Aesaya 57:13 - mzwDBL

¹³ Dɛ waane pu heya aa, hé do lɔŋɔ tɛ he voɡdamanta la, á ba lɛ heya. Peu bɛlbwa ɛɛ won che a bwa kaa. Nyoa peu kwaraa ɛɛ won kpɔa kaa. Kɛ nomɛlbwa waa kpɔ o te dawɛ n nɛɛ la te ɛɛ so harɛ la taa, dɛ́ tom mɛ N Dea Jerusalam.”

Aesaya 57:13 ပူးပေါင်းရင်းမြစ်များ

2 Koranar 3:13

Anee Elaesa ŋɔ Israel Kooro Joram be ŋɔ, “Bɔkwa waa nee he ba dɛɛ nyin ń chae nɔ? La keamere he nya ne he mɛɛ aa la ba be la be.” Kooro Joram ŋɔ, “Akai! Korowiirii yerɛ ya koranar batoro nɔ bonɔ, dɛ kpɔ yaa ba do Moab laa tena nɔn ta.”

Job Tɔn 21:18

Ba do kɛŋɔ kpɔɡhole peu kpɔa ba kaa la aa? Kɛɛ haahra dompeu kpɔ ba kaa. Akai!

Yela 1:4

Gɛ laa nɛnchɔɡa la te do, ba waa do kɛŋɔ haahra, peu yon ta dɛ́ kaa ane la ken.

Yela 118:8

A wer kohona kɛ nɛn kpɔ o te do Korowii lɔɡa, ɡwaa kɛŋɔ waa kpɔ o te dawɛ nɛwɛnyini nɛ.

Yela 125:1

Nɛra baa kpɔ ba te dawɛ Korowii nɛɛ la do kɛŋɔ Saayɔn Bwejen. Baa yiiɡi bwa, dɛ che kiŋkiŋ saŋ bɛlbwa dɛɛ la.

Yela 37:11

Nɛra baa pwɛr ba te la, ɛɛ so harɛ la taa, dɛ́ dɔ deŋnesɔɔhna kohona.

Yela 37:22

Nɛra Korowii aa swee ba andɛɛɡa la, ɛɛ dɔ harɛ laanee, kɛ banɔ la waa taah ba la te, wɛɛ doŋ baa le o ta.

Yela 37:29

Nɛra ba wa aa toɡra la, banee dɛ́ dɔ harɛ la ta so, saŋ bɛlbwa dɛɛ la.

Yela 37:3

Hé kpɔ he te dawɛ Korowii nɛ, dɛɛ ɛ wedɛɛɡa, ásɛ dɛ so harɛ la ta deŋnesɔɔhna ne.

Yela 37:34

Hɛ́ɛ hwɛɡɛ Korowii nɛ, dɛ́ɛ teŋɛ o Mmarare ta. Wɛɛ ɡeloo hé dɔ harɛ la ta so, dɛ́ doŋi nyubinikpeɡ tena la he siwi ta.

Yela 37:9

Nɛra baa dɔ hwɛɡa Korowii nɛɛ la ɛɛ dɔ harɛɛ dɛ́ so o ta, kɛ nyubinikpeɡ tena te, baa doŋ ba le o ta.

Yela 58:9

Mɔɔ ba jemɛ la, dɛ ba teŋ ba ta kɛŋɔ kpɔɡa ken, hen Korowii ɛɛ perewi baa ta he bandia kohona la ne, ɡɛ saŋ ba taa soɡe le la.

Yela 84:12

Nemenɛ Korowii, nomɛlbwa waa kpɔ o te dawɛ he nɛɛ la, o na som.

Sɛɡla 28:25

Nɛn waa dɛ nyin kɛ o ɡbo ɛɛ dɔ la, dɛ́ ba wahala ne, kɛ nɛn waa kpɔ o te dawɛ Korowii nɛɛ la soɡa bini dɛ do wer.

