Aesaya 6:10 - mzwDBL

¹⁰ Korowii berɔ ŋɔ n be ŋɔ, “Ka ɡel nɛra nɔ bambile do kpeɡri, tɔɔɡe ba deŋna, dɛ tɔɔɡe ba sibie ɡe. A waa laa aa, ba sie fe ɛɛ nao, ásɛ ba deŋna no, ba bambile lawa, bá berɛ ba n be ń lɛɛ ba.”

Aesaya 6:10 ပူးပေါင်းရင်းမြစ်များ

Yela 119:70

Ba nyu bini kpeɡri, ba tea aa nɛn nɛɛ domɛ, kɛ he Mmarare la taa mɛɛ dɔ silɛɛ.

Yela 17:10

Baa nɛn sum na, mbarafo wobolee baa bol.

Yela 69:23

Gel ba nyoŋe, ásɛ dɛɛ na wahala saŋ bɛlbwa.

Kaala 10:27

Korowii ɡelɔ Ijipt kooro deŋne ta do kpeɡri, o ta ɡelɛ ba kaa.

Kaala 11:10

Mosis ne Arɔn ɛ nyokpowe-ɛɛla nɔ bwa kooro sie. Korowii ɡelɔ o deŋne ta do kpeɡri o ta ɡelɛ Israel tena la le o harɛ ta kaa.

Kaala 14:17

Mɛɛ ɡeloo Ijipt tena deŋne do kpeɡri, ásɛ ba ti heya. Belaa mɛɛ ba n jirima dɔe dɛ́ le Ijipt kooro ne o laa tena ne kwaa aa do kɛ torɔɡore, dɛ nɛra baa dɛ so jaɡre ta la bwa nɛ.

Kaala 7:3

Kɛ mɛɛ ɡeloo kooro la deŋne do kpeɡri dɛ bɛ he be no, ásɛ dɛ n ɛ nyokpowaa kohona harɛ la ta kwaraa naa, waa he bee no.

Sɛɡla 16:30

Nɛn waa laa sie dɛɛ kpɔ waa ta la dɛ lii wechɔɡa, o dɛ tɔ nyoa nyiŋi wechɔɡa chiɡ.

Wejereme 3:3

kpoe dɔ o tɔpere, chaeh ɡe tɔpere do le, danjwɛɛ taɡa dɛ́ ɡo saŋ lole, o kwaara dɛ́ ma ɡe saŋ do le.

Aesaya 19:22

Korowii ɛɛ tɛr Ijipt tena deŋnee mɔɔ dɛ lɛɛ ba. Baa ba o bee ásɛ o no ba wesoŋa dɛ́ chaah ba.

Aesaya 28:13

Baa wobɛlbwa Korowii aa dɛ bol ba be mun no. Ba bol waa la sie, dɛ ba bolɔ ba habɔɔ tɔpere bɛlbwa, asɛ ba le habɔɔ dɛ ka choɡli, dɛ foɡri, dɛ jo bel ta ba laɡ ba.

Aesaya 29:10

Korowii kpɔ dom ta he nɛ, hɛɛ ba dom chɔe ka ɡarɛ, dɛ tɔɔɡe keamere la sibie, dɛ wili nɛra baa dɛ na waa bini la.

Aesaya 29:14

Anomanta, mɛɛ ba nyokpowaa nee ba ta ba nɛɛ ja, ba bwara yɔr. Aa ɡeloo wejerema ɡɛn, ásɛ nɛra baa jemɛ waa bini waa ɛ pɛɛpɛɛ.”

Aesaya 29:9

Jerusalam tena nyoa ta kpoe yaa? He bwara ta yɔraa? He mwaalo ne, a ɡel he nyoŋe, he ta sen nyɔe kɛ dɛ ɡe dɛɛ, he dɛ yɛɛɡe, kɛ he ta seŋkpeɡa nyɔe.

Aesaya 44:18

Nɛra baa dɛ tomɛ voɡa la ɡɛnɔ kohona, baa wobɛlbwa ɡe mun no. Ba sibie tɔɔɡɔ, baa na, ba ta liire ɡe dɔe dɛ́ no waa mun.

Aesaya 63:17

N Naa Korowii, ɛrɛɛ he ɡel ya kpaŋe ya laa sie kpɔ he ŋwɛnɛre ta nɔɔ? Ɛrɛɛ he ɡel ya ɛ deŋnekpeɡ, dɛ berɛ habɔɔ kpoe nɔɔ? Koh banɔ la baa dɛ tomɛ ne banɔ la baa ɛ he nɛra la waa dɛ́ ba ya be.

Jeremia 17:9

Umee dɛ́ won jemɛ nɛwɛnyini bambile bini waɔ? Wobɛlbwa toole o bini ka ja neɡra ɡbo, nomɛlbwa aa wola won kwaaro.

