Aesaya 57:16 - mzwDBL

¹⁶ Maa teŋɛ dɛ kpɔ waa dawɛ n nɛra nɛ, kɛɛ n baah di ba nɛɛ saŋ bɛlbwa. Dɛ ɡɛ laa aa, ba bwara ɛɛ hwaoh n sie. Menee ta ba, dɛ tɛɛ ba mkpa.

Aesaya 57:16 ပူးပေါင်းရင်းမြစ်များ

Mumpar 6:3

Anee Korowii ŋɔ, “Maa ɡel n Doma waa dɛ tɛ mkpa la do nɛwɛnyini bini saŋ bɛlbwa dɛɛ la. Baa wonoo sewɛ. Taraken, nɛn aa biɡra kwaraa la, anee bene lafa fifraanɛ ɡbo, dɛ o sewɔ.”

2 Samoɛl 24:16

Dɛ Korowii le o nyundua torome bɛl dɛ tɛo kpeɡri ŋɔ ó ba chɔɡ Jerusalam. Waa dɛ la ka chɔɡo la, Korowii berɔ charɛ o liire, dɛ ŋɔ nyundua torome la be ŋɔ, “Gel! A maɡre ɡɛ.” Gɛ saŋ dɛ torome la lɔ Jebus te Arauna mea lɔ bɔr.

Job Tɔn 12:10

Korowii kontaala bwa nyu lɔ o nɔn ta, hale nɛwɛnyina bwa.

Yela 85:5

He baah ɛɛ di ya nɛɛ saŋ bɛlbwaa dɛɛ la ɡɛ naa? He bandia nyoa aa sɔɔh bwa naa?

Wejereme 12:7

Ya bwadabii ɛɛ berɔɔ kaa teera ta, ásɛ ya doma kaa Korowii waa kpɔa tɛ yaa la be.

Aesaya 27:8

Laalee o kpɔ tɛr Israel tena deŋne, dɛ doŋ ba le ba harɛ ta kpeɡri ne kaa harɛfale ta, kɛŋɔ peuchɔɡe aa taa le wee leebɔr, dɛ kpɔ kwaa dɛɛ kaa la.

Aesaya 30:18

Ane a bwa, Korowii tea dɛ domɔ he waa wɛɛ kpa kɛ he ba o be. O na he sum, dɛkalkɛ o waa dɔ kasinteŋ. Banɔ la bwa baa kpɔ ba te dawɛ o nɛɛ la, ba na som.

Aesaya 42:5

Korowii waa ta nyundua dɛ paɡru, dɛ ta harɛ ne kwaa aa lɔ o ta, dɛ tɛ nɛra baa lɔ o ta hweera ba dɔ mkpa la, onee bola ŋɔ,

Aesaya 64:8

N Naa Korowii, ya mɛɛ hen, ya do kɛŋɔ choh, asɛ henee mamaa. Henee ta ya bwa.

Jeremia 10:24

Kpɔ kasinteŋ ŋwɛnɛ ta toɡ mɛ, he bandia ne laa, ɡɛ laa aa, hɛɛ chɔɡ mɛɛ.

Jeremia 3:5

he baah ɛɛ teŋɔ di ya nɛɛ ɡɛ naa?’ Gɛɛ he yon dɛɛ bol, kɛ dɛ ɡarɛ kaa ɛ wechɔɡa bɛlbwa haa dɛ nyin.”

Jeremia 38:16

Anomanta, Kooro Sedekia sɔɔh dɛ ŋwɛɛ baɡ mɛ ŋɔ, “Korowii waa lole saŋ bɛlbwa dɛɛ tɛ yaa mkpa nɔ, maa hen kpo kɛɛ dɛ́ lawɛ do nɛra baa dɛ nyini dɛ́ kpo nɔn ta.”

Ɛsekeɛl 18:4

Nɛwɛnyina bwa nyu lɔ n nɔn ta, mɛɛ kɛɛ bie bwa nyu lɔ n nɔn ta. Naate waa ɛ wechɔɡa la, naatee dɛ́ sewɛ.

Emɔs 1:11

Korowii ŋɔ, “Edom tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba kpɔ keri kpoo ba lolanar Israel tena, ba ta tedoma dɔe tɛɛ ba, ba bandia ta jaɡa dɔe, waa sɔɔh bwa.

Maeka 7:18

N Naa Korowii yaa dɛ tomɛ, nomɛlbwa ta do kɛŋɔ hen, he kpɔ he nɛra baa kaa wechɔɡa dɛɛ kɛ ba, he nɛra baa ɛ he kapɛrɛ nɛra la. He baah diu waa, aa biɡri, he sie dɛ lɛ kɛ hɛɛ na ya sum.

Sekaria 12:1

Israel waa aa le Korowii bee nɔ. Korowii waa ta nyundua ne harɛ, dɛ ta nɛwɛnyini la ŋɔ,

Nɛra Kura 16:22

Ate, Mosis ne Arɔn kpɔ ba sie pi harɛ dɛ do lɔŋɔre ŋɔ, “N Naa Korowii, nɛwɛnyina bwa mkpa lɔ he be, dɛ nɛmbeŋkpoŋ ɛ wechɔɡa aa, hɛɛ koh a waa he baah di ɡɛ nɛra nɔ bwa nɛ aa?”

Hibru 12:9

Ya mɛɛnanar baa lolɛ yaa la kwara, ba tɛr ya deŋne aa, ya dɛ no ba be. Aah dɛ ya Mɛɛ waa lɔ nyundua dɛ dɔ ya lileore la te sɛ, a ta chɛ kɛ ya no o be dɛ́ dɔ mkpa aa?