Aesaya 59:17 - mzwDBL

¹⁷ O kpɔ waa aa toɡra ɛ laa batakaare, dɛ kpɔ lɛɛ waa lɛ heyaa la ɛ buni ɡbɛrɛ pi. Dɛ ta tea kohona kpɔ deŋnetɛra waa kpɔa dɛɛ ba ba bɔ nɛra kem la berɛ yal, dɛ kpɔ tɔ.

Aesaya 59:17 ပူးပေါင်းရင်းမြစ်များ

Ɛfesos 6:17

dɛ́ berɛ kpɔ lɛɛ Korowii aa lɛ heyaa la ɛ buni ɡbɛrɛ dɛ́ kpɔ pi, dɛ́ kpɔ o waa la aa ɛ o Domadɛɛɡe tokobii la kpoŋe.

Ɛfesos 6:14

Kenii hɛɛ ba ɛɛ dɛ won che. Hé kpɔ kasinteŋ ɛ kiriso, dɛ́ kpɔ waa aa toɡra ɛ laa batakaare,

1 Tesalonika 5:8

Ya te yaa ɛ bochaah ta nɛra nɔ, hé ɡel ya sie chɔ harɛ, ásɛ dɛ kpɔ yarada ne nɛnnyin ɛ ya laa batakaare kɛŋɔ baa do laa batakaare dɛɛ yo laa la, dɛ́ berɛ kpɔ hwɛɡa yaa dɔa ya Dɔɔ Yeesu be kɛŋɔ wɛɛ lɛ yaa la ɛ buni ɡbɛrɛ dɛ́ kpɔ pi.

Aesaya 11:5

Waa aa toɡra ne kasinteŋii wɛɛ ba kpɔe ɛ kiriso, dɛ́ kpɔ vɔwɛ o chara.

Hibru 10:30

Naate waa ŋɔa ŋɔ, “Menee dɔ wechɔɡa kem bɔe, menee dɛ́ bɔ nɛra ba wechɔɡa kem” la, ya jemɛ o nɛnsoo. Dɛ berɛ ŋɔ, “N Naa Korowii ɛɛ bol o nɛra waa dɛ́ pa bole.”

Amanesoma Jɔn Aa Chwera Tɔn 2:17

Bela la, o habɔteŋra la liiro kɛŋɔ ba chwerɛ Korowii Tɔn bini bobɛl kɛŋɔ, “Korowii Dea waa swɛɛ n siwi taeh” la.

Aesaya 51:9

N Naa Korowii, ir nyu ne dɛ́ cha yaa! Kpɔ he kpeɡri la ba lɛ yaa ɡɛ haa ɛa saŋ la! He laa chɛwɛ mpo bini oljen Rahab la aa?

Wepila 19:11

Asɛ n na kɛŋɔ nyundua aa pila, jaaɡɔpoŋ bɛl le. Nɛn waa soɡe o ta la, ba dɛ yerɔ Kasinteŋ Te, o waa do Goroŋ. O dɛ bol nɛra waa kasinteŋ ne, dɛɛ yo laa aŋwɛnɛ ta.

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Job Tɔn 29:14

Toɡra n wa aa toɡra do kɛŋɔ maa tɔ yal, kasinteŋ bola ɡe do kɛŋɔ maa do batakaare dɛ kpɔ yal vɔwɛ nyu.

2 Kɔrent 6:7

ne kasinteŋ bola ta, ne Korowii kpeɡri waa kpɔa cha yaa ta, dɛɛ baɡle kɛ Korowii bonɔɔnaa yan. Waa aa dɛ su Korowii siwi laanee ya dɔmkwa. A nee yaa yo diɡ ne ɡal ne, a nee yaa tɔ ya te ɡbemɡbe.

Yela 69:9

He Dea la waa swɛɛ n siwi taeh, chɛɡa baa dɛ chɛɡre bwa ɡe dawɛ n nɛ.

2 Tesalonika 1:8

O balaa, wɛɛ bol nɛra baa wola Korowii jemɛ, baa wola Amanesoma aa dɛ baɡle ya Dɔɔ Yeesu waa noɛ la waa, dɛ́ bɔ ba a kem,

Sekaria 1:14

Ate, Korowii nyundua torome la waa bol waa n be la ŋɔ ń ka bol Koranar Bwa Kooro waa waa ŋɔa ŋɔ, ‘N dɛ nyin Jerusalam n bwɛjen waa do ɡoroŋ la waa taeh,

Aesaya 63:15

N Naa Korowii, ba sie ne harɛ le nyundua boɡoroŋ bela haa soɡa ne jirima haa dɔa dɛ́ nyiŋi yaa. Leperaa nyina he fa aa dɛ nyin ya waa la dɔɔ? Leperaa he kpeɡri la dɔɔ? He nyina ne he tedoma la sɛ? Bɛ yaa ta.

Aesaya 63:3

Korowii ŋɔ, “N tiɡri harɛre nɛra nɛɛ kɛŋɔ, baa tiɡri ɡrepo nɔna ta ken, nomɛlbwa ta men ba chae. Bandia nee n tiɡri ba nɛ, asɛ ba chal ɛ n yal bwa la.

Yela 94:1

N Naa Korowii, henee dɛɛ tɛr nɛra deŋne, ɡel ba na he bandia.

Aesaya 26:11

N Naa Korowii, he dɔma aa jemɛ kɛŋɔ he dɛ ba ba deŋne tɛra. Gel ba na ɡɛ haa dɛ nyin he nɛra, ásɛ sihiih kpo ba. Kpɔ deŋnetɛra haa maɡla bil ba la chɔɡ ba.

Aesaya 37:32

Bane ɛɛ kao dɛ́ do Jerusalam Saayɔn Bwejen ta. Nemenɛ Korowii ɛɛ do siee, dɛ́ ɛ anɔ bwa.”

Aesaya 42:13

Korowii ɛɛ leo kɛŋɔ banyoo o siwi aa swɛɛra, o kpɔ takpeɡ kɔɡre dɛɛ yerɛ laa tena, dɛɛ yo o dɔma kpeɡri nɛ.

Aesaya 63:2

“Bɔkwaa ɡela he yal nɔ swɛɛ kɛŋɔ nɛn waa tiɡri ɡrepo nɔna ta nɔɔ?”

Ɛsekeɛl 5:13

N sie aa beɡre ń ba tɛr he deŋne n bandia kohona ne tonɛ n baah sɔɔh mɛ la, hɛɛ jemɔ kɛŋɔ men Korowiirii bola a ɛ ɡɛ.