Aesaya 56:8 - mzwDBL

⁸ Nemenɛ Korowii waa tɔ Israel tena sie dɛ le ba ne bojaŋ harɛfale ta la ŋɔ, “N ta ɛɛ ba bane ɡe nee, ba ba ja ba nɛ.”

Aesaya 56:8 ပူးပေါင်းရင်းမြစ်များ

Amanesoma Jɔn Aa Chwera Tɔn 10:16

N peera ane ta lɔ leɡa ane bini. Mɛɛ nyin a ɡe bɔree dɛ́ tɔ a sie dɛ́ kpɔa ba ja anɔ ta, ásɛ aa no n taa dɛ́ bwa ɛ beŋkpoŋ, dɛ́ pɛ dɛɛ teŋɛ n nɛ.

Aesaya 54:7

“Tamaa kenii n ɡele, kɛ n tea ɛɛ domɛ he nɛɛ kohona, dɛ́ berɛ ba he ne.

Ɛfesos 1:10

asɛ a ɛ ɡɛ saŋ la waa liira la. O cheɡa kɛŋɔ wɛɛ ɡeloo nyundua ne harɛ ta komɛlbwa ɛ beŋkpoŋ, ásɛ Yeesu Kristo ɛ ba Dɔɔ.

Jeremia 31:10

Korowii ŋɔ, “Harɛre nɛra, hé no, hɛ́ɛ bol n waa la mpo nyoa bojaŋ harɛre ta. N lɔ n nɛra Israel tena peɡre, kɛ mɛɛ berɔ boa ba nyoa, ásɛ dɛ nyiŋi ba nɛɛ kɛŋɔ peteɡre aa dɛ nyiŋi peera la ken.

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

Amanesoma Jɔn Aa Chwera Tɔn 11:52

Juu tena ɡbo laa. Ba ne Korowii nɛra baa lɔ bobɛlbwa la bwa sewee wɛɛ ba lɛɛ sewɛ dɛ́ lawɛ ba bwa pɛ, ásɛ ba ɛ beŋkpoŋ.

Maeka 4:6

Korowii ŋɔ, “Tɔpere bɛl dɛ ba, ásɛ n boa nɛra maa tɛr ba deŋne nyoa, nɛra maa ɡela ba laɡ ba laa ta kaa bojaŋ harɛfala ta la.

Hosia 1:11

Juda ne Israel tena ɛɛ berɔ pɛ, ásɛ dɛ le nɛmbeŋkpoŋ ó ɛ ba sitɔɔ. Ba harɛ la ɛɛ do werii ba dɔ ba te, awola ɛɛ ɛ tɔpejenii tɛ Jesreel tena.

Jeremia 30:17

Kɛ mɛɛ berɔ ɡel he dɔ bokpeɡa ásɛ dɛ chah he ŋwɛra, a lole kɛŋɔ he dɔma dɛ bol kɛŋɔ, ‘Ba vɛh Saayɔn, nomɛlbwa aa o waa dawɛ kpa.’ Men Korowiirii bola.”

Aesaya 49:22

Kenii Nemenɛ Korowii ŋɔ o nɛra be, “Mɛɛ kwɛr harɛre nɛraa, ásɛ ba kpɔ he bii berɛ ba dem.

Aesaya 49:12

Baa le bojaŋaa ba, bane ɛɛ le weekaŋle nyunduabɔree, bane ɡe le wee cholibɔr dɛ́ ba, ásɛ bane ɡe le Aswan dɛ́ ba.”

Aesaya 43:6

Mɛɛ ŋɔ weekaŋle nyunduabɔr, ne weekaŋle harɛbɔr tena bee ŋɔ bá tɛɛ ba ŋwɛnɛ bá kaa! Hé kpɔ n bibaala le bojaŋ ba, dɛ́ kpɔ n bitoli baa lɔ harɛ jaɡa ɡe ba,

Yela 147:2

Korowii berɔ kwaa ma Jerusalam, dɛ lawɛ Israel tena baa laɡ ba kaa harɛfala ta la ba.

Yela 106:47

N Naa Korowii yaa dɛ tomɛ, lɛ yaa dɛ́ berɛ lawɛ yaa le harɛre ta ba, ásɛ ya kpɔ jam tɛɛ dɛ́ kpɛɛ he sɔn waa do ɡoroŋ la.

Amanesoma Jɔn Aa Chwera Tɔn 7:35

Anee Juu tena nomonome la bɔɔ dɔŋa ŋɔ, “Amɔ leperaa baa nɔ ɛɛ nyin kaala ásɛ yaa wola on ba na kpa nɔɔ? O ken ɛɛ kaa Juu tena baa jo pua ka so Grik tena harɛ ta la bee, dɛ́ kaa chaɡle Grik tena o waa la kɛɛ?

Ɛsekeɛl 34:12

Gɛ peteɡre la peera ne dibɔr, dɛ ane peɡrɔ o yon ɡaaɡe dɛɛ nyin a bɔr la, ɡɛɛ Israel tena fa peɡre kaa harɛre bwa ta awola tɔpechɔɡe bɛl wee. Mɛɛ ɡaaɡe ba bɔree name, dɛ́ berɛ ba ba ne.

Aesaya 49:6

O ŋɔ n be ŋɔ, “N bonɔɔ, n dɔ wejena ane tɛɛ he ɛ. Israel tena baa kaa la ɡbo sie laa hɛɛ ba tɔe. Mɛɛ ɛɛ kɛŋɔ kandea hɛ́ɛ chaah harɛre nɛra baa wola Israel tena ɛɛ la bwa nɛ, ásɛ n won lɛ nɛra baa lɔ harɛ jaɡa bwa.”