Aesaya 59:21 - mzwDBL

²¹ Fɔo n ne haa fɔwɛ laanee kɛŋɔ, ń tɛ he ne he bii ne he naanar n Doma ne n webaɡla, á chɔ le tɛ heyaa saŋ bɛlbwa.”

Aesaya 59:21 ပူးပေါင်းရင်းမြစ်များ

Hibru 10:16

“N Naa Korowii bolɔ ŋɔ, ‘Fɔo n ne baa fɔwɛ tɔpera aa lɔ sie la ta laanee nɔ. Mɛɛ kpɔ me Mmaraa do ba bambile bini, dɛ́ chwerɔ do ba nyuune bini.’ ”

Aesaya 51:16

Menee kpɔ n waa tɛ heya, dɛ kpɔ n nɔn tɔ he nɛ. Menee paɡri nyundua kɛŋɔ yal, dɛ pa harɛ mun. Menee ŋɔ Jerusalam tena be ŋɔ, ‘N nɛraa heya.’ ”

Aesaya 44:3

Mɛɛ ɡeloo nee chɔ harɛ waa hola ta, ásɛ nenabɔɔne chɔ dɛɛ palɛ. Mɛɛ ɡeloo n Doma ba so he bii nɛ, dɛ́ swee andɛɛɡa tɛ he naanar.

Amanesoma Jɔn Aa Chwera Tɔn 4:14

Kɛ nomɛlbwa waa nyɔ nee maa dɛ tɛo la te, nyɔɡre aa on kpo bwa. Nee maa tɛo la ɛɛ ɛo kɛŋɔ bule aa lɔ naate bini dɛɛ bule nee aa dɛ tɛ mkpa aa wola jaɡa dɔe bwa.”

Aesaya 55:3

Hé cheɡ deŋne, dɛ́ ba n be, hé no n be, ásɛ dɛ dɔ mkpa. N ne hɛɛ fɔwɛ fɔwee o do le saŋ bɛlbwa dɛɛ la, ɡɛ maa baɡɛ Devid nyoa ŋɔ, mɛɛ dɛɛ nyin o waa kasinteŋ nee la.

Tɔn Pɔɔl Aa Chwerɛ Rom Tena 8:9

He te la, he ta he nɛwɛnyini mar nɔ wechɔɡa aa suu nɔ som kpɔe ɡwaa wobɛlbwa. Dɛ Korowii Domadɛɛɡe lɔ he nɛ aa, ɡɛ waa dɛ baɡle heyaa laanee hɛɛ ba dɛɛ ɛɛ. Nomɛlbwa waa wola Domadɛɛɡe Yeesu Kristo aa dɛ tɛ la dɔe la, dɛ Yeesu nɛn laa on.

Amanesoma Jɔn Aa Chwera Tɔn 3:34

Nɛn Korowii aa tomɔ la, Korowii wobolee wɛɛ bol, dɛkalkɛ Korowii tɛo o Domadɛɛɡe la tɛɛ tenten.

Amanesoma Jɔn Aa Chwera Tɔn 7:39

Nee nɔ waa bol o waa nɔ, Korowii Domadɛɛɡe la waa ba kpɔ do nɛra baa yaradao la nɛɛ la waa o bol la. Gɛ saŋ la dɛ Korowii Domadɛɛɡe la ta balɛ mɔɔ, dɛkalkɛ dɛ Yeesu ta o jirima dɔe mɔɔ.

Aesaya 49:8

Korowii ŋɔ, “Dɛ saŋ telo kɛŋɔ ń lɛ heya aa, mɛɛ na he sumii dɛ́ cha heya. Mɛɛ nyiŋi heyaa, dɛ́ ɡel he ne nɛra bwa fɔwɛ fɔo. Mɛɛ ɡeloo he ka so he harɛ waa chɔɡa dɛ chɔ pɛɛpɛɛ la ta ja.

2 Kɔrent 3:8

dɛ ɛrɛɛ Korowii Domadɛɛɡe la wa ɛɛ ba doe yɔ? Aa ɡɛɛ ɡwaa la aa?

