡela n sie lɛ he nɛ, ásɛ he chaah kɛŋɔ wechɛn ken, ásɛ he weela bwa kaa warane, he wedɛɛɡa tɔ he sie, ásɛ n jirima tɔ he nɛ.

Aesaya 62:1

Mɛɛ bol waa dɛ do Saayɔn tena ɡbemba. Jerusalam nomanta, maa nyoa tɔ, ka tel kɛŋɔ maa pɔ he nɛra dɔma nɛ. Toɡra baa toɡra la ɛɛ ɡeloo ba dɔ silɛɛ kɛŋɔ, kapɛla aa dɛ hɔ jwaana ken.

Aesaya 66:11

Jerusalam ɛɛ dɛɛ heyaa hé dɔ o kondɔɔh la ane hé sie lɛ, kɛŋɔ haah elne yon bu o bie nɛɛ ó ɔr vaɡɛ la.

Aesaya 8:22

Ásɛ dɛ berɛ nyiŋi harɛ, baa komɛlbwaa na ka ja wahala ne ɡɛ bɔr aa bira kpirkpir dɛ do ɔma, ásɛ ba ɡbɔɡ ba ta biro tenten la ta.

Jeremia 13:16

Hé tɛ Korowii haa dɛ tomɔ nɔ jirima mɔɔ o ɡel bɔr bir, ásɛ he bɛ naa lɔ deŋɡarere dor. Hé dɛ nyin kɛ bɔr chaah he nɛ, kɛ wɛɛ berɔ ɡel bɔr chaahna la berɛ biro ta he nɛ, dɛ́ bir kpirkpir ken.

Ɛsekeɛl 10:4

Korowii jirima le Kerobim la ta, dɛ ba kaa Korowii Dea la doonyoa bela. Bam baa tɔ dembaah bela, asɛ Korowii jirima chaah bela bwa.

Lewi Dea Tena 9:23

Ate, Mosis ne Arɔn jo Korowii Dea Cheremibɔr la bini. Baa bera le buse la, ba soŋe andɛɛɡa tɛ nɛra la, asɛ Korowii jirima chaah nɛra la bwa nɛ.

Malakae 4:2

Kɛ he banɔ la haa dɛ duu mɛ la, kpeɡri maa kpɔ lɛ heyaa la ɛɛ ba he nɛɛ kɛŋɔ wechɛn yon le dɛɛ tɛ bokpeɡa la. Ásɛ he sie lɛ kɛŋɔ ba yon ya nae bii leɡ ta a sie lɛ aa jah la ken.

Nɛra Kura 16:19

Kora aa yerɛ o bala baa wara la bwa cheme Korowii Dea Cheremibɔr doonyoa bela la, Korowii jirima balɔ, nɛra baa cheme bela la bwa na.

Matiu 15:14

He bɛ ban dawɛ le! Ba ɛ nyoŋa baa dɛ tɔ nyoŋa sie. Nyoŋe lawɛ o dɔŋ nyoŋe daa aa, ba bwa dɛ le bɔɔ ta.”

Matiu 23:19

He nyoɡrɔ kwara! Kwaa baa kpoa tɛ Korowii la, ne kon baa kpo kwaa la dɛ ɡel kwaa la do ɔma la, a bini umee do ɔma ɡwaa o dɔŋ ɔ?

Matiu 23:24

Nyoŋa haa dɛ tɔ nɛra sie dɛɛ maŋkura wejeɡre ɡwaa anjena! He waa haa dɛ ɛ la do kɛŋɔ nɛn o yon nyiŋi o nenyɔɔle ta, dɛ́ won na pereware dɛ́ laa kpɔ ta, kɛ dɛ nyoɡma te lɔ a ta naa, waa o te na, dɛ yon kpɔ lile.

Amanesoma Jɔn Aa Chwera Tɔn 1:1

Wobɛlbwa mumpar Korowii aa wola nyundua ne harɛ tae mɔɔ la, dɛ Korowii Nyoa Wobol la lole. Dɛ o ne Korowiirii lole, asɛ o ne o bwa ɛ beŋkpoŋ.

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

Amanesoma Jɔn Aa Chwera Tɔn 1:18

Nomɛlbwa ta Korowii nae bwa. O Bibeŋkpoŋ waa pɛlo la, on ɡela nɛwɛnyini jemɔ.

Amanesoma Jɔn Aa Chwera Tɔn 8:55

Haa on jemɛ, kɛ n te jemɔ. Dɛ n ŋɔ maa on jemaa, dɛ n ɛ nyosonteŋni kɛ heya. N jemɔ asɛ dɛɛ no o deŋna wa.

We-ɛɛla 14:16

A saŋ la, dɛ Korowii ɡelɔ he nɛra haa wola Juu tena ɛɛ la ɛɛ ɛ he tetoowa.

We-ɛɛla 17:23

dɛkalkɛŋɔ maa dɛ ɡaaɡe he bwɛɛ nɔ ta dɛ na bɔra haa dɛ tomɛ la, n na kon haa dɛ ɛ saraha o ta, dɛ na kɛŋɔ baa chwerɛ bobɛl ŋɔ, ‘Ya dɛ tomɔ, kɛ yaa on jemɛ.’ Kon haa wola on jemɛ dɛ ɡee tomɔ la, o waa mɛɛ bol he be la. O sɔne Korowii.

We-ɛɛla 26:18

Hen dɛ́ ka pili ba sie, ásɛ ba le biro ta dɛ́ ba bochaah ta bela nii aa lole, dɛ́ le Bɔnsam nɔn ta dɛ́ ba Korowii be, ásɛ o kpɔ ba wechɔɡa kɛ ba, ásɛ ba ba ja nɛra baa yarada mɛ n sɔ ba doŋa bwa ta ba ɛ n bii la nɛ.’

2 Kɔrent 3:18

Anomanta, komɛlbwa ta ya te sie tɔe. Ya Dɔɔ Yeesu jirima chaah ya nɛ, dɛɛ beɡre yaa asɛ yaa do ɡɛ waa doa, jirima yaa dɔa la ɛɛ ja. Ya Dɔɔ Yeesu waa ɛ Domadɛɛɡe la bee a bwa le.

Kolosi 1:13

O lɛ yaa le biro ta dɛ kpɔ yaa ka ja o Bie waa dɛ nyinu la Kora ta.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.