Aesaya 11:9

Nɛra aa ba dɔŋaa kpo kɛɛ dɛ chɔɡ komɛlbwa kpa, Korowii Bwejen waa do ɡoroŋ la ta. Nɛra ɛɛ jemɛ Korowii harɛ la bwa taa, kɛŋɔ mpo aa yɛɛra la ken.

Aesaya 14:32

Webesoo yaa ba toroma baa le harɛ la ta ba la chaŋa ɔ? “Korowii kpɔ Saayɔn cheɡ, ásɛ o nɛra baa dɛ na wahala dɔ bɔr so dɛ́ dɔ ba nyu.”

Aesaya 25:4

He lɛ nyaara ne nɛŋɡwɛɡra ba suna dii tɔpere ta. He dɛ tɔ ba nɛɛ dɛɛ le peukpeɡ ta, wee nyɛɡre aa, he laɡ ba dɛɛ tɛɛ ba chunchule. Nyubinikpeɡ tena do kɛŋɔ, peukpeɡ aa taa dɛ kpɔ nee dɛɛ lɔ danjwɛɛ dɛɛ kuu la,

Aesaya 40:24

Ba do kɛŋɔ kwaa baa dua, kɛɛ kwaa baa mera, a pa mun dɛɛ dɔ lune, asɛ Korowii ɡel peu ta a ta a hol, asɛ kawulewule kpɔa kaa kɛŋɔ haahra ken.

Aesaya 41:16

Hɛɛ palaa ásɛ peu kpɔa kaa, peujen lɔa merɛ. Kɛ he te sie ɛɛ lɛ Korowii nɛɛ, ásɛ dɛ kpɛɛ men Israel Nɛŋɡoroŋ la.

Aesaya 45:20

Korowii ŋɔ, “Harɛre nɛra haa chwaa le laa ta kaa la, hé berɛ ba. Nɛra baa kpɔ daa berɛ voɡa dɛ kpoŋa dɛɛ valɛ la aa waane jemɛ. Ba kpɔ wesoŋa dɛɛ bil voɡa aa wola won lɛɛ ba sie.

Aesaya 49:8

Korowii ŋɔ, “Dɛ saŋ telo kɛŋɔ ń lɛ heya aa, mɛɛ na he sumii dɛ́ cha heya. Mɛɛ nyiŋi heyaa, dɛ́ ɡel he ne nɛra bwa fɔwɛ fɔo. Mɛɛ ɡeloo he ka so he harɛ waa chɔɡa dɛ chɔ pɛɛpɛɛ la ta ja.

Aesaya 56:7

“Mɛɛ la he ne Saayɔn Bwejen waa do ɡoroŋ taa, dɛ́ tɛ heyaa silɛɛ n soŋebɔr bela. N siwi ɛɛ su kwaa baa fuah ɛ saraha dɛɛ tɛ mɛ n saraha kon ta laanee dɛ́ lɛa, dɛkalkɛŋɔ baa yerɛ n Dea Korowii soŋebɔree tɛ harɛre nɛra bwa.”

Aesaya 60:21

He nɛra bwa wa ɛɛ toɡroo, harɛ la ɛ ba kon saŋ bɛlbwa. Baa doo kɛŋɔ daa maa duu o pamɛ le o lur ta ken. Men ta ba, ásɛ baa baɡle n jirima.

Aesaya 65:11

He banɔ la haa berɛ habɔɔ kpo mɛ dɛ vɛh Saayɔn Bwejen waa do ɡoroŋ, dɛɛ tomɛ voɡ Gad ne voɡ Meni.

Aesaya 65:25

Gboli ne pebiiri ɛɛ pɛ bobeŋkpoŋii dɛɛ di, nyujentena chwe kpɔɡa kɛŋɔ nae ken, harɛkon ɡe, teeraa wɛɛ ba dii. A bɛlbwa aa kwaa chɔɡ, aa nɛra ɡee kpo n bwejen waa do ɡoroŋ Saayɔn ta kpa.” Korowiirii bola.

