Aesaya 58:11 - mzwDBL

¹¹ Dɛ he ɛ ɡɛ naa, anee dɛ́ ɡel men Korowii baɡle heya ŋwɛnɛ saŋ bɛlbwa dɛɛ la, dɛ́ berɛ tɛ heya kondɛɛɡa pua hɛŋle ɡbo harɛ ta he di, dɛ́ do kpeɡri. Dɛ́ berɛ ɡel he do kɛŋɔ bodɛɛɡe haa du daa sɔn do o ta saŋ bɛlbwa ken, kɛɛ bule waa wola hweeh bwa la.

Aesaya 58:11 ပူးပေါင်းရင်းမြစ်များ

Amanesoma Jɔn Aa Chwera Tɔn 4:14

Kɛ nomɛlbwa waa nyɔ nee maa dɛ tɛo la te, nyɔɡre aa on kpo bwa. Nee maa tɛo la ɛɛ ɛo kɛŋɔ bule aa lɔ naate bini dɛɛ bule nee aa dɛ tɛ mkpa aa wola jaɡa dɔe bwa.”

Jeremia 31:12

Baa bao dɛ ba ɡo silɛɛ yela Saayɔn Bwejen la ta, ásɛ ba sie lɛ n koŋkɛɛla, aa ɛ mea ne sen ne ɔleve no, dɛ peera ne nae bwa ta. Baa doo kɛŋɔ bodɛɛɡe ba du daa, bwaala nɛ o ta ken, dɛ́ dɔ kondɛɛɡa men Korowii aa kpɔ tɛɛ ba. Ásɛ ba sunaa di kpa.

Yela 32:8

Korowii ŋɔ, “Mɛɛ baɡle ŋwɛnɛ aa chɛ kɛ he kpɔ o ta, mɛɛ bol waa baɡle, dɛ́ kpɔ n nɔn tɔ he nɛ.

Aesaya 49:10

lɔr ne nyɔɡre aa ba kpoe ba. Wee nyɛɡre ne pua hɛŋle ɡbo harɛ ta peuwɔb aa ban ha, dɛkalkɛ naate waa dɛ nyin ba waa la ɛɛ tɔ ba siee, dɛ́ la ba ne bela nesɔn aa bula dɛɛ le.

Amanesoma Jɔn Aa Chwera Tɔn 16:13

Kɛ dɛ Korowii Domadɛɛɡe waa dɛ chaɡle Korowii kasinteŋ waa la balaa, wɛɛ pili wobɛlbwa binii tɛ heyaa hé no a mun. O ɡbabir nyu bini waa laa wɛɛ ba bola baɡle heya. Anɔ la waa noa le Korowii be laanee wɛɛ ba bola, dɛ́ chaɡle heyaa waa a taa lɔ sie dɛɛ ba bala.

Yela 25:9

O cha nɛŋɡwɛɡra baa ɛ wa aa toɡra, dɛɛ baɡ ba o ŋwɛnɛre.

Yelsom 4:15

He do kɛŋɔ nenapale nyu bodɛɛɡe baa du daa, kɛŋɔ bule waa dɛ palɛ wɔrɔbe nɛ, dɛ le Lɛbanɔn bwejena dor dɛɛ ba.

Sɛɡla 11:25

Dɛɛ pili nɔn ásɛ wobɛlbwa do wer tɛɛ, dɛɛ cha banfala ásɛ ba cha he ɡe.

Sɛɡla 3:8

Dɛ he teŋɛ a ta naa, aa ɛo kɛŋɔ tɛɛɡa, dɛ́ do he bwara bini dɛɛ chaeh.

Ɛsekeɛl 36:35

Baa ŋɔɔ, ‘Harɛ waa chɔ pɛɛ laanee bera do kɛŋɔ Korowii Eden bodɛɛɡe la, bwɛjena a fa aa paɡra, dɛ chɔ pɛɛ laanee ba berɛ kwaa ma danjwɛɛre bara nɛra so a ta la.’

Yela 92:14

A ɛ dabena dɛ ta won nɔna, dɛ dɔ papooni kohona, dɛ che kɛrɛdɛ.

Hosia 13:5

N nyiŋi he nɛɛ pua hɛŋle ɡbo harɛ ta, harɛ o ta aa do wɔrɔbe kohona.

Jeremia 17:8

Naate ɛɛ doo kɛŋɔ daa baa duu nee nyoa, o dɛ ta lune kaa nee la ta. Hwel cheɡɔ waa, aa on wobɛlbwa ɛ, dɛ o te ta dɔ papooni. Bwaala ta nɛɛ benanyobir kwaraa naa, dɛ o ta won nɔna.

Sɛɡla 28:25

Nɛn waa dɛ nyin kɛ o ɡbo ɛɛ dɔ la, dɛ́ ba wahala ne, kɛ nɛn waa kpɔ o te dawɛ Korowii nɛɛ la soɡa bini dɛ do wer.

