Aesaya 56:3 - mzwDBL

³ Dɛ nɛŋhɔɔh kpɔ o te ja Korowii nɛra nɛɛ aa, o bɛ ŋɔ, “Korowii aa men lɛ ja o nɛra baa dɛ tomɔ nɛ.” Nomɛlbwa baa fɔɡɛ o lur ɡe bɛ ŋɔ, “N te heo.”

Aesaya 56:3 ပူးပေါင်းရင်းမြစ်များ

2 Webena 6:32

Hɔɔhra baa wola Israel tena ɛɛ ɛɛ le bojaŋ harɛ bɛl taa, dɛ́ ba tomɛ he Dea nɔ bini, dɛkalkɛŋɔ ba no kpeɡri haa dɔa ne he sɔn ne wejena haa ɛa wa. Dɛ ba bini bɛlbwa kpɔ sie chaɡɛ he Dea nɔ dɛ soŋe naa,

Ɛsta 9:27

Juu tena la lɛo dawɛ ba nɛɛ kɛŋɔ, ba ne ba naanar ɛɛ nyiŋi kɛrɛdɛɛ, dɛɛ di ɡɛ tɔpera anɛ la bena bɛlbwa. Hale banɔ la baa wola Juu tena ɛɛ, dɛ kpɔ ba te ba ja ba nɛɛ la bwa jao. Asɛ baa dia ɡɛ Mɔdekae aa do ba, ne saŋ waa lea cheɡ tɛɛ ba la.

Aesaya 14:1

Korowii ɛɛ dɔ tedomaa tɛ Israel tena, wɛɛ berɔ lee ba tɛ o te ja, dɛ́ kpɔ ba ba so ba ɡbaɡba harɛ ta. Hɔɔhra ɛɛ ba ja ba nɛɛ ba ne ba pɛ so.

Aesaya 39:7

Baa larawe he ɡbaɡba naanar la banee kaa, dɛ́ ka fɔɡɛ ba lure, bá do Babelɔn koodem dɛɛ tomɛ.”

Aesaya 56:5

baa dɔ komɛl waa ɡwaa bibaala ne bihaahnaa. Mɛɛ ɡeloo ba sɔn ka n Dea, dɛ́ do le saŋ bɛlbwa, bá kpɔ dɛɛ liiru.”

Aesaya 56:6

Korowii ŋɔ nɛŋhɔɔhra baa kpɔ ba te ba pɛlo, asɛ dɛɛ tomɔ, dɛɛ nyinu dɛɛ yerɛ o sɔn, dɛɛ di Ona Tɔpere baa wola on chɔɡ, dɛ lawɛ o fɔo la bini kiŋkiŋ la be ŋɔ,

Jeremia 50:5

Baa bɔɔ Saayɔn ŋwɛnɛ waa, dɛ́ kpɔ sie chaɡɛ bela kaa. Baa kpɔ ba tenee ba pɛl men Korowii, ásɛ n ne ba fɔwɛ fɔo waa do le saŋ bɛlbwa dɛɛ la, baa wola o waa soh bwa.

Lewi Dea Tena 21:20

ne chacha te kɛɛ kiribi te, ne nɛn waa dɔ siweela te bwa soo siwi kɛɛ bwadabii weela kɛŋɔ ŋwɛra aa dɛ wi ne, kɛɛ o lure aa chɔɡa.

Lewi Dea Tena 25:45

Hɛɛ won yawɛ nɛŋhɔɔhra baa baa so he bini tama, dɛ́ loɡle he harɛ ta bii bá ɛ he nɛndɔɔla. Ásɛ dɛ kpɔ ba ɛ he kondɔɔh,

Sefania 2:11

Korowii ɛɛ ɡeloo ɔmee kohona chole ba nɛ, dɛ́ chɔɡ ba voɡare aa lɔ harɛ la ta bwa. Ásɛ harɛ bɛlbwa ta nɛra ɛɛ tomɔ, bɛlbwa ɛɛ dɛɛ tomɔɔ o ɡbaɡba harɛ taa.

