Aesaya 56:5 - mzwDBL

⁵ baa dɔ komɛl waa ɡwaa bibaala ne bihaahnaa. Mɛɛ ɡeloo ba sɔn ka n Dea, dɛ́ do le saŋ bɛlbwa, bá kpɔ dɛɛ liiru.”

Aesaya 56:5 ပူးပေါင်းရင်းမြစ်များ

Aesaya 2:2

Tɔpere bɛl dɛ ba ásɛ bwe Korowii Dea aa chɔŋɛ o ta Jerusalam la waa ba hiah ɡwaa bwea bwa, ásɛ o sɔn le bwea bwa bini, ásɛ harɛre nɛra warɛ dɛ́ ba o ta.

Aesaya 2:3

Nɛra ɛɛ warɔɔ dɛ́ ka ŋɔ, “Hé ba ya kaa Korowii Saayɔn Bwejen la doa Jerusalam, Korowii Jekɔb aa tomɔ la Dea. Wɛɛ baɡle yaa o ŋwɛnɛree, ásɛ yaa valɛ o webaɡla ta.” Saayɔn Bwejen taa o Mmarare ɛɛ ba lee, bá bol baɡle o nɛra Jerusalam bela.

Aesaya 26:1

Tɔpere bɛl dɛ ba, ásɛ Juda harɛ nɛra ɡo yel nɔ harɛ la ta. Ya dɔ bwɛjen danjwɛkpeɡ aa baro name, Korowii ɡbabirii cheɡɛ ya habɔɔ, dɛɛ nyiŋi danjwɛɛ waa baro ta.

Aesaya 43:7

ba ɛ n nɛra, menee ta ba, ba kpɔ jirima dɛɛ tɛ mɛ.”

Aesaya 48:19

He naanar fe ɛɛ warɔ kɛŋɔ mpo nyoa hɛŋle ken. N fe nyiŋ ba kɛrɛdɛ ba dɔma bɛ won chɔɡ ba, ásɛ ba sɔn bɛ he.”

Aesaya 55:13

Bela sɔɔhne aa lole la, dajaŋa ɛɛ le a buɡ taa, ásɛ jabalnadaŋɛre le dadɛɛɡa buɡ ta. Gɛ waa nɔ ɛɛ ɡeloo Korowii dɔ sɔn kohona, dɛ́ chɔ saŋ bɛlbwa dɛɛ lii waa men Korowii aa ɛa.”

Aesaya 56:7

“Mɛɛ la he ne Saayɔn Bwejen waa do ɡoroŋ taa, dɛ́ tɛ heyaa silɛɛ n soŋebɔr bela. N siwi ɛɛ su kwaa baa fuah ɛ saraha dɛɛ tɛ mɛ n saraha kon ta laanee dɛ́ lɛa, dɛkalkɛŋɔ baa yerɛ n Dea Korowii soŋebɔree tɛ harɛre nɛra bwa.”

Aesaya 60:18

Haa yoi ɡbɔɡaa no he harɛ ta kpa, wobɛlbwa aa chɔɡ he harɛ ta kpa bwa. Mɛɛ tɔe ɡbemɡbee kɛŋɔ danjwɛɛ ken dɛ́ lɛɛ, ásɛ he kpɛɛ mɛ, lɛɛ maa lɛɛ ta la wa.

Aesaya 62:12

Baa yer baa ‘Korowii Nɛra Baa Do Goroŋ’, ne ‘Nɛra Korowii Aa Lɛɛ Ba’. Baa yerɛ Jerusalam ɡee, ‘Bwɛjen Korowii Aa Dɛ Nyin’, ne ‘Bwɛjen Korowii Aa Wola On Vɛɛh’.

Aesaya 62:2

Harɛre nɛra bwa ɛɛ na Jerusalam ne o nɛra toɡra baa toɡra, ba koranar bwa ɡe na he jirima. Korowii ɡbabir ɛɛ tɛɛ sɔnfalee.

Aesaya 66:20

Baa kpɔ he bala baa lɔ bela harɛre la ta laanee ba tɛ mɛ kɛŋɔ koŋkɛɛla ken. Jaɡre ne keeɡore ne nyoɡmare ne kwaa aa do kɛŋɔ torɔɡore, ne anɔ la aa dɔ tɔre baa taɡa nee baa ba koŋkɛɛla ne bala ba tɛ mɛ, n bwejen waa do ɡoroŋ ta Jerusalam. Baa ba a nee kɛŋɔ Israel tena yon kpɔ mea sarahare do kondɛɛɡa bini baa tɛ mɛ n Dea la ken.

Aesaya 66:22

Korowii ŋɔ, “Gɛ harɛfale la ne nyundufale maa dɛ́ ba tae a che n kpeɡri ta dɛ́ che kiŋkiŋ la, ɡɛɛ he ne he naanar sɔna ɛɛ ba cheɡa.

