Aesaya 55:8 - mzwDBL

⁸ Korowii ŋɔ, “Waa haa dɛ lii laa mɛɛ lii, he we-ɛɛla dɔŋa laa mɛɛ ɛ.

Aesaya 55:8 ပူးပေါင်းရင်းမြစ်များ

2 Samoɛl 7:19

Nemenɛ Korowii, he ta ɡelɛ a jaɡɛ bela dɛ ta teŋɛ ɛ ane dɛɛ ja, he berɔ bol he bonɔɔ naanar baa ka ba kerekere ɡe wa. Nemenɛ Korowii, waa haa ɡela a chɔ le tɛ nɛwɛnyini bɛlbwa laanee nɔ naa?

2 Koranar 5:11

Ate, Naaman baah di o laa berɛ dɛɛ naɡre waa ŋɔ, “N te dɛ lii kɛŋɔ wɛɛ leo dɛ́ ba soŋe Korowii waa dɛ tomɔ, dɛ́ kpɔ o nɔn viwe wee la ta dɛ́ chaah mɛ.

Job Tɔn 35:5

Hé nyiŋi nyundua na, hé ha sie nyiŋi jeiih ɡɛ baama aa kaa nyundua.

Yela 25:10

Korowii dɔ nyina, o waa dɔ kasinteŋ, wɛɛ tɔ nɛra baa dɛ teŋɛ fɔo o ne baa fɔwa la ta siee.

Yela 33:11

O wobɛlbwa waa vɔrɔwa dɛ che kiŋkiŋ saŋ bɛlbwa dɛɛ la, o liire aa charɛ bwa, a lole saŋ bɛlbwa dɛɛ la.

Yela 40:5

N Naa Korowii yaa dɛ tomɛ, nyokpowe-ɛɛla haa ɛa la warɔ ɡa. Yaa won baɡle wejena haa vɔrɔwa bil tɛ yaa la, a warɔ kohona, yaa wola won kura.

Yela 92:5

N Naa Korowii, he waa haa dɛ ɛ kan, he wejema ta jaɡa dɔe.

Sɛɡla 21:8

Nɛn waa di waa ane bolchɔɡe la, o wobɛlbwa aa toɡre, kɛ nɛn waa di bole la soɡa bini toɡrɔ.

Sɛɡla 25:3

Gɛ haa wola won jemɛ nyundua jaŋne, ne harɛ bini luŋri la, ɡɛɛ haa wola won jemɛ kooro liire.

Aesaya 14:24

Koranar Bwa Kooro ŋwɛɛrɔ ŋɔ, “Waa maa vɔrɔwa la, anee dɛɛ ba ɛɛ, anɔ la aa dawɛ n sie la ɡee mɛɛ ba ɛɛ.

Aesaya 53:6

Ya bwa do kɛ peera aa kpaŋa ken, bɛlbwa ɛɛ kaa bela waa dɛ nyin, asɛ Korowii ɡel deŋnetɛra a fe aa chɛ yaa la bwa ba o nɛ.

Aesaya 58:13

Korowii berɔ ŋɔ, “Dɛ he nyiŋi Ona Tɔpere la ta o do ɡoroŋ tɛ heya, he ta he ɡbaɡba we-ɛɛla ɛɛ, dɛ liiru kɛŋɔ o ɛ men Korowii tɔpere baa dɛ onɛ o ta, haa wola kpɔe valɛ he ɡbaɡba ŋwɛnɛ, kɛɛ dɛ ɛ he toma dɛ bol wobochɔɡa aa,

Aesaya 65:2

Saŋ bɛlbwaa n paɡri n nɔɔra kɛŋɔ ń lɛ n nɛra ba deŋne aa kpeɡa, dɛɛ ɛ waa baa dɛ nyin.

Aesaya 66:18

Maa jemɛ ba liire ne ba we-ɛɛla nomanta, n dɛ ba ń yerɛ harɛre nɛra, ne wobol bɛlbwa tena bwa cheme, ásɛ ba na n jirima.

Jeremia 3:1

Korowii ŋɔ, “Dɛ baa vɛh o haah asɛ haah la ka yalɛ banfale aa, baa la aa won ka kpɔɔ ba o dea kpa. Gɛ waa nɔ ɛɛ won kpɔ harɛchɔɡ tenten ba. Gɛ tentenee he teŋɛ voɡare nɛɛ kohona kɛŋɔ hanjwamane aa dɛ teŋɛ baala nɛ. He dɛ nyin he berɛ ba n be naa?

Ɛsekeɛl 18:29

Kɛ he Israel tena dɛ bol ŋɔ, ‘Men Korowii ŋwɛnɛ ta toɡrɛ.’ He ŋwɛnɛree wola toɡrɛ.

Daneɛl 4:37

Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”

Hosia 14:9

Umee wejereme ɔ? Naate ɛɛ jemɛ waa nɔɔ. Umee dɛɛ pese waɔ? Naate ɛɛ no a munii. Korowii ŋwɛnɛre toɡrɔ, nɛra ba wa aa toɡra dɛ teŋɛ a ta, kɛ deŋnekpeɡ tena dɛ lɔ naa a ta.

1 Samoɛl 16:7

Kɛ Korowii ŋɔ Samoɛl be ŋɔ, “Bɛ o jaŋne ne o wer nyiŋi, o laa mɛɛ nyin, n vɛoh. Kwaa nɛwɛnyini aa dɛ nyiŋi la korɛ anɔ la Korowii aa dɛ nyiŋi ta. Nɛwɛnyini dɛ nyiŋi siebɔr, kɛ Korowii te, nɛn bambile binii wɛɛ nyiŋi.”