Nɛra Kura 18:4

Lewi dea tena la chɛ kɛŋɔ bá ba ja he nɛ, dɛɛ ɛ toma bɛlbwa sese aa lɔ n Dea Cheremibɔr bela. Kɛ nɛmpɛɛ bɛlbwa ta chɛ kɛŋɔ ó ba bela haa lole la.

Nɛra Kura 18:7

He ne he bibaala la ɡboo chɛ kɛ hé ɛ sɔfore toma kon baa dɛ ɛ saraha o ta ne pateesan la bini toma. N kpɔ sɔfore toma la dɛɛ kɛ heya. Nɛmpɛɛ bɛlbwa waa ba Boɡoroŋ la jwɛɛh la chɛ kɛ bá kpoo.”

We-ɛɛla 10:34

Belaa Pita pa o wobol mun dɛ ŋɔ, “Taraken te n nao kɛŋɔ kpela, nɛwɛnyini bɛlbwa ta o dɔŋ ɡwaalɛ Korowii be.

We-ɛɛla 17:4

Bane yarada Pɔɔl waa la, dɛ ba ja o ne Silas nɛ. Bela haahna baa ɛ nɛnjena la ɡalɡa, ne bela Grik tena baa dɛ tomɛ Korowii la ɡalɡa ɡe baa ja ba nɛ.

We-ɛɛla 18:7

Waa le ba be la, o kaa choɡ baa bɛl waa dɛ tomɛ Korowii ɡɛ Juu tena aa dɛ tomɛ Korowii baa yerɔ Titeɔs Jastos. Dɛ o dem lɔ bela cheremi dea jwɛɛh tenten.

Tɔn Pɔɔl Aa Chwerɛ Rom Tena 15:16

dɛ kpɔ o toma nɔ do n nɔn ta ŋɔ mɛ́ɛ baɡle nɛra baa wola Juu tena ɛɛ la, a waa n won di heyaa kasinteŋ ɡɛ la. Maa dɛ bol Yeesu Kristo Amanesoma la dɛɛ baɡle he nɛra haa wola Israel tena ɛɛ la, n kpɔ n te ɛ kɛŋɔ Sɔfo waa lɛ nɛra kwaa ɛ saraha dɛɛ tɛɛ ba Korowii Dea bini la. N dɛ nyin he no a waa dɛ yaradaa, ásɛ Korowii Domadɛɛɡe won laa he doŋa kpɔ he nɛ, ásɛ he ɛ Korowii nɛra. Belaa ń won kpɔ heyaa tɛ Korowii kɛŋɔ baa ɛ saraha dɛɛ tɛo la, ásɛ he waa su o siwi o lɛ heya.

1 Kɔrent 6:17

Nomɛlbwa waa kpɔ o te pɛl ya Dɔɔ la ɡe, o ne o bwa dɔ Doma beŋkpoŋ.

Ɛfesos 2:12

He fa aa Kristo Korowii aa baɡɛ nyoa ŋɔ wɛɛ tomɔɔ ó ba lɛ yaa la waa jemɛ. He fa ta Juu tena Korowii aa lee ba dɛ ɡel ba ɛ o nɛra la nɛɛ jae. He fa aa nyoo Korowii aa baɡa dɛ kwaa o ne o nɛra fɔo dɔe la waa jemɛ. He fa ta hwɛɡa bɛlbwa dɔe. He fa aa Korowii jemɛ ó won cha heya.

Ɛfesos 2:22

Pɛɛ he ne waa pɛa la nomanta, he ɡba ja dea la Korowii aa dɛ ma o ɛ o dobɔr la ta. O Domadɛɛɡe la aa soɡe he nɛɛ la nomanta, he ɛ o dobɔr.

Mmarare 23:9

Anee Mosis berɛ ŋɔ, “Dɛ he kaa baŋre he tɛnte deene bobɛl dɛ́ ka yo he dɔma aa, hé laa he te kpɔ waa aa ɡel hé kah doŋa ta.

1 Pita 1:1

Men Pita maa ɛ Yeesu Kristo torome la, men chwerɛ tɔn nɔ dɛɛ tɛ he Korowii nɛra haa peɡra dɛ ka ɛ hɔɔhra Pɔntos, ne Galaasia, ne Kapadoosia, ne Eesia dɛ Bitiinia harɛre ta la.