Aesaya 65:9

Mɛɛ swee Israel tena baa ɛ Juda dea tena andɛɛɡaa, ásɛ ba naanar so bwejena dor. Nɛra maa lee ba tɛ n te, baa tom mɛ laanee dɛɛ ba bela soɡa.

Aesaya 66:20

Baa kpɔ he bala baa lɔ bela harɛre la ta laanee ba tɛ mɛ kɛŋɔ koŋkɛɛla ken. Jaɡre ne keeɡore ne nyoɡmare ne kwaa aa do kɛŋɔ torɔɡore, ne anɔ la aa dɔ tɔre baa taɡa nee baa ba koŋkɛɛla ne bala ba tɛ mɛ, n bwejen waa do ɡoroŋ ta Jerusalam. Baa ba a nee kɛŋɔ Israel tena yon kpɔ mea sarahare do kondɛɛɡa bini baa tɛ mɛ n Dea la ken.

Jeremia 2:28

Leperaa voɡare he ɡbabir aa ɛa la dɔɔ? Dɛ waane pu heyaa aa, hé yera, dɛ aa won ba lɛ heya aa! Juda tena, he voɡare warɔ kɛŋɔ he bwɛjena.

Jeremia 22:20

Jerusalam tena, hé ir la ka do lɔŋɔre Lɛbanɔn, dɛ́ la Basan harɛ ne Abarim ɡe ka wi, dɛkalkɛ ba kpoo nɛra baa ja he nɛɛ la bwa.

Jeremia 22:22

Peu ɛɛ tao kpɔ he sitɔɔla baa do kɛ peteɡra la kaa, baa lawɛ nɛra baa ja he nɛɛ laa taa kaa bojaŋ harɛfala ta. Ásɛ he di ncho, sihiih kpoe, he nyubinikpeɡ haa ɛa la wa.

Jeremia 30:14

He daamanar bwa soh he wa, bɛlbwa toole dɛɛ nyiŋi heyaa kɛrɛdɛ kpa. N baa yo heya kɛ he dɔm, dɛ tɛr he deŋne kohona, dɛkalkɛ he wechɔɡa ne he nyubinikpeɡ kan kɛrɛdɛ.

Ɛsekeɛl 20:40

Saayɔn Bwejen waa do ɡoroŋ dɛ do Jerusalam la taa he Israel tena la bwa ɛɛ ba men toma. Belaa mɛɛ ba he saraha kwaa aa do ɡoroŋ, ne anɔ la aa le he bambile ta he kpɔ dɛɛ ba ba tɛ mɛ la lɛɛ. Men Korowiirii bola.

Hosia 13:3

A ɡɛ nomanta, baa nyoɡroo warane kɛŋɔ kɔɔla aa tɔa chɔɔbɔr, kɛŋɔ mɛn aa wola biɡri dɛ a leo la, kɛŋɔ haahra peu aa taa dɛ kpɔa le pɛla ta kaa la, dɛ do kɛŋɔ chuu aa kpɔ tokoro ta dɛɛ le.

Joel 3:17

“Anee dɛɛ ba ɡela he jemɛ kɛŋɔ men Korowii haa dɛ tom mɛ, n soɡe n Saayɔn Bwejen waa do ɡoroŋ la ta. Jerusalam ɛ bwɛjen maa lea cheɡ o do ɡoroŋ, nɛŋhɔɔhra aa won ba yo dɛ́ pɔ n nɛra nɛɛ kpa.

Sekaria 7:13

Gɛ maa bola ba ta noɛ la, ɡɛɛ ba ɡe soŋ mɛ naa, maa wola no.

Sitɔɔla 10:14

Waa pu heya aa, hé ka wi no voɡa haa lea cheɡ tɛ he te la, ásɛ a lɛ heya.”