Aesaya 60:11 - mzwDBL

¹¹ He doonyoone ɛɛ yao che saŋ bɛlbwa chɔɔ ne jwaana, aa wola tɔ kpa bwa, ásɛ harɛre koranar tɔ ba nɛra sie, dɛ́ kpɔ ba kondɔɔh jo he be.

Aesaya 60:11 ပူးပေါင်းရင်းမြစ်များ

Nehemia 13:19

Anomanta, n ŋɔ bɔr aa dɛ ba joe ásɛ Ona Tɔpere tel la, bá laa bwɛjen la doonyoo ɡbeni tɔɔɡe ka tel kɛŋɔ waa baa kaa. N kpɔ n tom-ɛɛra la bane so doonyoo la ta, ásɛ ba nyiŋi kɛrɛdɛ nomɛlbwa bɛ komɛlbwa kpɔ ba jo bwɛjen la ta Ona Tɔpere ta.

Yela 149:8

Bá vɔrɔwe ba koranar jɔɡrɔre ne, dɛ́ do kwaa ba nomonjena nakpale.

Aesaya 24:21

Awola tɔpere la, Korowii ɛɛ tɛr kwaa aa dɔ kpeɡri dɛ do nyundua, ne koranar baa dɔ kpeɡri harɛ nɔ ta deŋnee.

Aesaya 26:2

Hé ya bwɛjen la doonyoone, ásɛ harɛ o nɛra wa aa toɡra, ba waa dɔ kasinteŋ tɛ Korowii bá jo.

Aesaya 49:23

Koranar ɛɛ kpɔ heyaa berɛ ba bii, ásɛ ba haŋkoranar ɡe berɛ he nyare. Baa dɛɛ ɡuŋi heyaa harɛɛ, dɛ́ kpɔ duure tɛ he ya. Belaa hɛɛ ba jema kɛŋɔ menee Korowii. Nɛra baa kpɔ hwɛɡa dawɛ n nɛɛ la, sihiih aa ban kpo bwa.”

Aesaya 56:7

“Mɛɛ la he ne Saayɔn Bwejen waa do ɡoroŋ taa, dɛ́ tɛ heyaa silɛɛ n soŋebɔr bela. N siwi ɛɛ su kwaa baa fuah ɛ saraha dɛɛ tɛ mɛ n saraha kon ta laanee dɛ́ lɛa, dɛkalkɛŋɔ baa yerɛ n Dea Korowii soŋebɔree tɛ harɛre nɛra bwa.”

Aesaya 60:18

Haa yoi ɡbɔɡaa no he harɛ ta kpa, wobɛlbwa aa chɔɡ he harɛ ta kpa bwa. Mɛɛ tɔe ɡbemɡbee kɛŋɔ danjwɛɛ ken dɛ́ lɛɛ, ásɛ he kpɛɛ mɛ, lɛɛ maa lɛɛ ta la wa.

Aesaya 60:5

Hɛɛ na ɡɛɛ he hɛɡra ir, he tea ɡe too. Ba dɛ ba harɛre kondɔɔh ne dɛ́ ba tɛɛ. Mpo baŋ le kwaa bwa ɛɛ bao.

Aesaya 61:6

Baa yerɛ heyaa Korowii sɔforee, ne Korowii haa dɛ tomɔ la bonɔɔna. Harɛre nɛra kondɔɔh ɛɛ ɛ he kwaa, ásɛ he koh a waa dɛɛ ɛ mbarafo.

Aesaya 62:10

Jerusalam tena, hé le kaa, dɛ́ ka kwaa ŋwɛnɛ tɛ he nɛra baa bera dɛɛ ba la! Hé laa bwea aa lɔ ŋwɛnɛ la ta la pa, ó do wer! Hé kpɔ fraŋkaa pa ásɛ harɛ nɔ ta nɛra jemɛ.