Aesaya 57:4 - mzwDBL

⁴ Ume loroo hɛɛ di nɔɔ? Ume baahnee hɛɛ muɡli dɛɛ mile he nyoo o nɛɛ nɔɔ? Deŋnekpeɡ tena naanar ne nyosonteŋna dwee laa heyaa?

Aesaya 57:4 ပူးပေါင်းရင်းမြစ်များ

2 Webena 36:16

Kɛ ba nyiŋi keamere la nyubaah, dɛ mam ba, dɛ vɛh o waa la ka tel kɛŋɔ Korowii baah aa di o nɛra nɛɛ kohona, baa wola won le a nyoa kpa.

Yela 22:13

Ba hah nyoo kɛŋɔ nyujentena, dɛɛ kɔɡre, dɛ́ toɡri n ola.

Yela 22:17

N ka hoɡa ɡbo, n dɔma nyiŋ mɛ dɛɛ mamɛ.

Yela 22:7

Nɛra na mɛ naa, ba dɛ chɛɡ mɛ, dɛ di n loro dɛɛ viiɡi ba nyuune.

Yela 35:21

Ba dɛ pwaah mɛ ŋɔ, “Ya na waa bwa haa ɛa.”

Yela 69:12

Ba dɛ bol n waa fɔɡbaahna, sennyɔdɛɛra kpɔ mɛ dɛɛ ɡo yela.

Kaala 9:17

Kɛ ane a bwa, he ta dɛ maŋkura he te dɛɛ tɔ n nɛra nɛɛ ŋɔ haa ɡel ba kaa.

Aesaya 1:4

Wechɔɡ-ɛɛra ɡbo harɛ, nɛra ba wechɔɡa aa ɡwaa ba nɛ, wechɔɡ-ɛɛra naanar ɡboɡbo, he vɛh Korowii, dɛ berɛ habɔɔ kpoo. He dɛ nyiŋi Israel tena Nɛŋɡoroŋ la nyubaah.

Aesaya 10:15

Kpanfɛ ɛɛ won ŋɔ o ɡwaa nɛn waa kpɔɔ dɛɛ teŋe daa aa, kɛɛ saradaa ɛɛ won ŋɔ o ɡwaa naate waa dɛ ɛ o ne toma aa? Guli ɛɛ won ɡɔɔ o te dɛ nɛn laa kpɔɔ waa? Kɛɛ da ɛɛ won ɡɔɔ nɛn aa?

Aesaya 30:1

Korowii berɔ ŋɔ, “Deŋnekpeɡ tena baa dɛ di kora Juda harɛ ta la, ba bwɛɛlɛ! Ba dɛ teŋɛ ba ɡbaɡba liire aa wola n be leɛ ta, dɛɛ fɔwɛ nyopɛo fɔo n Doma aa wola ba nɛɛ jae, dɛ ɛ wechɔɡa dɛɛ ja wechɔɡa ta.

Aesaya 30:9

Ba ɛ nɛra baa dɛ lɛ ɡaeh ne nyosonteŋna. Ba ɛ nɛra baa vɛh Korowii waa noe.

Aesaya 37:23

Koojen Senakerib, umee hɛɛ lii he nyu bini kɛ onee hɛɛ chɛɡre dɛɛ ɛo nɛnhɛla nɔɔ? Men Israel Nɛŋɡoroŋ laanee hɛɛ ɛ sisawaa la.

Aesaya 37:29

N no he deŋnekpeɡ we-ɛɛla, ne he mbarafo haa dɛ ɛ, a chole n deŋna ta. Mɛɛ kpɔ ɡoŋaa do he mee ta, dɛ́ kpɔ kabaɡrare do he nyoa, dɛ́ berɛ kpɔe kpɔ ŋwɛnɛ haa kpɔ o ta ba la ta kaa.’ ”

Aesaya 48:8

N jemɔ kɛŋɔ he waa ta kasinteŋ dɔe, he ɛ nɛra bane baa jema kɛ ɡaeh tenaa heya. A waa haa wola waa nɔ bwa no la.

