Aesaya 59:12 - mzwDBL

¹² N Naa Korowii, ya wechɔɡa kan kohona he sie, ya wechɔɡa ɡba di danseɛ. Ya jemɛ ya wechɔɡa bwa.

Aesaya 59:12 ပူးပေါင်းရင်းမြစ်များ

Ɛsra 9:6

dɛ soŋo ŋɔ, “N Naa Korowii maa dɛ tomɛ, sihiih dɛ kpo mɛ n di ncho ɡe kohona, kɛ maa ɡɔɔ nyu dɛɛ nyiŋi he siwi ta nɔ, dɛkalkɛ ya wechɔɡa ɡwaa ya nɛ, hale dɛɛ tel he be nyundua.

Hosia 5:5

Israel tena mbarafo ɛ danseɛ kɛ ba di bolchɔɡe. Ba wechɔɡa ɡelɔ ba lɔ naa dɛ chole, Juda tena ɡe ja ba nɛɛ lɔ naa dɛ chole.

Hosia 4:2

Taahna wobol ɡboo lɔ he nyoo, he dɛ teŋe nyosone, dɛɛ kpoo dɔŋa, dɛɛ ŋwɛ, dɛɛ chɔɡ yal, dɛɛ ɛ anɔ la aa wola were bwa dɛɛ ja. Nɛŋkpoa ɡboo harɛ nɔ ta bwa.

Ɛsekeɛl 5:6

Jerusalam tena ɛ deŋnekpeɡ dɛ vɛh me Mmarare ne n waa maa kpɔa tɛɛ ba la ta teŋa. Ba deŋnekpeɡ berɔ ɡwaa harɛre aa bar ba cheme nɛra la kwara.

Jeremia 14:7

N nɛra wio dɛɛ noo mɛ dɛ ŋɔ, ‘N Naa Korowii, a lole kɛŋɔ ya wechɔɡa ɡelɔ ya di bolchɔɡe, koh he sɔndɛɛɡe la wa dɛ́ cha yaa. Dɛkalkɛ ya ɛ wechɔɡa dɛ jo he nɛ, dɛ berɛ habɔɔ kpoe kohona.

Aesaya 1:4

Wechɔɡ-ɛɛra ɡbo harɛ, nɛra ba wechɔɡa aa ɡwaa ba nɛ, wechɔɡ-ɛɛra naanar ɡboɡbo, he vɛh Korowii, dɛ berɛ habɔɔ kpoo. He dɛ nyiŋi Israel tena Nɛŋɡoroŋ la nyubaah.

Hosia 7:10

Israel tena mbarafo dɛ di danseɛ ba wechɔɡa wa, kɛ anɔ bwa habɔɔ, baa berɛ dɛɛ ba men Korowii baa dɛ tom mɛ la be, kɛɛ dɛ́ nyin n bɔr.

Ɛsekeɛl 7:23

Hé nyin jɔɡrɔre cheɡ, nɛŋkpoa ɡboo harɛ la bwa, yoi ɡboo bwɛjen la bwa.

Jeremia 3:2

Hé ha sie dɛ́ nyiŋi deŋɡarere dor! Bobɛl lole haa wola jwamane ka bɔe yaa? He yon so ŋwɛnɛ nyoa dɛɛ kpa baala kɛŋɔ nɛra baa soɡe pua hɛŋle ɡbo harɛ ta, dɛɛ ɡaaɡe ken. He cheɡɛ nyubinikpeɡ ne jwamane ta, dɛ kpɔ doŋa kah harɛ la.

Aesaya 3:9

Ba siebɔra ɡba dɛ baɡle ba nɛnsoo. Ba dɛ ɛ wechɔɡa kpelelee kɛŋɔ Sodom tena, baa an sɔh. Bá bwɛɛlɛ! Ba ɡbaɡbaa nyin ba wahala dɛ dɔ.

Nehemia 9:33

He waa toɡrɔ dɛ dɔ kasinteŋ kɛŋɔ he tɛr ya deŋne, a lole kɛŋɔ ya ɛ wechɔɡa.

Ɛsra 9:13

Waa aa pu yaa nɔ bwa le ya wechɔɡa aa ɡela ya di bolchɔɡe la. Kɛ ane a bwa, N Naa Korowii yaa dɛ tomɛ, tamaa kenii he tɛr ya deŋne. He ta ɡelɛ a ɡwaa ya nɛ, dɛ ɡel ya bini bane dɔ ya nyuune dɛ ta so le.

Nɛra Kura 32:23

Dɛ he vɛoh he ta ɡɛ ɛɛ yaa, dɛ he ɛ wechɔɡa dɛ jo Korowii nɛ, aa ɡure he nyu taa.

Yela 51:3

dɛkalkɛ n jemɔ kɛ n ɛ wechɔɡa, a chɔ n sie saŋ bɛlbwa.

Aesaya 58:1

Korowii ŋɔ, “Kpɔ takpeɡ bol wa, bɛ hel! Gel he taa le kohona kɛŋɔ bɛla! Ŋɔ n nɛra Israel tena be ba deŋnekpeɡ ne ba wechɔɡa baa ɛɛ mɛ la wa.

Habakuk 1:4

Mmara bɛlbwa toole dɛɛ di nɛn, anomanta, kasinteŋ toole kpa. Nɛnchɔɡa dɛ tɔ nɛndɛɛɡa ŋwɛnɛ, dɛɛ berɛ waa aa ɛ kasinteŋ sie.”

Aesaya 64:4

Dɔɔ bɛlbwa toole ba nao o do kɛ hen Korowii, kɛɛ dɛ no wejena haa ɛa tɛ nɛra baa dɔ hwɛɡa he nɛ.

Ɛsekeɛl 7:16

Banɔ la baa dɔ ba nyu dɛ chwa la ɛɛ ka so bwejena doree, dɛɛ wi kɛŋɔ fɛlembɔjena bini kwehre ken, bɛlbwa wechɔɡa waa ɛa wa.