Aesaya 56:6 - mzwDBL

⁶ Korowii ŋɔ nɛŋhɔɔhra baa kpɔ ba te ba pɛlo, asɛ dɛɛ tomɔ, dɛɛ nyinu dɛɛ yerɛ o sɔn, dɛɛ di Ona Tɔpere baa wola on chɔɡ, dɛ lawɛ o fɔo la bini kiŋkiŋ la be ŋɔ,

Aesaya 56:6 ပူးပေါင်းရင်းမြစ်များ

Jeremia 50:5

Baa bɔɔ Saayɔn ŋwɛnɛ waa, dɛ́ kpɔ sie chaɡɛ bela kaa. Baa kpɔ ba tenee ba pɛl men Korowii, ásɛ n ne ba fɔwɛ fɔo waa do le saŋ bɛlbwa dɛɛ la, baa wola o waa soh bwa.

Aesaya 58:13

Korowii berɔ ŋɔ, “Dɛ he nyiŋi Ona Tɔpere la ta o do ɡoroŋ tɛ heya, he ta he ɡbaɡba we-ɛɛla ɛɛ, dɛ liiru kɛŋɔ o ɛ men Korowii tɔpere baa dɛ onɛ o ta, haa wola kpɔe valɛ he ɡbaɡba ŋwɛnɛ, kɛɛ dɛ ɛ he toma dɛ bol wobochɔɡa aa,

Jems 2:5

Yabala, hé no! Korowii we-ɛɛlaa kɛŋɔ ó le harɛ nɔ ta nyaara baa yaradao kɛrɛdɛ ásɛ ba yarada la ɛɛ ba kondɔɔh, ásɛ ba dɔ bɔr dɛ́ ja o Kora waa baɡɛ nyoa ŋɔ wɛɛ ɡeloo nɛra baa dɛ nyinu ja o ta la.

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

Aesaya 44:5

Bɛl ɛɛ bao dɛ ŋɔ, ‘Korowiirii mɛɛ tomɛ,’ ásɛ bɛl ɡe kpɔ Jekɔb sɔn dawɛ o nɛ, bɛl ɡe chwerɛ o nɔn ta kɛŋɔ ‘Korowii nɛnee men,’ ásɛ dɛ kpɔ Israel sɔn pa o te.”

Wepila 1:10

Awola bɛl, ya Dɔɔ Tɔpere ta, Korowii Domadɛɛɡe ir n nɛ, n no takpeɡ bɛl n habɔɔ kɛŋɔ bɛla aa dɛ si ken.

We-ɛɛla 2:41

Nɛra la kɛrɛdɛ yarada Pita wobol la, asɛ ba sɔ ba Korowii ne. Ba nɛra kaɡboŋa batoroo yarada Yeesu waa dɛ kpɔ ba te tɛo awola tɔpere la ta dɛ ba ja ba nɛ.

Jems 1:12

He bini bɛlbwa waa takapɔ lawɛ bambile dɛ́ɛ na wahala la, o na som. Dɛ wenaale la kpoŋee la sie dɛ ba horɛ, kɛ he ta teŋɛ Korowii nɛɛ he bambile bwa ne naa, wɛɛ tɛɛ mkpa waa ŋɔa ŋɔ wɛɛ kpɔɔ tɛ nɛra baa dɛ nyinu laanee, á ɛ kompoŋ haa yoa dɛ le ba vɔwɛ.

Ɛfesos 6:24

dɛ́ sune he nɛ, dɛ́ cha he banɔ la bwa haa dɛ nyin ya Dɔɔ Yeesu Kristo bambile bwa ne aa wola jaɡa dɔe la.

2 Kɔrent 8:5

Ba ɛ waa dɛ ɡwaa ɡɛ ya te fe aa dɛ lii. Ba tɔ sie kpɔ ba te do N Naa Korowii nɔn ta, mɔɔ dɛ kpɔ ba te do ya ɡe nɔn ta ɡɛ Korowii aa dɛ nyin.