Sefania 3:20

Saŋ bɛl dɛ ba ásɛ n boa he nɛra baa peɡra nyoa, dɛ́ ba ba ne dem. Mɛɛ ɛ heyaa nɛnjenaa, ásɛ harɛ nɔ ta nɛra bwa kpɛɛ heya, dɛ́ ɡel he berɛ dɔ kondɔɔh ja. Men Korowiirii bola.”

Matiu 16:18

Anomanta, n ŋɔ he sɔne Pita, o munii Bwe. Gɛ bwe nɔ taa mɛɛ ba n dea doe chɔŋɛ. N habɔteŋraa n dea la. Hale seo kwara aa wola won pɔ ba nɛɛ bwa.

Amanesoma Jɔn Aa Chwera Tɔn 1:12

Kɛ nɛra la te bwa baa lɛo dɛ yaradao la, o tɛɛ ba kpeɡri kɛŋɔ bá ɛ Korowii bii.

Ɛfesos 2:22

Pɛɛ he ne waa pɛa la nomanta, he ɡba ja dea la Korowii aa dɛ ma o ɛ o dobɔr la ta. O Domadɛɛɡe la aa soɡe he nɛɛ la nomanta, he ɛ o dobɔr.

1 Timoti 3:15

ásɛ dɛ n baa biɡri aa, tɔ́n nɔ baɡle ɡɛ aa chɛ kɛ yá banɔ la Korowii aa kpɔ yaa ɛ o dem tena nɔ so dɛɛ ɛ ya wa. Yanee Korowii waa lole saŋ bɛlbwa la toroma, o kpɔ o kasinteŋ waa la tɛ ŋɔ yá lawɛ a bini kpoŋe kiŋkiŋ, kɛ pila yon lawɛ dea kpoŋe la.

Hibru 3:6

Kɛ Yeesu Kristo te kasinteŋ waa dɔa la, Korowii Bie on, asɛ o ɛ Korowii nɛra bwa nomoa. Ya yarada yaa dɔa Yeesu Kristo nɛɛ, ne hwɛɡa yaa dɔa ya sie lɛ a ta la, ya lawɛ a bini kpoŋe kiŋkiŋ naa, Yeesu Kristo nɛraa yan.

1 Jɔn 3:1

Hé na nyina ya Mɛɛ waa lɔ nyundua aa dɛ nyin yaa, dɛɛ yerɛ yaa o bii. Ya ɛ o bii kpela. A waa ɡela nɛra baa dɔ harɛ nɔ ta ɡbo liire aa wola yaa jemɛ la. Gɛ baa wola Korowii jemɛ la, ɡɛɛ baa wola ya ɡe jemɛ.

Wepila 2:17

Nomɛlbwa waa dɔ deŋna la, ó no waa Korowii Domadɛɛɡe aa dɛ bol asɔre tena be la. Naate waa won yo le la, mɛɛ tɛo kondikwaa ane soo siwi baa dɛ yera maana nomɛlbwa aa wola an nae bwaa ó di, dɛ́ tɛo bwedɛɛɡe ompoŋ bɛl maa chwerɛ sɔnfale bɛl dawɛ o ta, nomɛlbwa aa wola sɔn la jemɛ, nemenɛ naate maa kpɔ tɛo la ɡbo.”

Wepila 3:12

Naate waa won yo le la, mɛɛ ɡeloo ó ɛ kɛŋɔ pila n Mɛɛ Korowii Dea bini, waa wola belaa le kpa bwa. Mɛɛ chwerɛ n Mɛɛ Korowii sɔn ne o bwɛjen Jerusalam sɔnee dawɛ o nɛ. Jerusalamfale waa dɛ ba n Mɛɛ Korowii be nyundua lee dɛ́ ba he be la sɔnee mɛɛ ba chwera dawɛ o nɛ, dɛ́ berɛ chwerɛ n sɔnfale dawɛ o nɛ.

Wepila 3:5

Naate waa won yo le la, mɛɛ tɔɔ yapoŋee kɛ ban. Maa o sɔnee fee le Mkpa Tɔn la bini bwa. Mɛɛ bol o waa n Mɛɛ ne o nyundua toroma la bee, kɛŋɔ n nɛnee on.

1 Samoɛl 1:8

O jaa yon bɔɔro ŋɔ, “Ɛrɛɛ hɛɛ wiɔ? Bɔkwa waa he ŋɔ haa kwaa diɔ? Saŋ bɛlbwa he bambile yon chɔɡ kohona ɡɛ nɔ wer aa? N ne he soɡa nɔ ta ɡwaalɛ kɛ he fe aa lolɛ bibaala fi aa?”