Jeremia 5:21

‘Hé cheɡ deŋne, ɡɛna haa wola liire bɛlbwa dɔe. He dɔ sibie kɛ haa na, he dɔ deŋna kɛ haa waa no.

Jeremia 6:10

Anee men Jeremia chaŋe ŋɔ, “N ŋɔ n bol wa dɛ́ kah ba aa, umee dɛ́ no n be nɔ? Ba ɛ deŋnekpeɡ tena dɛ vɛh he waa noe. Ba dɛ mamɛ waa haa ŋɔa n bol la.

Wiile 3:65

Bɛ ɡel ba dɔ hwɛɡa bɛlbwa, ásɛ he nyotaahna do ba nɛ.

Sekaria 11:15

Ate, Korowii ŋɔ n be ŋɔ, “Berɛ ɛ ɡɛ peteɡre ɡɛne aa dɛ ɛ o toma ja.

Sekaria 7:11

Kɛ n nɛra ɛ deŋnekpeɡ dɛ vɛh noe, dɛ berɛ habɔɔ kpo mɛ, dɛ kuuɡi kwaa tɔ deŋne.

Matiu 13:15

dɛkalkɛ ba bambile kpeɡri, ba kpɔ nɔɔra tɔɔɡe deŋna, dɛ tɔɔɡe ba sibie ɡe. A waa laa aa, ba sie fe ɛɛ nao, ásɛ ba deŋna no, ásɛ ba jemɛ a mun, dɛ́ charɛ ba liire, ásɛ n lɛɛ ba.’

Amanesoma Jɔn Aa Chwera Tɔn 12:40

“Korowii tɔɔɡe ba sie, dɛ ɡel ba bambile do kpeɡri, ɡɛ aa ɛ ba sibie bɛ na, ásɛ ba liiree bini bɛ chaah ba no a mun, á ba ɛ kɛ baa charɛ ba liire dɛ́ ba o be ó chaah ba.”

We-ɛɛla 28:27

Dɛkalkɛŋɔ nɛra nɔ bambile kpeɡri, ba kpɔ nɔɔra tɔɔɡe deŋna, dɛ tɔɔɡe ba sibie ɡe. A waa laa aa, ba sie fe ɛɛ nao, ásɛ ba deŋna no, ásɛ ba jemɛ a mun, dɛ́ charɛ ba liire ásɛ n lɛɛ ba.” ’ ”

We-ɛɛla 3:19

Anomanta, hé charɛ he liire le he wechɔɡa ta dɛ́ kpɔ he te tɛ Korowii ásɛ o kpɔ he wechɔɡa kɛ heya, dɛɛ tɛ heyaa bambisɔɔhna, dɛɛ do heyaa ɡbemba.

2 Kɔrent 2:16

Banɔ la baa dɛ nyoɡre la ɛɛ no sɔɔh laanee dɛ́ serewe, ásɛ banɔ la Korowii aa dɛ lɛɛ ba la ɡe no dɛ́ dɔ mkpa. Umee dɛ won ɛ ɡɛ toma nɔɔ?

Mmarare 2:30

Kooro Sihon ta yaa ŋwɛnɛ tɛɛ ya kpɔ o harɛ ta dɛ kaa. Dɛ Korowii ɡelɔ o deŋne do kpeɡri wɛɛ lɛ ɡaeh, ɡɛ aa ɛ ásɛ ya won pɔ o nɛɛ dɛ́ lɛ harɛ haa lɔ o ta fini nɔ.

Mmarare 29:3

He na wekpeɡa ne waa aa chiɡa ne nyokpowaa Korowii aa ɛa kohona.

Mmarare 29:4

Kɛ kpoŋe ba le fini Korowii saa he liire, dɛ tɛ heyaa sibie aa wola kasinteŋ laanee na, ne deŋna aa wola kasinteŋ laanee no.

Mmarare 31:20

Dɛ ŋɔ, Mɛɛ kpɔ baa kaa harɛpare ondɛɛɡe maa baɡɛ ba naawa o waa la ta. Baa dɔ kondikwaa bɛlbwa baa dɛ nyinii dɛ́ di ba bwara sɔɔh ba. Kɛ ane a bwa, baa ka le n habɔɔ, dɛ́ ka tomɛ voɡa. Baa vɛɛh mɛɛ dɛ́ chɔɡ fɔo n ne baa fɔwa la.

Mmarare 32:15

Israel tena, he kpeɡo dɛ je, kɛ dɛ berɛ ɛ deŋnekpeɡ tena. He bare, dɛ do tɔɡre he bwara do wer. He berɛ habɔɔ kpo Korowii waa ta heya, dɛ vɛh he Lɛɛ waa do kɛ Bwetal dɛɛ tɛ heyaa mkpa la.