Aesaya 58:7 - mzwDBL

⁷ Ane ɡee kɛŋɔ, dɛ lɔr dɛ kpo nomɛl aa, tɛo kwaa ó di. Nomɛl nyao, o ta bɔr dɔe dɛ́ chɔ aa, kpɔɔ kaa he dem. Dɛ nomɛl ɡe ta yal dɔe dɛ́ tɔ aa, tɛo bɛl, ásɛ dɛ bɛ sie laa kpɔ he lolanar ɡe nɛ.

Aesaya 58:7 ပူးပေါင်းရင်းမြစ်များ

Amanesoma Luk Aa Chwera Tɔn 3:11

Asɛ o chaŋ ba ŋɔ, “Nomɛlbwa waa dɔ batakaani bele anɛ la, ó kpɔ bɛl tɛ nɛn waa wola bɛl dɔe kwaraa, ásɛ nomɛlbwa o ɡe aa dɔ kondikwaa dɛ́ di la ɡe ɛ ɡɛ tenten.”

Ɛsekeɛl 18:7

waa nomɛlbwa fiiɡi, o berɛ nomɛlbwa kon waa lɛa cheɡ mɔɔ dɛ kemɔ suuɡa la dɛɛ tɛo. Waa ŋwɛ, lɔr dɛ kpo nɛn aa, o dɛ tɛo kwaa wɛɛ di, nomɛlbwa waa wola yal dɔe la, o dɛ tɛo.

Sɛɡla 28:27

Nɛn waa dɛ cha nyaara la, komɛlbwa aa on nya, kɛ nɛn waa laa sie dɛɛ kpɔ ba nɛɛ la, dɛ́ dɔ nyotaahna taeh!

Sɛɡla 25:21

He dɔm chɔ lɔr aa, tɛo kondikwaa ó di. O ta nee dɔe dɛ́ nyɔ aa tɛo ane.

Ɛsekeɛl 18:16

kɛɛ waa nomɛlbwa fiiɡi, o kemɛ nɛn suuɡa aa waa kon lɛɛ dɛɛ cheɡ o buɡ ta. Waa ŋwɛ, o dɛ tɛ nɛn lɔr aa dɛ kpoo kondikwa, dɛɛ tɔ nɛn waa wola yal dɔe yal.

Aesaya 58:10

dɛ tɛ nɛn waa chɔ lɔr kondikwa, dɛ tɛ nɛn waa dɛ na wahala o konnyini aa, ate, biro ɛɛ berɛ bochaahnee tɛ heya.

Sɛɡla 22:9

Nɛn waa dɔ tesom dɛɛ tɛ nyaara kondikwa la, Korowii ɡelɔ wɛɛ na som.

Amanesoma Luk Aa Chwera Tɔn 11:41

Hé kpɔ kwaa haa nyina cheɡ la dɛɛ kɛ nyaara he bambile bwa ne ásɛ komɛlbwa do wer tɛ heya.

1 Timoti 5:10

nɛra bwa jemɛ o wedɛɛɡa waa ɛa wa, kɛŋɔ waa wona dɛɛ o bii ŋwɛnɛdɛɛɡe ta ba ɛ bechadɛɛɡa, dɛ won dɛɛ kpoŋe hɔɔhra kɛrɛdɛ, dɛ pwɛr o te ɛ toma tɛ asɔre tena, dɛ won cha nɛra wa aa puu ba, asɛ dɛ won kpɔ o te bwa tɛ wedɛɛɡa ɛɛ ɡbo la waa mɛɛ bol he be ŋɔ hɛ́ɛ nyiŋi ba nɛɛ la.

Daneɛl 4:27

Anomanta, n naa kooro, no waa maa dɛ jae a ta nɔ. Gel wechɔɡa ɛɛ, dɛɛ ɛ anɔ la aa toɡra, dɛ́ ɡel he nyubinikpeɡ la, dɛɛ na nɛra baa dɛ fiɡ ba sum. He wobɛlbwa ɛɛ do werii dɛɛ la.”

Faelemɔn 1:7

N dam, he nyina haa dɛ nyin Korowii nɛra ba wa aa toɡra la dɛ do mɛ ɡbemba dɛ ɡel n sie ɛɛ lɛ taeh, dɛkalkɛ he dɛ nyiŋ ba dɛɛ do ba ɡbemba.

Tɔn Pɔɔl Aa Chwerɛ Rom Tena 12:13

Hɛ́ɛ tɛ he dɔŋa asɔre tena ba soɡa bini aa kpeɡa tɛɛ ba he kwaa haa dɔa la ane. He bɛ hɔɔhra dɛɛ doŋi he deremi.