Aesaya 57:5

Hé liire bwaa kɛŋɔ hɛɛ di sɛm he voɡa dajena mune. Hé dɛ kpoo he bii dɛɛ ɛ sarahare voɡa aa lɔ bwebɔɔne aa bɛne nenabɔɔne ta.

Jeremia 20:8

N dɛ ba waa bola aa, lɔŋɔree mɛɛ do, dɛɛ bol yoi ne kwaa chɔɡa wa. Waa Korowii waa la aa kpɔa tɛ mɛ laanee, chɛɡa ne bammuɡla tɔpebir bwa.

Ɛsekeɛl 2:4

Nɛra men Nemenɛ Korowii aa dɛ tomɛ ba be la lwɛɛma kpeɡri, baa men bu. N dɛ tomɛ he ka ŋɔ ba be ŋɔ kenii mɛɛ bol.

Hosia 10:9

Korowii ŋɔ, “Israel tena ta wechɔɡa baa ɛɛ mɛ la ɡelɛ. Gɛ saŋ baa lea ɛ wechɔɡa bwɛjen Gebea la. Anomanta, laa taa baa ba serewa Gebea.

Nɛra Kura 16:11

Korowiirii he ne he bala baa teŋɛ he nɛɛ pɛ nyoa dɛɛ ɛo dɔm la. Arɔn te laa, asɛ hɛɛ naɡre o wa.”

Matiu 13:38

Harɛ ta bonɔɔ ɛ koo la. Mea tenten laanee nɛra baa ja Korowii Kora la ta la, asɛ kpɔɡchɔɡa la ɡe che tɛ nɛra baa lɔ Bɔnsam be pera.

Matiu 27:29

dɛ kpɔ sɔɔhne sɔh kooɡbɛrɛ piu, dɛ kpɔ daa bɛl do o nɔndiɡ ta, dɛɛ ɡuŋu harɛ kɛŋɔ baa dɛ ɛ kooro la dɛɛ taramo dɛɛ si, “Woowo, Juu tena kooro!”

Amanesoma Luk Aa Chwera Tɔn 10:16

Yeesu ŋɔ ba be ŋɔ, “Nomɛlbwa waa ka no he be la, n bee o no, asɛ nomɛlbwa waa ka vɛh he waa la, n waa o vɛh. Nomɛlbwa waa vɛh n waa la, naate waa tom mɛ la waa o vɛh.”

We-ɛɛla 9:4

Belaa o chole harɛ dɛ no kɛŋɔ nomɛl aa dɛ yerɔ dɛɛ ŋɔ, “Oo, Sɔɔl! Ɛrɛɛ he che n nɛɛ ɡɛ nɔɔ?”

Ɛfesos 5:6

He bɛ ɡel nomɛlbwa kpɔ wepuu neɡre heya. A ɡɛ waa nɔ bwa waa Korowii baah di deŋnekpeɡ tena nɛɛ wɛɛ ba ba deŋne tɛra la.

Kolosi 3:6

A ɡɛ waa nɔ, Korowii bwaawee dɛ ir a ta taeh. Wɛɛ kpɔ wahalaa ta nɛra baa dɛ ɛ deŋnekpeɡ dɛɛ ɛ ɡɛ la nɛ.

Josua 10:21

Laa tena la bwa berɔ ba Josua be Makeda bela baa baŋre ba tɛnte deene la sɔnɔnɔɔ ken. Nomɛlbwa ta liire kɛ wɛɛ bol Israel tena wechɔɡe bɛlbwaa harɛ la ta kpa.

2 Pita 2:13

Wahala baa ɡela nɛra ɛɛ na la, ba ɡe ɛɛ na a dɔŋaa. Waa ba sie aa dɛ lɛ a taa kɛŋɔ ba bodia waa baa dɛ ɛa bochaah la. He ne baa pɛa dɛɛ di kwaa nɔ, ba do kɛ doŋa dɛɛ chɔɡ he wer. Ba sɔɔh dɛɛ ɛ bodia waa he habɔɔ taeh.