Yela 73:24

He dɛ baɡ mɛ asɛ mɛɛ teŋɛ he waa la ta. A habɔɔ la, hɛɛ lɛɛ mɛɛ ń dɔ jirima.

Yela 48:14

dɛkalkɛ ɡɛ Korowii nɔɔ yaa tomɛ saŋ bɛlbwa, wɛɛ tɔ ya siee, dɛɛ baɡle ŋwɛnɛ yaa kpɔ o ta saŋ bɛlbwa dɛɛ la.

Yela 37:19

Baa wahalaa na sibeɡra saŋ, lɔr saŋ kwaraa yaa, dɛ ba te dɔ kondikwa.

Yela 33:19

O lɛɛ ba dɛɛ le seo nyoa, dɛ́ ɡel ba so le, hale lɔr saŋ.

Yela 107:9

dɛkalkɛ o tɛ nɛra nyɔɡre aa dɛ kpo ba nee ba nyɔ, dɛ tɛ banɔ la lɔr aa dɛ kpo ba ɡe kondikondɛɛɡa ba di.

Job Tɔn 5:20

Lɔr saŋ wɛɛ lɛɛ le seo nyoa dɛ́ lɛɛ le laa ta.

1 Tesalonika 3:11

N Naa Korowii ɡbabir waa bera ɛ ya Mɛɛ la ne ya Dɔɔ Yeesu ɛɛ chaɡle yaa ŋwɛnɛɛ ya ba he be.

Aesaya 61:11

Gɛ konduuli yon pere harɛ dɛ le, dɛ kpeɡ la, ɡɛɛ Nemenɛ Korowii ɛɛ ba o nɛra lɛɛ, ásɛ harɛre nɛra bwa kpɛɛro.

Sɛɡla 13:4

Bɔhwaah bɛlbwa aa o konnyini dɔ, kɛ nɛn waa dɛ nyin toma te, o dɛ dɔ kon waa dɛ nyin.

Aesaya 33:16

Banee dɛɛ ba deŋnesɔɔhna ne soɡa, kɛŋɔ baa soɡe dekpeɡ bini. Baa dɔ kondikwaa dɛɛ di, nee ɡe aa ban paŋɛ bwa.

Amanesoma Jɔn Aa Chwera Tɔn 7:38

Nomɛlbwa waa dɛ yarada mɛ la, mɛɛ ɛo ɡɛ Korowii Tɔn aa baɡla laanee. Dɛ, ‘Nee waa dɔ mkpa la ɛɛ dɛɛ le o nɛɛ saŋ bɛlbwaa kɛŋɔ moo aa dɛ palɛ la.’ ”

Aesaya 27:3

“Men Korowiirii dɛɛ nyiŋi o ta, menee dɛɛ do nee o ta tɔpere bɛlbwa, chɔɔ ne jwaana bwaa mɛɛ daahno, ásɛ nomɛlbwa bɛ on ba chɔɡ.

Aesaya 41:17

Nyaara ne banɔ la ba waa aa suma ɛɛ ba nyin nee dɛ́ nyɔ kahonɛ ba lobi hol, men Korowii ɛɛ no ba wesoŋaa tɛɛ ba. Menee Israel tena ɛɛ tomɛ, maa ban ta.

Aesaya 57:18

N jemɛ ɡɛ ba wechɔɡa ɛɛ aa chɔɡ ba kɛŋɔ weela, kɛ mɛɛ chaah baa, dɛ́ tɔ ba sie, dɛ́ baɡ ba ŋwɛnɛ, dɛ́ larawe banɔ la baa dɛ wi bwara,

Aesaya 66:14

Dɛ he na ɡɛ waa nɔ a chiɡ aa, he sie ɛɛ lɛo, a tɛɛ kpeɡri, ásɛ he jemɛ kɛŋɔ n dɛ cha nɛra baa dɛ no n deŋna wa, dɛɛ baɡle n bandia nɛra baa ɛɛ mɛ dɔm nɛ.”

Mmarare 15:4

Korowii haa dɛ tomɔ nɔ ɛɛ swee heyaa andɛɛɡa kohonaa, he bini bɛlbwa aa wola nya bwa, harɛ waa kpɔa dɛɛ tɛ heyaa la ta.

Yela 1:3

Ba do kɛŋɔ daa baa duu bela waa sɔna, saŋ bɛlbwa o dɛ nɔnɛ o saŋ ta, o papooni ɡe aa chure bwa. A ɡɛ nɛra la wobɛlbwa baa ɛ dɛ́ do wer.

Yela 84:7

Ba dɔ bokpeɡa saŋ bɛlbwa dɛɛ la, ka tel kɛ baa na Korowii o kpeɡri aa ɡwaa voɡa bwa, Saayɔn Bwejen doa la.

Aesaya 44:4

Baa kpeɡuu kɛrɛdɛ kɛŋɔ kpɔɡa aa lɔ harɛsɔn ta, ne dajaŋa aa cheɡɛ nee nyoa ken.