Aesaya 58:5 - mzwDBL

⁵ Kenii hɛɛ yerɛ nyoa vɔwa nɔ naa? He kpɔ tɔpebeŋkpoŋ dɛ pwɛr he te, kɛɛ he ɡure nyu su kɛŋɔ kpɔɡ, dɛ kpɔ lweyale tɔ dɛ so tɔɔ ta naa, dɛ anee nyoa vɔwa aa? He dɛ lii kɛŋɔ men Korowii sie dɛ lɛ ɡɛ ta kɛɛ?

Aesaya 58:5 ပူးပေါင်းရင်းမြစ်များ

Sekaria 7:5

“Bɔɔ harɛ la ta nɛra bwa ne sɔfore la ŋɔ, ‘Haa vɔwɛ nyoa dɛ wi korobinuete ne korobinuanɛte ta bene fifraanuanɛ aa baa kaa ta la, dɛ n waa he koh vɔwɛ nyoa aa?

Aesaya 61:2

O tom mɛ ń ɡel nɛra bwa jemɛ kɛ tɔpere Korowii aa dɛ ba o nɛra lɛɛ dɛ́ tɛr ba dɔma deŋne telo, dɛ́ larawe nɛra bwa baa dɛ wi bwara.

Aesaya 49:8

Korowii ŋɔ, “Dɛ saŋ telo kɛŋɔ ń lɛ heya aa, mɛɛ na he sumii dɛ́ cha heya. Mɛɛ nyiŋi heyaa, dɛ́ ɡel he ne nɛra bwa fɔwɛ fɔo. Mɛɛ ɡeloo he ka so he harɛ waa chɔɡa dɛ chɔ pɛɛpɛɛ la ta ja.

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

Tɔn Pɔɔl Aa Chwerɛ Rom Tena 12:2

He bɛ nɛra baa dɔ harɛ nɔ ta liire la da kpɔ. Hé ɡel Korowii tɛ heyaa liifala, dɛ́ berɛ heyaa ásɛ he won jemɛ waa waa dɛ nyin, dɛ́ jemɛ waa aa wera o be dɛɛ too o tea, ne waa aa toɡra.

Amanesoma Luk Aa Chwera Tɔn 4:19

asɛ dɛ ɡel nɛra bwa jemɛ kɛ tɔpere Korowii aa dɛ ba o nɛra Lɛɛ la telo.”

Yela 69:13

Kɛ N Naa Korowii, henee n wi dɛɛ no, le saŋ haa dɛ nyin cheɡ dɛ́ chaŋ mɛ. Chaŋ mɛ he nyina waa kana la wa, he nyoa haa baɡ mɛ nomanta, hɛɛ lɛɛ mɛɛ.

Ɛsta 4:16

“Kaa dɛ́ ka yerɛ Juu tena baa soɡe bwɛjen Susa nɔ ta bwa cheme, ásɛ he vɔwɛ nyoa dɛ soŋe Korowii tɛ mɛ. He bɛ kwaa di, dɛ bɛ nee ɡe nyɔ tɔpera atoro chɔɔ ne jwaana. N ne n toli ɡe ɛɛ ɛ ɡɛɛ, a lole kɛŋɔ kooro ta nɛn yerɛ aa waa o sie la, kɛ mɛɛ lao. Hale seo kwaraa yaa, ń sewɛ.”

2 Webena 20:3

Kooro Jehosafat ɔmɔ, dɛ bɔɔ le Korowii be ŋɔ ó baɡlo ɡɛ waa ɛ, asɛ dɛ ŋɔ Juda te bɛlbwa vɔwɛ nyoa, á baɡle kɛ ba dɛ di suna.

Lewi Dea Tena 16:29

A ɡɛ Mmarare nɔ chɛ kɛŋɔ á chɔ le tɛ heyaa saŋ bɛlbwa dɛɛ la. Korobinuanɛ te la tɔpera fi ta, a chɛ kɛ hé vɔwɛ nyoa dɛ bɛ toma bɛlbwa ɛ, Israel te kɛɛ hɔɔh bɛlbwa waa soɡe he binii yoo,

Aesaya 58:3

Ba dɛ ŋɔ, “Ɛrɛɛ ya vɔwɛ nyoa Korowii aa wola na, dɛɛ pwɛr ya te waa wola jemɛ nɔɔ?” Korowii ŋɔ, “Haa vɔwɛ nyoa la, he ɡbo nɛɛ he sie lɛ dɛ yon dɛɛ ɛ he tom-ɛɛra hɔhɔrɔwa.

Job Tɔn 2:8

Asɛ Job ka so tɔɔ ta a baɡle kɛ o loo kuu, dɛ kpɔ kaŋli dɛɛ paa ŋwɛra la.

Ɛsta 4:3

Harɛre la bɛlbwa ta kooro mmara la aa tela la, Juu tena baa lɔ bela la tea bini chɔɡɔ baa dooɡe lɔŋɔre dɛɛ wi kohona. Ba vɔwɛ nyoa dɛ kpɔ lweyale tɔ, dɛ ɛ tɔɔ merɛ harɛ dɛ chɔ a ta. A baɡle kɛ ba lɔ sibeɡra ta.

Ɛsra 10:6

Asɛ Ɛsra le Korowii Dea la sie bela dɛ kaa Eliasib bibaa Jehohanan dea. Waa lɔ bela la, o ta kondikwaa dii dɛ vɛh nee ɡe nyɔe, dɛkalkɛŋɔ dɛ o tea bini chɔɡɔ, nɛra baa kaa bane bojaŋ harɛfale ta, ba berɛ ba ba kasinteŋ bɛ dɔe la wa.

2 Koranar 6:30

Kooro la aa no ɡɛ haah la aa bola la, o laa o batakaare kɛɛ, a baɡle kɛ a we o nɛ. Kooro la aa dɛ valɛ danjwɛɛ la doa la, nɛra nao kɛŋɔ waa tɔ lweyal do o batakaare lɔɡa, aa baɡle kɛŋɔ o lɔ lwe ta.

Matiu 6:16

Anee Yeesu berɛ ŋɔ, “He dɛ vɔwɛ nyoa aa, he bɛ dɛɛ ŋwe kɛ nɛra baa dɛ na nɛra sie mɔɔ dɛɛ ɛ wa, aa dɛ ɛ la. Dɛ ba te dɛ vɔwɛ nyoa aa, ɡɛɛ ba ŋwe dɛ́ laa ba siebɔr chɔɡ, ásɛ nɛra na kɛŋɔ ba dɛ vɔwɛ nyoa. Kasinteŋ, ba te dɔ ba kembɔr tonɛ.

Lewi Dea Tena 16:31

O ɛ tɔpere haa onɛ o ta dɛɛ vɔwɛ nyoa. Á ɛ Mmara dɛ́ chɔ tɛ heyaa saŋ bɛlbwa dɛɛ la.

Ɛsra 8:21

Ahava bela baa kwi bɔɔ nee ɛɛ palɛ o bini belaa n do ba ŋɔ ya vɔwɛ nyoa, ɡɛ aa ɛ yá won pwɛr ya te do Korowii yaa dɛ tomɔ lɔɡa. Ya soŋo o ja ya nɛɛ ya kpɔ ya bii dɛ kwaa yaa dɔa bwa kaa Jerusalam sɔnɔnɔɔ.