Aesaya 56:1 - mzwDBL

¹ Korowii ŋɔ o nɛra be ŋɔ, “Hɛɛ bol waa aŋwɛnɛ ta dɛɛ ɛ waa aa toɡra. Lɛɛ maa dɛ ba ba lɛ heyaa la telo. Nɛra ɛɛ nao ɡɛ n waa aa toɡra.

Aesaya 56:1 ပူးပေါင်းရင်းမြစ်များ

Yela 106:3

Nɛra baa dɛ teŋɛ o Mmarare ta, ba waa toɡre saŋ bɛlbwa la, ba na som.

Yela 50:23

Nomɛlbwa kpɔ jam tɛ mɛ naa, dɛ sarahaa o ɛ tɛ mɛ la, onee dɛɛ duu mɛ. O kpɔɔ kwaa ŋwɛnɛ dɛɛ cheɡ, dɛ́ na ɡɛ men Korowii aa won nɛra lɛɛ.

Yela 85:9

Kasinteŋ, nomɛlbwa waa dɛ tomɔ la, wɛɛ lɛo, ásɛ o jirima do ya harɛ nɔ ta.

Aesaya 33:5

Korowii kan taeh, o soɡe nyundua tenten. Wɛɛ ɡeloo kasinteŋ ne waa aa toɡra su Jerusalam.

Aesaya 46:13

N dɛ ba n waa aa toɡra ne. A toole bojaŋ, aa biɡri kwaraa. Mɛɛ lɛ Jerusalam tenaa, dɛ́ ɡel ba dɔ n jirima.”

Aesaya 51:5

Mɛɛ bao warane, dɛ́ ba lɛɛ ba, ba lɛɛ tɔpere aa jaŋɛ kwara. N ɡbabirii dɛ nyiŋi harɛre nɛra nɛɛ dɛ́ ɡel ba jemɛ n kasinteŋ la. Bojaŋa harɛre nɛra bwa ɛɛ dɔ hwɛɡaa, dɛɛ nyiŋi lɛɛ maa dɛ ba ba lɛɛ la ŋwɛnɛ.

Aesaya 55:7

Nɛnchɔɡe ɡel wechɔɡa ɛɛ, dɛ́ charɛ o liire, dɛ́ berɛ ba Korowii yaa dɛ tomɔ be. O dɛ sune nɛn nɛ, dɛ kpɔ wechɔɡa dɛɛ kɛ o bambile bwa ne.

Aesaya 61:8

Korowii ŋɔ, “N dɛ nyin waa bola dɛ́ pa bole aŋwɛnɛ ta, n kii ŋwɛɛ ne wechɔɡa ɛɛ. Mɛɛ tɛ n nɛra kembɔree kasinteŋ ta, n ne ba fɔwɛ fɔo, o do le saŋ bɛlbwa.

Aesaya 64:5

He dɛ lɛ banɔ la baa kpɔ silɛɛ ɛ waa aa toɡra, ne ɡɛ haa dɛ nyin kɛŋɔ baa ɛ. He bandia kohona habɔɔ, ya ta teŋɔ dɛɛ ɛ wechɔɡa le saŋ la bwa.

Daneɛl 9:24

Korowii do bene fifraanuanɛ bele anuanɛ cheɡ kɛŋɔ he nɛra ne bwɛjen Jerusalam ɡel wechɔɡa ɛɛ. Baa kpɔ wechɔɡa bɛlbwaa kɛ, ásɛ waa aa toɡra do le saŋ bɛlbwa dɛɛ la. Gɛ aa ɛ ásɛ wepila ne Korowii waa aa dɛ ba bala ɛ kpela, ásɛ ba berɛ kpɔ Korowii Dea la do o nɔn ta.

Hosia 12:7

Korowii ŋɔ, “Kon-yoɡra kpɔ kwaa aa wola chɛɛ maɡɛ kwaa dɛɛ faah nɛra, ba sie dɛ lɛ nɛn faahra ta.

Maeka 6:8

Akai, waa aa weraa Korowii chaɡle yaa, wáa waa dɛ nyin dɛ́ le ya be laanee kɛŋɔ, ya di kasinteŋ dɛɛ sune dɔŋa nɛ, dɛ́ pwɛr ya te tɛo.

Maeka 7:9

Ya ɛ wechɔɡa dɛ jo Korowii nɛ, anomanta, a chɛ kɛ yá na o bandia tama mɔɔ. Wɛɛ lɛ yaa dɛ́ le chɔɡre baa kpɔa ɛ yaa la ta. Wɛɛ lawɛ yaa ba bɔchaah ta, ásɛ ya na toɡra o wa aa toɡra.

Malakae 4:4

Hé lii Mmarare ne webaɡla maa cheɡɛ n bonɔɔ Mosis nɛɛ dɛ kpɔ tɛ he Israel tena bwa ŋɔ hɛɛ teŋɛ a ta Sinai Bwejen ta la.

Matiu 3:2

“Hé charɛ he liire le he wechɔɡa ta, dɛkalkɛ Korowii Kora pu heyaa tonɛ.”

Matiu 4:17

Gɛ saŋ laanee Yeesu pa mun bol waa dɛɛ chaɡle nɛra ŋɔ, “Hé charɛ he liire le he wechɔɡa ta, dɛkalkɛ Korowii Kora la pu heyaa tonɛ.”

Amanesoma Mak Aa Chwera Tɔn 1:15

O bolɔ ŋɔ, “Tɔpere la telo! Korowii Kora pu heyaa tonɛ! Hé charɛ he liire dɛ́ le he wechɔɡa ta, ásɛ dɛ yarada Amanesoma nɔ!”

Amanesoma Jɔn Aa Chwera Tɔn 7:17

Dɛ nomɛlbwa sɛoh kɛ wɛɛ ɛ Korowii tetoowaa te naa, wɛɛ won jemɛ kɛŋɔ kasinteŋ waa aa le Korowii bee mɛɛ bol la. N ɡbaɡba webaɡla laa.

Tɔn Pɔɔl Aa Chwerɛ Rom Tena 1:17

Yeesu Amanesoma laanee dɛɛ baɡle ɡɛ Korowii aa dɛ nyin kɛŋɔ nɛwɛnyini do ásɛ ya waa su o siwi. Le waa la mumpar ka tel a jaɡa bwa, o waa yaradae waa ɡboo a bwa. Korowii Tɔn baɡlɔ kɛŋɔ, “Naate o wa aa toɡra dɛ su Korowii siwi la, wɛɛ yaradao dɛ́ dɔ o nyu.”