18 Haa yoi ɡbɔɡaa no he harɛ ta kpa, wobɛlbwa aa chɔɡ he harɛ ta kpa bwa. Mɛɛ tɔe ɡbemɡbee kɛŋɔ danjwɛɛ ken dɛ́ lɛɛ, ásɛ he kpɛɛ mɛ, lɛɛ maa lɛɛ ta la wa.
Wɛɛ bol harɛre nɛra waa dɛ́ pa bole, dɛ́ kwaa ba baah. Baa beɡre ba kerii a ɛ para, dɛ́ beɡre ba lampeare ɡe ɡoori. Harɛre nɛra aa dɔŋaa yo, a ba ɛ kɛŋɔ baa hweli laa waa kpa.
Mɛɛ kpɔ suuɡaswɛmee chiɡ ayaawa naa ta, dɛ́ kpɔ suuɡapoŋ chiɡ buni naa ta, dɛ́ berɛ kpɔ ayaawa chiɡ daa naa ta, dɛ́ kpɔ buni chiɡ bwea naa ta tɛɛ. He koranar aa he nɛraa fiiɡi kpa. Mɛɛ ɡeloo baa nyiŋi he nɛɛ kasinteŋ ne deŋnesɔɔhna ne.
Jerusalam tena, hé le kaa, dɛ́ ka kwaa ŋwɛnɛ tɛ he nɛra baa bera dɛɛ ba la! Hé laa bwea aa lɔ ŋwɛnɛ la ta la pa, ó do wer! Hé kpɔ fraŋkaa pa ásɛ harɛ nɔ ta nɛra jemɛ.
Baa hen ‘Bwɛɛ baa ɡelo’, kɛɛ he harɛ ‘Dimɡbia’ yerɛ kpa. Sɔnfale baa dɛ ba he yera laanee ‘Hɛpseba’ dɛɛ yerɛ he harɛ ɡe ‘Biula’ dɛkalkɛŋɔ Korowii sie lɛ he nɛ, ásɛ o do kɛŋɔ jaa tɛ he harɛ.
Gɛɛ o maɡɛ baŋne anaarɛ la bwa. Danjwɛɛ baro, asɛ o jaŋne ɛ naɡale lafraanuanɛ fifraanue, o paɡri ɡe ɛ naɡale lafraanuanɛ fifraanue, dɛ pere bɔr waa do ɡoroŋ la le bɔr waa wola ɡoroŋ doe la ta.
Saŋ bɛl dɛ ba ń tɛr nɛra baa dɛ do heyaa hɔhɔrɔwa la deŋne. Mɛɛ lɛ banɔ la ba peri aa serewaa, dɛ́ berɛ ba banɔ baa laɡ ba kaa harɛfala ta la ne dem. Mɛɛ ɡeloo banɔ la ba fa aa di sihiih la berɛ dɔ duure, ásɛ harɛ nɔ ta nɛra bwa kpɛɛ ba.
Men Korowii ɡbabirii dɛ́ yoo ba, ásɛ n nɛra ba fa aa ɛɛ ba yoma la pa ba laala kɛ laa ta kwaa kaa.” Anɔ bwa chiɡaa, hɛɛ jemɔ kɛŋɔ Koranar Bwa Kooroo tomɛ men Sekaria.