Aesaya 60:1 - mzwDBL

¹ Jerusalam, ir dɛ́ chaah kɛŋɔ wee! Korowii jirima dɛ chaah he nɛ!

Aesaya 60:1 ပူးပေါင်းရင်းမြစ်များ

Yela 102:16

Wɛɛ berɔ ba kwaa ma bwɛjen Saayɔn ja, ásɛ dɛ forɛ le o jirima ne.

Yela 87:3

Bwɛjen Jerusalam, no ɡɛ waa bol he jirima haa dɔa wa.

Aesaya 2:5

Jekɔb naanar, hé ɡel yaa valɛ Korowii waa aa chaahna o kpɔ dɛɛ tɛ yaa la ta.

Aesaya 24:23

Dɛ Koranar Bwa Kooro baa di o kora Saayɔn Bwejen ta Jerusalam aa, o kora dii jirima ɛɛ ɡwaa korobie chaahna ne wee lɔe, ásɛ bwɛjen la nomonome na dɛ́ jemɛ ɡɛ waa kana.

Aesaya 28:5

Awola tɔpere la, Nemenɛ Korowiirii dɛ́ ɛ kooɡbɛrɛ waa wera dɛ dɔ jirima kohona tɛ o nɛra baa kaa la.

Aesaya 35:2

Aa feo kohona, silɛɛ ne moola ba bela kɛrɛdɛ. Aa do werii kɛŋɔ Lɛbanɔn bwejena, ásɛ harɛ la do wer ne para, kɛŋɔ Kaamɛl ne Sarɔn harɛre ken. Anɔɔ dɛ́ baɡle ɡɛ Korowii yaa dɛ tomɔ we-ɛɛla aa wera, dɛ dɔ jirima kohona, o kpeɡri ɡe do kan.

Aesaya 4:5

Korowii ɛɛ ɡeloo ninchuu ɛ kɛŋɔ baama, dɛ́ ba tɔ Saayɔn Bwejen ne nɛra baa lɔ o ta nɛ webaŋa, dɛ́ berɛ ɡel nii ɡe tɔ ba nɛɛ dɛɛ chaah ba jwaana á ɛ kɛŋɔ chunchule, dɛ́ tɔ bwɛɛ la jirima bwa ta,

Aesaya 42:6

“Men Korowiirii yerɛ, dɛ tɛɛ kpeɡri ŋɔ hɛɛ ɛ waa aa toɡra harɛ nɔ ta. He nɛɛ aa ba cheɡa ásɛ n ne nɛwɛnyina bwa fɔwɛ fɔo, dɛ́ do kɛŋɔ kandea dɛ́ tɛ harɛre nɛra.

Aesaya 58:8

Anee dɛɛ ba ɡela n sie lɛ he nɛ, ásɛ he chaah kɛŋɔ wechɛn ken, ásɛ he weela bwa kaa warane, he wedɛɛɡa tɔ he sie, ásɛ n jirima tɔ he nɛ.

Aesaya 62:1

Mɛɛ bol waa dɛ do Saayɔn tena ɡbemba. Jerusalam nomanta, maa nyoa tɔ, ka tel kɛŋɔ maa pɔ he nɛra dɔma nɛ. Toɡra baa toɡra la ɛɛ ɡeloo ba dɔ silɛɛ kɛŋɔ, kapɛla aa dɛ hɔ jwaana ken.

Aesaya 62:2

Harɛre nɛra bwa ɛɛ na Jerusalam ne o nɛra toɡra baa toɡra, ba koranar bwa ɡe na he jirima. Korowii ɡbabir ɛɛ tɛɛ sɔnfalee.

Aesaya 66:11

Jerusalam ɛɛ dɛɛ heyaa hé dɔ o kondɔɔh la ane hé sie lɛ, kɛŋɔ haah elne yon bu o bie nɛɛ ó ɔr vaɡɛ la.

Aesaya 9:2

Nɛra ba fa aa do kɛŋɔ nɛra baa soɡe biro ta, berɔ na nii bɛl o chaah tɛ ba bwa. Gɛ nɛra nɔ ba wechɔɡa aa ɡela ba do seo lɔɡa, kɛ nɛra baa soɡe biro ta la, ba na nii bɛl o chaah kohona tɛ ba bwa.

Ɛsekeɛl 43:4

Korowii jirima la cheɡɛ wee leebɔr doonyoa la ta, dɛ ba su o Dea la bini.

