Aesaya 58:3 - mzwDBL

³ Ba dɛ ŋɔ, “Ɛrɛɛ ya vɔwɛ nyoa Korowii aa wola na, dɛɛ pwɛr ya te waa wola jemɛ nɔɔ?” Korowii ŋɔ, “Haa vɔwɛ nyoa la, he ɡbo nɛɛ he sie lɛ dɛ yon dɛɛ ɛ he tom-ɛɛra hɔhɔrɔwa.

Aesaya 58:3 ပူးပေါင်းရင်းမြစ်များ

Ɛsra 8:21

Ahava bela baa kwi bɔɔ nee ɛɛ palɛ o bini belaa n do ba ŋɔ ya vɔwɛ nyoa, ɡɛ aa ɛ yá won pwɛr ya te do Korowii yaa dɛ tomɔ lɔɡa. Ya soŋo o ja ya nɛɛ ya kpɔ ya bii dɛ kwaa yaa dɔa bwa kaa Jerusalam sɔnɔnɔɔ.

Nehemia 5:7

N lii a waa n nyu bini taeh, asɛ n kah sitɔɔla ne nomonome la ŋɔ, “He kemɛ he bala Juu tena suuɡa dɛɛ lɛ a ne!” Anomanta, n yerɛ nɛra la bwa cheme, dɛ nyiŋi waa la bini,

Job Tɔn 34:9

Kɛ Job te bolɔ ŋɔ, ‘Tɔnɔ bɛlbwa toole dɛ tɛ nɛn kɛŋɔ o ne Korowii pɛ.’

Yela 69:10

N vɔwɛ nyoa dɛɛ di suna, asɛ nɛra ɛɛ chɛɡ mɛ.

Sɛɡla 28:9

Dɛ he vɛh Mmara ta teŋa aa, Korowii kii he wesoŋa.

Aesaya 22:12

Korowii, Koranar Bwa Kooro ŋɔ, hé dooɡe lɔŋɔre dɛ́ wi, dɛ́ fonɛ he nyuune dɛ́ kpɔ lweyale tɔ awola tɔpere, á baɡle kɛŋɔ he ɛ wechɔɡa.

Aesaya 22:13

Kɛ he kpoo nae ne peera dɛɛ di kwa, dɛ nyɔ sene dɛɛ hɛlɛ dɛɛ lɛ he sie. Hé ŋɔ, “Hé ɡel ya di kwaa dɛ nyɔ sen. Kere ɡbo dɛ ya serewɔ.”

Aesaya 47:6

N baah fa di n nɛra Israel tena nɛ, n tɛr ba deŋne kɛŋɔ n nɛra laa ban ken, dɛ kpɔ ba do hen Babelɔn nɔn ta. He ta ba nɛɛ sune, hale banɔ la baa hwɛɛhra kwaraa la, he do ba hɔhɔrɔwa.

Lewi Dea Tena 16:29

A ɡɛ Mmarare nɔ chɛ kɛŋɔ á chɔ le tɛ heyaa saŋ bɛlbwa dɛɛ la. Korobinuanɛ te la tɔpera fi ta, a chɛ kɛ hé vɔwɛ nyoa dɛ bɛ toma bɛlbwa ɛ, Israel te kɛɛ hɔɔh bɛlbwa waa soɡe he binii yoo,

Lewi Dea Tena 16:31

O ɛ tɔpere haa onɛ o ta dɛɛ vɔwɛ nyoa. Á ɛ Mmara dɛ́ chɔ tɛ heyaa saŋ bɛlbwa dɛɛ la.

Lewi Dea Tena 23:27

“Korobie anuanɛ nɔ ta, o tɔpera fi ɛ Wechɔɡa Soŋa Korowii Be Ó Kpɔ Kɛ Tɔpejen. Hé bwa vɔwɛ nyoa dɛ́ cheme, dɛ́ tom mɛ awola tɔpere, dɛ́ kpɔ saraha kwaa baa fuah ba tɛ mɛ.

Malakae 3:14

He bolɔ ŋɔ, ‘Korowii toma ɛ wepuu. Tɔnɔ besoo ya dɔ dɛɛ le waa waa kpɔa tɛ yaa ŋɔ yaa teŋɛ a ta, asɛ a berɛ do kɛŋɔ ya tea bini chɔɡɔ Koranar Bwa Kooro sie nɔɔ?

Nɛra Kura 23:4

Asɛ Korowii ka chemo dɛ bol waa o be, asɛ Balam ŋɔ, “N ma kwaa baa dɛ ɛ saraha a ta anuanɛ, asɛ dɛ kpo nabal ne pebal a bɛlbwa ta.”

Amanesoma Luk Aa Chwera Tɔn 15:29

Belaa bie la ŋɔ o mɛɛ be ŋɔ, ‘N mɛɛ, n ɡe aa dena dɛɛ tomɛ saŋ la bwa, n ta he toma vɛɛh bwa, bɔkwa konee he tɛ mɛ nɔ? He ta bombie kwaraa lawɛ tɛ mɛ ŋɔ ń kpo n ɡe ne n daamanar kpɔ lɛ sie bwa.