We-ɛɛla 16:34

asɛ o kpɔ ba ba o dem, dɛ ba tɛɛ ba kondikwaa ba di. Ate, o ne o dem tena bwa sie lɛ kɛŋɔ baa yarada Korowii dɛ kpɔ ba te tɛo la.

Yela 112:9

Waa nɔn nyore, o dɛ tɛ nyaara tɛɛ tenten, o wedɛɛɡa ɛɛ ta jaɡa dɔe, wɛɛ di kpeɡrii dɛ dɔ jirima.

Job Tɔn 22:7

He vɔmɛ nɛra nyoɡre aa dɛ kpo ba ne, dɛ vɔmɛ nɛra lɔr aa dɛ kpo ba kondikwa,

Amanesoma Luk Aa Chwera Tɔn 19:8

Sakeos iro che dɛ ŋɔ Yeesu be ŋɔ, “Nomoa! N dɛ soŋe, no. Mɛɛ bɔne n laala bini bɔre anɛɛ, dɛ́ kpɔ beŋkpoŋ kɛ nyaara. Dɛ n kpɔ apoo ŋwɛnɛ ta dɛ lɛ nomɛl kwaane aa, mɛɛ bɔ kwaa la bele anaarɛɛ tɛ naate.”

Nehemia 5:5

Ya ne ya bala Juu tena bwa beŋkpoŋ. Gɛɛ ya bii ne ba ɡe bii ɛ kɛrɛdɛ, kɛ ya kpɔ ya bibaala ne bihaahna do ba lɔɡa kɛŋɔ yoma ken, ya bihaahna bane tɔ sie ɛ yoma. Taraken ya ta kpeɡri bɛlbwa dɔe kpa, dɛkalkɛ ya kooni ne daa kooni berɛ nɛra bane kwa.”

2 Webena 28:15

Asɛ nomonome banaarɛ la lawɛ nɛra la, dɛ ka kpɔ yale aa ja laala laa tena la aa paa la bini ane tɛ banɔ la baa cheɡɛ mumɡbal la, dɛ tɛɛ ba yale ne naŋɡaware ne kondikwa, dɛ noo baa kpɔ do ba ŋwɛra ta. Ba bini banɔ la baa ɡwɛɡra ɡe la, ba kpɔ ba so keeɡore ta. Gɛɛ a ɛ ba kpɔ ba bwa berɛ kaa ba bala be Jeriko baa dɛ yerɔ Bambie Bwɛjen la, dɛ berɛ ba Samaria.

Mumpar 19:2

“N dɔɔranar n dɛ soŋe heya, hé pere kpɔ men maa ɛ he bonɔɔ be bonɔ, dɛ́ ba sarame nakpale ásɛ dɛ chɔ kere hé kaa.” Anee ba ŋɔ, “Ɔɔhɔh, yaa chɔ buse baahnee.”

We-ɛɛla 16:15

Ya sɔ o ne o dem tena bwa Korowii ne, asɛ o soŋe yaa ŋɔ, “Dɛ he jemɔ ŋɔ n dɛ tomɛ Korowii kɛrɛdɛ naa, amɔ hé ba so n be.” O soŋe yaa, asɛ ya kaa o dem.

Mumpar 19:14

Ate, Lɔt ka ŋɔ baala baa dɛ ba o bihaahna la moe la be ŋɔ, “Korowii dɛ ba bwɛɛ nɔ chɔɡa. He le o ta warane!” Dɛ ba dɛ lii kɛŋɔ sɛndɛɛ wɛɛ bɔ.

Sitɔɔla 9:2

“Umee hɛɛ nyin kɛ ó ɛ he kooro ɔ? Gedeɔn bibaala fifraanuanɛ la kɛɛ nɛmbeŋkpoŋ ɔ? Hé jemɛ kɛ n ɛ he bini bɛl.”

Mmarare 22:1

Mosis berɔ ŋɔ, “Dɛ he na he dɔŋ nao kɛɛ pee o nyoɡre dɛɛ kaa laa, bɛ sie laa kpɔ, lawɔ ka tɛo.

Sɛɡla 24:11

Lɛ nɛra baa dɛ́ ba bá kpoora ba tepoŋ ne, bɛ che nyiŋ ba ba serewe.

Jeremia 22:3

Hɛ́ɛ ɛ waa aa wera dɛ toɡre. Hé lɛ nɛn baa dɛ fiiɡu, dɛ́ lɛ o laala le o nomoa nɔn ta. He bɛ naɡra kɛɛ wechɔɡa kpɔ ba nɛŋhɔɔhra ne bilalbii, kɛɛ luhaahna nɛ, he bɛ nɛn waa wola wechɔɡa ɛɛ kpo harɛ nɔ ta.

Sɛɡla 11:17

Nɛn o wa aa wera dɛ́ dɔ kɛrɛdɛ, nyubinikpeɡ te dɛ ha o ɡbaɡba.