Aesaya 57:19 - mzwDBL

¹⁹ ásɛ Israel tena wii berɛ kpɛɛra. Banɔ la baa lɔ bojaŋa ne sie bonɔ la, mɛɛ tɛɛ baa deŋnesɔɔhna tentenee, mɛɛ chaah baa. Men Korowiirii bola.

Aesaya 57:19 ပူးပေါင်းရင်းမြစ်များ

Aesaya 26:12

N Naa Korowii, he dɛ tɛ yaa deŋnesɔɔhna, komɛlbwa yaa dɔa la, henee ɛa tɛ yaa.

Aesaya 26:3

N Naa Korowii, henee dɛɛ tɛ banɔ la ba liire aa cheɡɛ bobeŋkpoŋ bosɔɔhna tenten, dawa baa kpɔ ba te dawɛ he nɛɛ la wa.

Aesaya 32:17

Deŋnesɔɔhnaa dɛɛ ba waa aa toɡra la ta lee, dɛ́ ɡel bɔr sɔɔh, ásɛ ɔmee aa lee do kpa bwa.

Aesaya 50:4

Nemenɛ Korowii baɡ mɛ n jemɛ wobol, dɛ kpɔ dɛɛ do nɛra baa koah ɡbemba. O laɡ mɛ dɛɛ ir chɔɔ bɛlbwa dɛ ɡel mɛɛ no waa waa dɛ ba n baɡla.

Aesaya 51:16

Menee kpɔ n waa tɛ heya, dɛ kpɔ n nɔn tɔ he nɛ. Menee paɡri nyundua kɛŋɔ yal, dɛ pa harɛ mun. Menee ŋɔ Jerusalam tena be ŋɔ, ‘N nɛraa heya.’ ”

Aesaya 59:21

Fɔo n ne haa fɔwɛ laanee kɛŋɔ, ń tɛ he ne he bii ne he naanar n Doma ne n webaɡla, á chɔ le tɛ heyaa saŋ bɛlbwa.”

Aesaya 6:7

dɛ ba kpɔ tɔrɛ n nyoa dɛ ŋɔ, “Na, nihɔl nɔ aa tɔre he nyotɔn nɔ, he bolchɔɡ bwa le he nɛ. Korowii kpɔ he wechɔɡa kɛɛ.”

Jeremia 30:17

Kɛ mɛɛ berɔ ɡel he dɔ bokpeɡa ásɛ dɛ chah he ŋwɛra, a lole kɛŋɔ he dɔma dɛ bol kɛŋɔ, ‘Ba vɛh Saayɔn, nomɛlbwa aa o waa dawɛ kpa.’ Men Korowiirii bola.”

Jeremia 33:6

Kɛ bwɛjen nɔ nɛra te, mɛɛ berɔ ɡel bá dɔ bokpeɡa, dɛ́ ɡel ba dɔ deŋnesɔɔhna ne bosɔɔhna ɡe kohona.

Hosia 14:2

Hé ɡel ɡɛ waa nɔ ɛ he wesoŋa, dɛ́ berɛ ba Korowii be. Hé soŋo ŋɔ, “Kpɔ ya wechɔɡa bwa kɛ yaa, dɛ́ sune ya nɛɛ dɛ́ lɛ yaa, ásɛ ya kpɛɛre, ɡɛ yaa baɡɛ nyoa la.

Hosia 14:5

Mɛɛ ɛo kɛŋɔ bwaala waa nɛ harɛ waa hola ta, dɛ́ tɛ Israel tena, ásɛ ba do kɛŋɔ kpɔɡa fee ken. Dɛ so kɛŋɔ daa lune aa kaa harɛ bini ken, kɛŋɔ peleme daa aa lɔ Lɛbanɔn harɛ ta ken.

Sefania 3:9

A ɡɛ saŋ la, mɛɛ beɡre harɛre nɛra bwa liiree, ásɛ dɛ ɡel ba ɡel voɡa toma dɛɛ yerɛ n sɔn ɡbo. Ba bwa ɛɛ pɛ nyoa dɛɛ tom mɛ.

Sekaria 9:10

Korowii ŋɔ, “Mɛɛ le laa torɔɡore nee Israel harɛ ta, dɛ́ le laa jaɡre ne Jerusalam, ásɛ dɛ kuuɡi laa tori bwa. He kooro ɛɛ bol deŋnesɔɔhna waa harɛre nɛra bee. Wɛɛ di koraa le mpo bɛl taa ba kaa bɛl ta, dɛ́ le Yufretis Moo ta kaa harɛ jaɡa.”

Matiu 10:13

Dɛ dem bela tena lɛ heyaa silɛɛ ne naa, baa dɔ bosɔɔhna dem belaa. Kɛ dɛ ba ta heyaa lɛɛ silɛɛ ne naa, baa bosɔɔhna dɔe ba.

Amanesoma Mak Aa Chwera Tɔn 16:15

Yeesu ŋɔ ba be ŋɔ, “Hé kaa harɛ ta bobɛlbwa dɛ́ ka bol Amanesoma la baɡle nɛwɛnyina bwa.

Amanesoma Luk Aa Chwera Tɔn 2:14

“Hé tɛ Korowii waa lɔ nyundua la sɔn, ásɛ dɛ ɡel nɛwɛnyina baa lɔ harɛ ta Korowii siwi aa su ba la ɡe dɔ bosɔɔhna.”

Amanesoma Luk Aa Chwera Tɔn 21:15

Menee dɛɛ ba n tɛ heyaa waa haa ka bol la, dɛ tɛ heyaa wejema ásɛ he dɔma bɛ won di bɔ heyaa kɛɛ dɛ́ tɔŋle heya.

We-ɛɛla 10:36

He jemɛ waa waa ŋɔa bá ka bol Israel tena be dɛ baɡle Yeesu Amanesoma aa dɛ tɛ bosɔɔhna la. Yeesuu komɛlbwa Dɔɔ.

We-ɛɛla 2:39

dɛkalkɛŋɔ he ne he naanar ne bojaŋ tena Korowii aa dɛ yer ba ŋɔ bá ba o be la bwa waa o baɡɛ nyoa la la.”

Ɛfesos 2:13

Kɛ taraken he banɔ la he ne Korowii baah fa aa jaŋa la, Korowii koh Yeesu Kristo seo waa sewa, asɛ he ne o won pɛ la wa, dɛ kpɔ heyaa ba o be.

Ɛfesos 6:19

Hɛ́ɛ soŋo dɛɛ tɛ n ɡe, ásɛ dɛ n dɛ ba waa bola aa, ń dɔ waa dɛɛ bol, dɛ́ dɔ bambile dɛ́ won pili o wesɔɔhla la le Amanesoma la bini.

Hibru 13:15

Anomanta, a chɛ kɛ ya che Yeesu nɛɛ dɛ ɛ ya saraha dɛɛ tɛ Korowii saŋ bɛlbwa. Saraha yaa dɛ ba ɛɛ laanee kɛŋɔ yáa dɛɛ kpɛɛroo dɛɛ yerɛ o sɔn.