Amanesoma Jɔn Aa Chwera Tɔn 1:33

N te fe aa jemɛ kɛ onee, kɛ Korowii waa lee mɛ ŋɔ ń ba kpɔ nee dɛɛ sɔ nɛra Korowii nee laanee ɡela n jemɔ. O ŋɔ n be ŋɔ, ‘Hɛɛ na n Doma laanee o ba so naate nɛ. On dɛɛ ba n Domadɛɛɡe kpɔe dɛ sɔ nɛra la.’

Amanesoma Jɔn Aa Chwera Tɔn 17:8

N bol waa haa baɡ mɛ la baɡ ba, asɛ ba sɛh a ta. Ba jemɔ kɛrɛdɛ kɛŋɔ he bee n le ba, dɛ yarada kɛ henee tom mɛ.

Amanesoma Jɔn Aa Chwera Tɔn 8:38

Waa n Mɛɛ aa baɡ mɛɛ mɛɛ bol he be la, asɛ he ɡe ɛɛ ɛ anɔ la he mɛɛ aa bola he no.”

Tɔn Pɔɔl Aa Chwerɛ Rom Tena 11:27

Fɔo n ne báa fɔwɛ laanee kɛŋɔ mɛɛ lee baa ba wechɔɡa taa.”

Kaala 4:15

Bol ɡɛ bwa haa dɛ nyin bola bwa do o nyoa. Mɛɛ cha heyaa he bol wa, dɛ́ baɡle heya ɡɛ bwa haa ɛ.

Aesaya 32:15

Gɛɛ aa ba doe dɛ ka tel kɛŋɔ, Korowii Doma aa ba so ya nɛɛ mɔɔ pua hɛŋle ɡbo harɛ la berɛ harɛpare ondɛɛɡe, o ta kwaa do wer, ásɛ o berɛ do kɛŋɔ kɔr ken.

Aesaya 40:8

Kpɔɡa dɛ sewɛ, a fee ɡe ɛɛ chure, kɛ Korowii yaa dɛ tomɔ la te waa lole saŋ bɛlbwa dɛɛ la.”

Aesaya 42:1

Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Aesaya 54:10

Hale bwejena jiɡro le a buɡ ta, asɛ deŋɡarere chuɡri aa, n nyina aa wola jaɡa dɔe la te ɛɛ do lee, n ne he deŋnesɔɔhna fɔo la ɡe aa jaɡa dɔe ba bwa. Men Korowii maa dɔ tedoma tɛɛ laanee bola.

Aesaya 55:11

Gɛɛ waa aa le n nyoa ɛɛ ba ɛɛ. Maa bol á berɛ ba n be pɛɛpɛɛ, nemenɛ waa maa dɛ nyin la bwa aa ɛa ka tonɛ.

Aesaya 57:19

ásɛ Israel tena wii berɛ kpɛɛra. Banɔ la baa lɔ bojaŋa ne sie bonɔ la, mɛɛ tɛɛ baa deŋnesɔɔhna tentenee, mɛɛ chaah baa. Men Korowiirii bola.

Yela 119:43

Gel n won kasinteŋ bola saŋ bɛlbwa, dɛkalkɛŋɔ n hwɛɡa bwa lɔ he waa la ta.

Sɛɡla 7:3

Kpɔa do kɛŋɔ noniseɡ, dɛ́ ɡel a do he bambile bini.

Aesaya 66:22

Korowii ŋɔ, “Gɛ harɛfale la ne nyundufale maa dɛ́ ba tae a che n kpeɡri ta dɛ́ che kiŋkiŋ la, ɡɛɛ he ne he naanar sɔna ɛɛ ba cheɡa.

Jeremia 1:9

Belaa Korowii tɛr nɔn leɡe n nyoa dɛ ŋɔ n be ŋɔ, “Taraken n kpɔ n waa dɛɛ do he nyoa, hé ka bol.