Aesaya 56:7 - mzwDBL

⁷ “Mɛɛ la he ne Saayɔn Bwejen waa do ɡoroŋ taa, dɛ́ tɛ heyaa silɛɛ n soŋebɔr bela. N siwi ɛɛ su kwaa baa fuah ɛ saraha dɛɛ tɛ mɛ n saraha kon ta laanee dɛ́ lɛa, dɛkalkɛŋɔ baa yerɛ n Dea Korowii soŋebɔree tɛ harɛre nɛra bwa.”

Aesaya 56:7 ပူးပေါင်းရင်းမြစ်များ

1 Koranar 8:41

Hɔɔhra baa wola Israel tena ɛɛ ɛɛ le bojaŋ harɛ bɛl taa dɛ́ ba tomɛ he Dea nɔ bini,

Yela 2:6

“N cheɡ n kooro n deŋɡare waa do ɡoroŋ Saayɔn ta.”

Kaala 28:38

Wɛɛ dawɛ Arɔn tile taa ásɛ dɛ Israel tena kpɔ ba saraha kwaa bɛlbwa soo siwi ba tɛ mɛ dɛ ba koni a ta naa, bolchɔɡe la ba dawɛ Arɔn nɛ. Gɛɛ wɛɛ ba o tile ta dawa saŋ bɛlbwa ásɛ n lɛ ba saraha kwaa la.

Aesaya 11:9

Nɛra aa ba dɔŋaa kpo kɛɛ dɛ chɔɡ komɛlbwa kpa, Korowii Bwejen waa do ɡoroŋ la ta. Nɛra ɛɛ jemɛ Korowii harɛ la bwa taa, kɛŋɔ mpo aa yɛɛra la ken.

Aesaya 19:19

Baa ɛ saraha kon Ijipt harɛ baah taa tɛ Korowii, ásɛ dɛ kpɔ bwe ka pa o jwɛh ta tɛ Korowii, dɛ́ kpɔ dɛɛ lii, awola tɔpere.

Aesaya 19:21

Korowii ɛɛ kpɔ o tenee baɡle Ijipt tena bá jemɔ awola, dɛ́ tomɔ dɛ́ kpoo kwaa tɛo, ásɛ dɛ kpɔ mea sarahare ɡe tɛo. Baa baɡɔ nyoa dɛɛ teŋɛ a ta.

Aesaya 25:6

Koranar Bwa Kooro ɛɛ yerɛ harɛre nɛra bwaa ŋɔ, bá ba di kondikonjena, dɛ́ nyɔ sendɛɛɡa dɛ́ lɛ ba sie, Saayɔn Bwejen ta Jerusalam.

Aesaya 56:5

baa dɔ komɛl waa ɡwaa bibaala ne bihaahnaa. Mɛɛ ɡeloo ba sɔn ka n Dea, dɛ́ do le saŋ bɛlbwa, bá kpɔ dɛɛ liiru.”

Aesaya 57:13

Dɛ waane pu heya aa, hé do lɔŋɔ tɛ he voɡdamanta la, á ba lɛ heya. Peu bɛlbwa ɛɛ won che a bwa kaa. Nyoa peu kwaraa ɛɛ won kpɔa kaa. Kɛ nomɛlbwa waa kpɔ o te dawɛ n nɛɛ la te ɛɛ so harɛ la taa, dɛ́ tom mɛ N Dea Jerusalam.”

Aesaya 60:11

He doonyoone ɛɛ yao che saŋ bɛlbwa chɔɔ ne jwaana, aa wola tɔ kpa bwa, ásɛ harɛre koranar tɔ ba nɛra sie, dɛ́ kpɔ ba kondɔɔh jo he be.

Aesaya 60:7

Baa kpɔ Keda peera bwaa ba tɛ heya, Nɛbayɔt pebala ɡe ɛɛ he kwaa, ásɛ he kpoora saraha kon ta tɛ men Korowii, dɛ́ kpɔ jirima ba n Dea.

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Aesaya 65:11

He banɔ la haa berɛ habɔɔ kpo mɛ dɛ vɛh Saayɔn Bwejen waa do ɡoroŋ, dɛɛ tomɛ voɡ Gad ne voɡ Meni.

Aesaya 65:25

Gboli ne pebiiri ɛɛ pɛ bobeŋkpoŋii dɛɛ di, nyujentena chwe kpɔɡa kɛŋɔ nae ken, harɛkon ɡe, teeraa wɛɛ ba dii. A bɛlbwa aa kwaa chɔɡ, aa nɛra ɡee kpo n bwejen waa do ɡoroŋ Saayɔn ta kpa.” Korowiirii bola.