Malakae 4:2

Kɛ he banɔ la haa dɛ duu mɛ la, kpeɡri maa kpɔ lɛ heyaa la ɛɛ ba he nɛɛ kɛŋɔ wechɛn yon le dɛɛ tɛ bokpeɡa la. Ásɛ he sie lɛ kɛŋɔ ba yon ya nae bii leɡ ta a sie lɛ aa jah la ken.

Matiu 4:16

Nɛra ba fa aa do kɛŋɔ nɛra baa soɡe biro ta, berɔ na nii bɛl o chaah tɛ ba bwa. Gɛ nɛra nɔ ba wechɔɡa aa ɡela ba do seo lɔɡa, kɛ nɛra baa soɡe biro ta la, ba na nii bɛl o chaah kohona tɛ ba bwa.”

Matiu 5:16

Gɛɛ chɛ kɛŋɔ hé chaah tɛ nɛra, ásɛ ba na he wedɛɛɡa ɛɛ, dɛ́ duu he Mɛɛ waa lɔ nyundua la.”

Amanesoma Luk Aa Chwera Tɔn 2:32

On dɛɛ ba he waa kpɔe dɛ́ baɡle nɛra baa wola Juu tena ɛɛ, ásɛ he nɛra Israel tena dɔ jirima la.”

Amanesoma Jɔn Aa Chwera Tɔn 1:9

Korowii Nyoa Wobol laanee nii kasinteŋ waa dɛ ba harɛ nɔ ta dɛ́ ba pili nɛwɛnyini sie la.

Amanesoma Jɔn Aa Chwera Tɔn 12:46

N ba harɛ nɔ ta kɛŋɔ kandea dɛ baa chaah nɛra bwa, ásɛ nomɛlbwa waa yarada mɛ la bɛ biro ta do kpa.

Amanesoma Jɔn Aa Chwera Tɔn 3:19

Ba bolchɔɡe pae munii kɛŋɔ nii waa dɛ chaah bɔr la ba harɛ nɔ ta, kɛ nɛwɛnyini berɔ dɛɛ nyin biro ɡwaa nii la, dɛkalkɛŋɔ ba wobɛlbwa ɛ wechɔɡa.

Amanesoma Jɔn Aa Chwera Tɔn 8:12

Yeesu bol waa baɡle Farisii tena la ja, dɛ ŋɔ, “N ɛ kandea dɛɛ chaah harɛ nɔ ta nɛra. Nomɛlbwa waa dɛ teŋɛ n nɛɛ la aa biro taa valɛ bwa, wɛɛ valɛ bochaah taa dɛ́ dɔ mkpa.”

Ɛfesos 5:14

Kon la bwa bɔr aa chaah o ta la, o ɡbaɡba dɛ baɡle o te. A waa ba yon ŋɔ, “He banɔ la haa sewa chɔ la, hé ir, ásɛ Kristo chaah he nɛɛ” la.

Ɛfesos 5:8

He waa bwa fa ɛ biro bini wa, kɛ ya Dɔɔ Yeesu nomanta, he ɛ bochaah ta nɛra. Anomanta, hé ɡel he soɡa bini wobɛlbwa do kɛŋɔ bochaah ta nɛra.

Felepae 2:15

dɛkalkɛŋɔ a wer kɛŋɔ he ɛ Korowii bii nomɛlbwa aa wola he wechɔɡa dɔe dɛ bol, he tea to, he do kaih. Fini nɛra baa ɛ wechɔɡ-ɛɛra kɛrɛdɛ baa wola ŋwɛnɛ la ta kpɔ baahnee he do. Gɛ weweela aa dɛ chaah jwaana biro ta la, ɡɛɛ chɛ kɛ he do ba baah dɛɛ chaah.

1 Pita 4:14

Dɛ ba koh he teŋa haa teŋɛ Yeesu Kristo nɛɛ la waa dɛɛ chɛɡre heya aa, he na som. A ba ɡɛ naa, a dɛ baɡle kɛŋɔ Korowii Domadɛɛɡe o wa aa dɔ jirima la soɡe he nɛ.

Wepila 21:11

Dɛ Korowii jirima ɡelɔ o bwa ɛɛ nyɛɡle kɛŋɔ bwedɛɛɡe baa dɛ yerɔ jasepa o do wer kohona dɛ do ɡereŋ la.

Wepila 21:23

A ta hiaih kɛŋɔ wee ne korobie chaah bela. Korowii jirima dɛ chaah bela, asɛ Pebie la ɡe ɛ kandea bela.

Wepila 22:5

Bɔr aa belaa dɛɛ jo, baa kandea ne weeree hiah, dɛkalkɛ N Naa Korowii ɛɛ dɛɛ chaah ba nɛɛ, ásɛ baa di koraa saŋ te bɛlbwa.