Aesaya 58:2 - mzwDBL

² Ba dɛ tom mɛ tɔpere bɛlbwa, dɛɛ nyin n ŋwɛnɛre dɛ jemɛ, dɛɛ ɛ kɛŋɔ ba waa toɡrɔ, á do kɛŋɔ ba ta Korowii Mmarare vɛɛh. Ba dɛ soŋe waa aa toɡra n be, dɛɛ nyin kɛ n bɛn ba.”

Aesaya 58:2 ပူးပေါင်းရင်းမြစ်များ

Yela 119:15

N kpɔ he waa la do n nyu bini, dɛɛ kari a bwa.

Yela 119:151

Kɛ hen Korowii, he ja n nɛ, he Mmarare bwa ɡe ɛ kasinteŋ.

Yela 119:87

A ka tama ba kpo mɛ, kɛ n ta he Mmarare ta teŋa ɡelɛ bwa.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Aesaya 1:28

Nɛra baa kpaŋe o nɛ, ne wechɔɡ-ɛɛra la, wɛɛ pɛo chɔɡ ba bwa. Asɛ nɛra ba ɡe aa vɛoh la, ó kpoo ba ɡe.

Aesaya 1:4

Wechɔɡ-ɛɛra ɡbo harɛ, nɛra ba wechɔɡa aa ɡwaa ba nɛ, wechɔɡ-ɛɛra naanar ɡboɡbo, he vɛh Korowii, dɛ berɛ habɔɔ kpoo. He dɛ nyiŋi Israel tena Nɛŋɡoroŋ la nyubaah.

Aesaya 29:13

Korowii ŋɔ, “Nɛra nɔ te, nyoa ɡbo nee baa baɡle kɛŋɔ n ne ba pɛo, nyoa ɡbo nee baa duu mɛ, kɛ ba tea bini te ta toe. Toma baa dɛ tom mɛ la, nɛwɛnyini mmarare taa baa baɡle ŋɔ nɛ́ra teŋɛ.

Aesaya 42:20

Israel tena, waa haa kpɔ siwi na warɔ taeh, he ta sie a ta doe. He dɔ deŋne dɛ́ no waa kɛrɛdɛ, kɛ haa deŋne cheɡ.”

Aesaya 57:12

He dɛ lii kɛŋɔ anɔ la haa dɛ ɛ la toɡrɔ, kɛ mɛɛ le he mun nee waa haa dɛ ɛ ta. He voɡa aa tɔnɔ bɛlbwaa dɔ tɛ heya.

Aesaya 57:3

Kɛ heya, sɔmmɔra bii, nɛra baa dɛ chɔɡ yal ne jwamane tena bii, hé ba bonɔ!

Aesaya 59:13

Ya ɛ deŋnekpeɡ, dɛ berɛ habɔɔ kpoe, dɛ vɛh he nɛɛ teŋa. Ya fiiɡi ya dɔŋa dɛ berɛ habɔɔ kpoe. Ya liire ne ya wobol bwa ɛ nyosone.

Jeremia 42:2

ba men Korowii keame Jeremia be dɛ ba ŋɔ, “Ya dɛ soŋe, no ya wesoŋa nɔ, dɛ́ soŋe Korowii yaa dɛ tomɔ nɔ tɛ ya nɛra yaa ka harɛ nɔ bwa ta nɔ. He ɡbabir nao kɛŋɔ dɛ ya fa warɔ, kɛ taraken te, ya nɛra tamaa kenii kaa.

Jeremia 42:20

he kono kohona, a chɛ kɛ hé sewɛ. He ŋɔ n be ŋɔ ń soŋe Korowii yaa dɛ tomɔ ó nyiŋi he nɛ, dɛ baɡɛ nyoa ŋɔ hɛɛ teŋɛ waa waa do heyaa bwa taa.

Jeremia 7:10

Waa maa kia laanee he yon ka ɛ, dɛ́ berɛ ba che n sie n Dea bonɔ dɛ́ ŋɔ, ‘Ya dɔ deŋnesɔɔhna.’

Jeremia 7:9

He dɛ ŋwɛ, dɛɛ kpoo nɛra, dɛɛ bɔ jwamane dɛɛ di dansewea, dɛɛ kpoo kwaa dɛɛ ɛ sarahare voɡ Baal ta, dɛɛ tomɛ voɡare haa wola an jemɛ wubwa.

Ɛsekeɛl 20:3

“Nɛwɛnyini bie, ŋɔ Israel nomonome la be kɛŋɔ men Nemenɛ Korowii ŋɔ, ‘He balɔ dɛ́ ba bɔɔ dɛ́ na waa aa le n be kɛɛ? N ŋwɛɛrɔ kɛŋɔ maa lole saŋ bɛlbwa nɔ, maa ɡel he pɛɛ mɛ wobɛlbwa. Men Nemenɛ Korowiirii bola.’

Emɔs 5:18

Emɔs ŋɔ, “Nomɛlbwa waa dɛ nyin o na tɔpere Korowii aa dɛ ba ba bol nɛra waa dɛ́ pa bole la, ó bwɛɛlɛ. Ɛrɛɛ hɛɛ nyin he na Korowii Tɔpere waa lea cheɡ laɔ? Biro ɡboo awola, bɔr aa o ta chaahna ba.

Amanesoma Mak Aa Chwera Tɔn 12:14

Asɛ ba ba ŋɔ o be ŋɔ, “Nomoa, ya jemɔ kɛŋɔ he dɛ bol kasinteŋ. He ta waa bolɛ dɛɛ ɔmɛ a habɔɔ kɛŋɔ a dɛ do bane som, kɛɛ a dɛ we bane bambile nɔ. Haa nɛra siebɔr nyiŋi dɛɛ bol waa kɛŋɔ bɛl ɛ kooro kɛɛ nomoa kɛɛ bechala nɔ. Korowii ŋwɛnɛɛ hɛɛ baɡle nɛra kasinteŋ ne. Webeŋkpoŋii yaa nyin ya jemɛ. Onee kɛŋɔ ya Mmara nɔ dɛ tɛ yaa ŋwɛnɛ kɛŋɔ yá bɔ toɔ dɛ́ɛ tɛ Rom Koojen Siisa la aa, kɛɛ waa yaa ŋwɛnɛ tɛ?”

Amanesoma Mak Aa Chwera Tɔn 6:20

Kooro la ɔmɛ Jɔn, dɛkalkɛ Jɔn ɛ nɛndɛɛɡe o waa toɡre, anomanta, o nyiŋu kɛrɛdɛ. Jɔn aa dɛ bol waa la, kooro la bwara yɔrɔ, kɛ ane a bwa, o no waa la silɛɛ ne.

Amanesoma Jɔn Aa Chwera Tɔn 5:35

A ɡɛ Jɔn nɔ fa do kɛ kandea baa choŋu wɛɛ chaah bɔr kohona, asɛ hɛɛ nyin o bɔr chaahna la som dɛ na tama mɔɔ.

Taetos 1:16

Ba ŋɔ ba jemɛ Korowii, kɛ ba we-ɛɛla dɛ baɡle kɛŋɔ baa Korowii jemɛ. Ba we-ɛɛla doŋo Korowii be kohona, ba deŋne ɡe kpeɡri. Baa won ɛ wedɛɛɡe bɛlbwa bwa.

Jems 4:8

Hé suuh tel Korowii, ásɛ o suuh ba he be. Wechɔɡ-ɛɛra, hé charɛ he liire dɛ́ le he wechɔɡa ta. He banɔ la he liire aa ɛ anɛnɛ la, hé laa doŋa kpɔ he nɛ.