Aesaya 59:11 - mzwDBL

¹¹ Ɔmee chole ya nɛɛ ya wi dɛɛ di suna. Ya dɛ nyiŋi kɛŋɔ, Korowii ba lɛ yaa le nɛra baa dɛ fiiɡi yaa nɔn ta, kɛ yaa wobɛlbwa na.

Aesaya 59:11 ပူးပေါင်းရင်းမြစ်များ

Yela 119:150

Nyubinikpeɡ tena baa teŋɛ n nɛɛ puu mɛ tonɛ, baa he Mmarare ta teŋɛ.

Yela 119:155

Haa nɛnchɔɡa lɛɛ ba, dɛkalkɛŋɔ baa he Mmarare la kpɔe dɛɛ ɛ waane.

Yela 38:8

N ɡwɛɡrɔ, n bwara bini bwa sɔɔh, suna dii ɡel mɛɛ pɛmɛ.

Yela 55:2

no n be dɛ́ chaŋ mɛ, n liire chɔɡ waa aa dɛ ha mɛ ta,

Yela 85:9

Kasinteŋ, nomɛlbwa waa dɛ tomɔ la, wɛɛ lɛo, ásɛ o jirima do ya harɛ nɔ ta.

Aesaya 38:14

N wio n taa do jeɡaa kɛŋɔ kweah aa dɛ si ken. N ha sie nyiŋi nyundua dɛ ba koh. N Naa Korowii, ba lɛɛ mɛ le n wenaale bwa maa dɛ na nɔ ta.

Aesaya 51:20

He bii ɡwɛɡrɔ chɔ fɔɡbaahna, ba do kɛŋɔ kweɡla aa lɔ bel ta ken. Korowii baah di ba nɛ, aa noo ba kohona.

Aesaya 59:14

Waa aa ɛ kpela ne waa aa toɡra kaa bojaŋ, a do kɛŋɔ kasinteŋ toole kpa ken.

Aesaya 59:8

Deŋnesɔɔhna ŋwɛnɛ te, haa an jemɛ. Kasinteŋ ɡe toole he waa bini. He we-ɛɛla bwa ɡolo, a ɡel nomɛlbwa waa dɛ teŋɛ a ta aa deŋnesɔɔhna waa jemɛ.

Aesaya 59:9

Ate, nɛra la ŋɔ, “Ya ne kasinteŋ baah jaŋne, ya waa ɡe ta toɡrɛ. Ya dɛ nyin bochaah ta dɛ́ valɛ, kɛ biro tenten ɡboo ya na,

Jeremia 8:15

Deŋnesɔɔhna dɔe taa yaa hwɛɡɛ, kɛ yaa wedɛɛɡa bɛlbwa na. Ya dɛ hwɛɡɛ kɛ ya dɔ chaeh, ɔmeeree bera ba chole ya nɛ.

Jeremia 9:1

Jeremia berɔ ŋɔ, “N nyu bini fe do kɛŋɔ bule bini ne, asɛ n siniire do kɛŋɔ nenapale aa, n fe ɛɛ wiu chɔɔ ne jwaana, kpoora baa kpoo n nɛra la wa.

Wiile 3:17

N ta deŋnesɔɔhna bɛlbwa dɔe, dɛ soh ɡɛ silɛɛ kwara aa doa.

Ɛsekeɛl 7:16

Banɔ la baa dɔ ba nyu dɛ chwa la ɛɛ ka so bwejena doree, dɛɛ wi kɛŋɔ fɛlembɔjena bini kwehre ken, bɛlbwa wechɔɡa waa ɛa wa.

Hosia 7:14

Baa men soŋe kasinteŋ ne, ba chɔ harɛ dɛɛ wi kɛŋɔ voɡtoroma. Ba boa nyoa dɛɛ soŋ mɛ mea ne senfala, kɛ dɛ laa ba te kpɔ n nɛɛ kɛ voɡtoroma. Deŋnekpeɡ tena bane le!

Neehum 2:7

A chɛ kɛ Niniwe chɔ pɛɛ, ásɛ ba lawɛ o nɛra laa ta kaa. O toli ɛɛ wiu kɛŋɔ kwehre ken, dɛɛ lɔ ba bambile á baɡle kɛ ba dɛ di suna.

Neehum 2:8

Nɛra le Niniwe dɛɛ kaa kɛŋɔ nee aa pala le tam ta ken. Ba bala dɛ yer ba ŋɔ, “Hé ɡel! Hé ɡel!” Kɛ nomɛlbwa aa habɔɔ berɛ.