Jeremia 7:11

He dɛ lii kɛ n Dea maa ŋɔa baa tom mɛ o bini nɔ ɛ ŋwɛɛra sɔɔhbɔr kɛɛ? N na waa haa dɛ ɛ bwa.

Ɛsekeɛl 20:40

Saayɔn Bwejen waa do ɡoroŋ dɛ do Jerusalam la taa he Israel tena la bwa ɛɛ ba men toma. Belaa mɛɛ ba he saraha kwaa aa do ɡoroŋ, ne anɔ la aa le he bambile ta he kpɔ dɛɛ ba ba tɛ mɛ la lɛɛ. Men Korowiirii bola.

Ɛsekeɛl 47:22

Hé bɔna á ɛ kapɛrɛ tɛ he ne nɛŋhɔɔhra baa soɡe he bini dɛ dɔ bii la. Hé kpɔ ba kɛŋɔ bwɛɛlembii baa lol ba Israel harɛ ta, he ne ba bwaa dɛ́ pɛ dɔ kapɛrɛ Israel harɛ deene bini.

Joel 3:17

“Anee dɛɛ ba ɡela he jemɛ kɛŋɔ men Korowii haa dɛ tom mɛ, n soɡe n Saayɔn Bwejen waa do ɡoroŋ la ta. Jerusalam ɛ bwɛjen maa lea cheɡ o do ɡoroŋ, nɛŋhɔɔhra aa won ba yo dɛ́ pɔ n nɛra nɛɛ kpa.

Sekaria 8:3

Mɛɛ berɔɔ ba Jerusalam, bela n Saayɔn Bwejen aa lole dɛ́ ba so. Baa yerɛ Jerusalamee Kasinteŋ Bwɛjen, ásɛ dɛɛ yerɛ men Koranar Bwa Kooro Bwejen la Bwejen Waa Do Goroŋ.”

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Matiu 21:13

dɛ ŋɔ ba be ŋɔ, “Ba chwerɔ do Korowii Tɔn la bini ŋɔ, ‘Baa yerɛ n Dea Korowii soŋebɔree,’ ɡɛɛ he te kpɔ bela berɛ ŋwɛɛra sɔɔhbɔr aa?”

Amanesoma Mak Aa Chwera Tɔn 11:17

Asɛ o bol waa dɛɛ baɡ ba ŋɔ, “Ba ta chwerɛ ŋɔ, ‘Baa yerɛ n Dea harɛre nɛra bwa Korowii soŋebɔr’ yaa? Gɛɛ he te berɛ kpɔɔ berɛ ŋwɛɛra sɔɔhbɔr aa?”

Amanesoma Luk Aa Chwera Tɔn 19:46

O ŋɔ ba be ŋɔ, “Ba chwerɔ do Korowii Tɔn la bini ŋɔ, ‘N dea ɛ Korowii soŋebɔr,’ ɡɛɛ he te berɛ kpɔ bela berɛ ŋwɛɛra sɔɔhbɔr aa?”

Tɔn Pɔɔl Aa Chwerɛ Rom Tena 12:1

Anomanta, yabala, n dɛ soŋe heya. Hé nyiŋi Korowii suna waa sune ya nɛɛ la dɛ́ kpɔ he te tɛo. Gɛ baa kpɔ kondɛɛɡa aa chɛ Korowii dɛɛ su o siwi dɛ kpo dɛ ɛ saraha tɛo dɛɛ tomɔ la, hé ɡe kpɔ he te kɛŋɔ ɡɛ saraha la, dɛ́ laa doŋa bɛlbwa kpɔ he nɛɛ dɛɛ tomɔ he bokpeɡa ne. Gɛɛ a chɛ kɛ hɛɛ tomɛ Korowii.

1 Timoti 2:8

N dɛ nyin kɛ bobɛlbwa baala baa ɛ asɔre tena la laa ba te kpɔ bandisale ne wetɔŋla ta, ásɛ dɛ won ɛ nɛndɛɛɡa dɛ́ ir nɔɔra soŋe Korowii.

Hibru 12:22

He te aa ba Korowii be nɔ, Saayɔn Bwejen ne Jerusalam waa lɔ nyundua dɛ ɛ Korowii waa lole saŋ bɛlbwa bwɛjen la, o taa he ba. Bela nyundua toroma kaɡboŋlafa aa chema silɛɛ ne laanee he ba.

Hibru 13:15

Anomanta, a chɛ kɛ ya che Yeesu nɛɛ dɛ ɛ ya saraha dɛɛ tɛ Korowii saŋ bɛlbwa. Saraha yaa dɛ ba ɛɛ laanee kɛŋɔ yáa dɛɛ kpɛɛroo dɛɛ yerɛ o sɔn.

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.