1 Kɔrent 16:22

Nomɛlbwa waa wola ya Dɔɔ nyin la, Korowii nyotaahna lɔ o nɛ. Ya Dɔɔ, ba!

Tɔn Pɔɔl Aa Chwerɛ Rom Tena 8:28

Ya jemɔ kɛŋɔ nɛra baa dɛ nyin Korowii la, wobɛlbwa aa puu ba la, o ɡelɔ a ɛ wedɛɛɡa dɛɛ tɛɛ ba. O tetooraa o lee ba ba ɛ o bii.

We-ɛɛla 11:23

Waa la bela dɛ ka na ɡɛ Korowii aa nyin ba dɛɛ cha ba la, o sie lɛo. Anomanta, o ja ba dɛ do ba ɡbemba ŋɔ báa teŋɛ Yeesu ŋwɛnɛ ta ba bambile bwa ne.

Aesaya 61:5

Nɛŋhɔɔhra ɛɛ tomɛ heyaa, dɛɛ teɡɛ he peera, dɛ berɛ dɛɛ parɛ he kooni dɛɛ nyiŋi he daa kooni ta.

Aesaya 60:10

Korowii ŋɔ Jerusalam tena be ŋɔ, “Nɛŋhɔɔhraa dɛ́ berɛ ba kwaa ma he bwɛjen nɔ danjwɛɛre, ásɛ ba koranar ɛɛ tomɛ heya. N baahnee fa dia n tɛr he deŋne. Taraken te, mɛɛ dɔ tedomaa tɛ heya, dɛ́ sune he nɛ.

Aesaya 14:1

Korowii ɛɛ dɔ tedomaa tɛ Israel tena, wɛɛ berɔ lee ba tɛ o te ja, dɛ́ kpɔ ba ba so ba ɡbaɡba harɛ ta. Hɔɔhra ɛɛ ba ja ba nɛɛ ba ne ba pɛ so.

Aesaya 61:6

Baa yerɛ heyaa Korowii sɔforee, ne Korowii haa dɛ tomɔ la bonɔɔna. Harɛre nɛra kondɔɔh ɛɛ ɛ he kwaa, ásɛ he koh a waa dɛɛ ɛ mbarafo.

Ɛsekeɛl 20:13

Kɛ ane a bwa, ba ɛɛ mɛ deŋnekpeɡ pua hɛŋle ɡbo harɛ ta bela. Ba ta n waa ta teŋɛ, dɛ vɛh me Mmarare nomɛlbwa fe aa teŋɛ a ta ásɛ dɛ fe dɔ mkpa la. Ba chɔɡ Ona Tɔpera la. Anomanta, n ŋɔ mɛɛ kpɔ n bandia ba ta ba nɛɛ kohona, dɛ́ chɔɡ ba bwa pua hɛŋle ɡbo harɛ ta bela.

Ɛsekeɛl 47:22

Hé bɔna á ɛ kapɛrɛ tɛ he ne nɛŋhɔɔhra baa soɡe he bini dɛ dɔ bii la. Hé kpɔ ba kɛŋɔ bwɛɛlembii baa lol ba Israel harɛ ta, he ne ba bwaa dɛ́ pɛ dɔ kapɛrɛ Israel harɛ deene bini.

Sekaria 6:15

Nɛra ɛɛ le bojaŋaa ba, dɛ́ ba cha bá kwaa ma Korowii Dea la. Ásɛ he jemɛ kɛ Koranar Bwa Kooroo tom mɛ he be. Dɛ hɛɛ teŋɛ waa Korowii haa dɛ tomɔ aa do heyaa a ta kɛrɛdɛ tenaa, ɡɛ waa nɔ ɛɛ ɛo.”

1 Koranar 8:41

Hɔɔhra baa wola Israel tena ɛɛ ɛɛ le bojaŋ harɛ bɛl taa dɛ́ ba tomɛ he Dea nɔ bini,