Aesaya 57:3 - mzwDBL

³ Kɛ heya, sɔmmɔra bii, nɛra baa dɛ chɔɡ yal ne jwamane tena bii, hé ba bonɔ!

Aesaya 57:3 ပူးပေါင်းရင်းမြစ်များ

Mumpar 3:15

Mɛɛ kpɔ danchɔɡee ta he ne haah la baah ta, ásɛ he naanar ne o naanar hah dɔŋa dɛɛ la. Saŋ bɛlbwa waa nae la, wɛɛ paɡre he nyuu, ásɛ he ɡe choɡe o nalume.”

Aesaya 1:21

Bwɛɛ kasinteŋ diile fa aa lɔ o ta, taraken ba do kɛŋɔ haah waa le o jaa habɔɔ dɛɛ nyin baala ken. Nɛndɛɛɡa ɡboo fa o bwa, kɛ taraken nɛŋkpoa su o bwa.

Aesaya 1:4

Wechɔɡ-ɛɛra ɡbo harɛ, nɛra ba wechɔɡa aa ɡwaa ba nɛ, wechɔɡ-ɛɛra naanar ɡboɡbo, he vɛh Korowii, dɛ berɛ habɔɔ kpoo. He dɛ nyiŋi Israel tena Nɛŋɡoroŋ la nyubaah.

Aesaya 45:20

Korowii ŋɔ, “Harɛre nɛra haa chwaa le laa ta kaa la, hé berɛ ba. Nɛra baa kpɔ daa berɛ voɡa dɛ kpoŋa dɛɛ valɛ la aa waane jemɛ. Ba kpɔ wesoŋa dɛɛ bil voɡa aa wola won lɛɛ ba sie.

Aesaya 48:16

Hé suuh tel n be, dɛ́ ba no waa nɔ. Le waa nɔ mumpar bwa n ta wobɛlbwa bolɛ a sɔh heya, n wobɛlbwa maa bol la, a dɛ ɛ kpela.” Nemenɛ Korowii cheɡɛ o Doma ta, dɛ tom mɛ.

Aesaya 57:7

Bwejena doree he la dɛ ka kpoo kwaa dɛɛ ɛ saraha, dɛɛ di sɛm.

Aesaya 58:2

Ba dɛ tom mɛ tɔpere bɛlbwa, dɛɛ nyin n ŋwɛnɛre dɛ jemɛ, dɛɛ ɛ kɛŋɔ ba waa toɡrɔ, á do kɛŋɔ ba ta Korowii Mmarare vɛɛh. Ba dɛ soŋe waa aa toɡra n be, dɛɛ nyin kɛ n bɛn ba.”

Jeremia 3:6

Kooro Josia kora dii saŋee Korowii bol men Jeremia be ŋɔ, “He na waa Israel tena ba waa aa wola kasinteŋ dɔe kɛŋɔ hanjwamane aa ɛa kenɛ? Ba la deŋɡarere dor ne dajena mune kaa tomɛ voɡa.

Jeremia 3:9

Aa wola Juda hae kɛ Israel waa waa ɛa ɛ wechɔɡa la, o bɔ jwamane dɛ kpɔ doŋa kah harɛ la, dɛ berɛ kaa tomɛ voɡare baa kpɔ daa ne bwea ɛa.

Hosia 1:2

Korowii aa pa mun che Hosia nɛɛ dɛɛ bol waa Israel tena be la, o ŋɔ o be ŋɔ, “Ka mo haah, kɛ wɛɛ le he habɔɔ dɛ́ lolɛ sɛmbii, ásɛ ba ir dɛ́ do kɛŋɔ ba nya. Gɛɛ n nɛra Israel tena waa aa wola kasinteŋii dɔ tɛ mɛ, dɛ́ le n habɔɔ.”

Hosia 2:4

Maa o bii waa nyin, dɛkalkɛ sɛmbiirii ban.

Hosia 2:6

Anomanta, mɛɛ kpɔ sɔɔhnee tɔɔ ŋwɛnɛ. Mɛɛ tɔɔ do waa wola won dɔ bɔr le.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Matiu 12:34

Nɛnchɔɡa kɛ harɛkwa bii! Wechɔɡa ɡbo aa su he bini nɔ, wobodɛɛɡa ɛɛ wonoo le he nyoa ta naa? Waa aa lɔ nɛn bambile ta laanee o nyoa ɛɛ bol.

Matiu 16:4

Fini nɛra haa ɛ wechɔɡ-ɛɛra ɡbo haa wola Korowii ɔmɛ nɔ, heyaa ŋɔa ń ɛ nyokpowaa he na naa? Maa wobɛlbwaa ɛ hé na. Waa aa pu Korowii keame Jona la dɔŋa ɡboo dɛɛ ba n ɡe pui, ásɛ he che a ta dɛ́ jemɛ n nɛnsoo.” Anomanta, o ɡel ba bela dɛ kaa.

Matiu 23:33

Nɛnchɔɡa kɛŋɔ harɛkwa, domkpuli bii! Ɛrɛɛ hé ɛ haa wola Bɔnsam nii taa joɔ?

Matiu 3:7

Jɔn aa naa kɛ Farisii ne Saduki tena ɡe warɔ dɛɛ ba o be ó sɔ ba Korowii nee la, o ŋɔ ba be ŋɔ, “Nɛnchɔɡa kɛŋɔ domkpuli bii baa do nii kpɔɡ ta asɛ a le dɛ chwa dɛɛ kaa la! Umee ŋɔ he be ŋɔ hɛɛ wonoo chwa le Korowii bandia ta nɔ?

Amanesoma Luk Aa Chwera Tɔn 3:7

Belaa Jɔn ŋɔ nɛnlaa baa lea ba o be ŋɔ ó sɔ ba nee la be ŋɔ, “Nɛnchɔɡa kɛŋɔ domkpuli bii baa do nii kpɔɡ ta asɛ a le dɛ chwa dɛɛ kaa! Umee ŋɔ he be ŋɔ hɛɛ wonoo chwa le Korowii bandia ta nɔ?

Jems 4:4

He nɛnchɔɡa nɔ haa wola Korowii ɔmɛ kɛŋɔ hanchɔɡe waa dɛ nyin baala nɔ! Haa jemɛ kɛŋɔ nɛn waa dɛ nyin harɛ nɔ ta kwaa la vɛh Korowii dɛ ɛ o dɔm kɛɛ? Nomɛlbwa waa daŋre harɛ nɔ ta kwaa nyina ne la vɛh Korowii.

1 Jɔn 3:10

Anɔ taa yaa ba cheɡa dɛ́ jemɛ banɔ la baa ɛ Korowii bii ne banɔ la baa ɛ Bɔnsam kwa. Nomɛlbwa waa wola wedɛɛɡa aa su Korowii siwi ɛ, kɛɛ waa wola o dɔŋ nyin la, o ta o bie ɛɛ.