Aesaya 55:7 - mzwDBL

⁷ Nɛnchɔɡe ɡel wechɔɡa ɛɛ, dɛ́ charɛ o liire, dɛ́ berɛ ba Korowii yaa dɛ tomɔ be. O dɛ sune nɛn nɛ, dɛ kpɔ wechɔɡa dɛɛ kɛ o bambile bwa ne.

Aesaya 55:7 ပူးပေါင်းရင်းမြစ်များ

Mumpar 6:5

Korowii aa baa na ɡɛ nɛwɛnyina nyubinikpeɡ aa kana kohona harɛ nɔ ta dɛ dɔ liichɔɡa ɡbosoroo tɔpere bɛlbwa la,

2 Webena 15:2

asɛ o le ka cheme Kooro Asa, dɛ ŋɔ o be ŋɔ, “N naa Kooro Asa ne Juda dɛ Bɛnjamen deene nɛra bwa, hé no n be. Dɛ Korowii waa lɔ he bambile ta naa, wɛɛ ja he nɛɛ. He dɛ nyin o bɔr aa, wɛɛ ɡeloo he nao, kɛ dɛ he berɛ habɔɔ kpoo waa, o ɡe ɛɛ vɛh heyaa.

2 Webena 15:4

Kɛ wenaale aa ba ba nɛɛ la, ba ɡaaɡe Korowii Israel tena aa dɛ tomɔ la bɔr, asɛ o ɡel ba nao.

2 Webena 30:6

Kooro la ɡelɔ toroma kpɔ tɔne la kaa Israel ne Juda harɛre bwa ta kɛŋɔ, “Israel tena, he le Asiiria tena laa baa yo heyaa la nyoa. Hé berɛ kpɔ he te tɛ Korowii Abraham ne Aesek dɛ Jekɔb aa tomɔ la, ásɛ o ɡe lawɛ heyaa ba o be.

2 Webena 33:13

Korowii no o wesoŋa, a che a ta o ɡel ba berɛ kpɔɔ ba Jerusalam o ba di kora ja. Anɔɔ ɡela Kooro Manasɛ jemɛ kɛŋɔ Korowii ɛ kasinteŋ Korowii.

2 Webena 7:14

asɛ ba charɛ liire dɛ le wechɔɡa baa dɛ ɛ la ta, dɛ wi noo mɛ naa, mɛɛ no ba bee le nyundua, dɛ́ kpɔ ba wechɔɡa kɛ ba dɛ́ berɛ ɡel ba harɛ la do wer.

Job Tɔn 22:23

Dɛ he berɔ ba Korowii Waa Ɛ Kpeɡri Bwa Dɔɔ la be naa, wɛɛ lɛɛ. Dɛ he laa wechɔɡa kpɔ bela haa soɡa,

Yela 130:4

Kɛ he kpɔ ya wechɔɡa dɛɛ kɛ yaa, asɛ a che a ta yaa ɔmɛ.

Yela 130:7

Israel tena, hé kpɔ he hwɛɡa bwa do Korowii nɛ, dɛkalkɛ o nyina ta jaɡa dɔe, dɛ́ sɛh kɛ saŋ bɛlbwa wɛɛ lɛ heyaa.

Yela 51:1

N Naa Korowii, koh he nyina aa wola jaɡa dɔe la wa, dɛ́ na n sum. Koh he tedoma kohona la wa, dɛ́ fee n wechɔɡa.

Yela 66:18

Dɛ n vɛh n wechɔɡa bola aa, Korowii fe ta n be noɛ.

Sɛɡla 28:13

Nɛn waa dɛ tɔ o wechɔɡa ta la aa wer do, kɛ nɛn waa wona bol o kwaa dɛ ɡel a ɛɛ la, Korowii dɛ́ na o sum.

Aesaya 1:19

Dɛ he ɛ deŋnepwɛr dɛ no n be te naa, hɛɛ dɔ harɛ la ta kondɛɛɡaa di.

Aesaya 14:1

Korowii ɛɛ dɔ tedomaa tɛ Israel tena, wɛɛ berɔ lee ba tɛ o te ja, dɛ́ kpɔ ba ba so ba ɡbaɡba harɛ ta. Hɔɔhra ɛɛ ba ja ba nɛɛ ba ne ba pɛ so.

Aesaya 21:12

Anee o chaŋe ŋɔ, “Tɔɔ dɛ ba pera, kɛ bɔr ɛɛ berɔɔ jo ja. Dɛ he dɛ nyin dɛ́ jemaa, ba dɛ́ berɛ ba bɔɔ ja.”

Aesaya 31:6

Korowii berɔ ŋɔ, “Israel tena, he berɛ ba men he siwi aa sa mɛ, dɛ berɛ habɔɔ kpo mɛ la be.

Aesaya 32:7

Nɛn waa dɛ neɡre nɛra ɛ nɛnchɔɡe, wechɔɡa liiree wɛɛ lii, dɛ che neɡra ta dɛɛ chɔɡ nyaara ba wa aa suma, dɛɛ tɔ ba kasinteŋ ŋwɛnɛ.

Aesaya 40:2

Hé bol bansɔɔh waa baɡle Jerusalam tena dɛ́ ŋɔ, ba weweele baa naa kohona teŋo, ba bɔ ba wechɔɡa kem tonɛ. Ba dɔ ba wechɔɡa bwa deŋnetɛra kohona, dɛ le men Korowii be.”

Aesaya 43:25

Menee fee he wechɔɡa dɛɛ ta. N ɡbaɡba waa mɛɛ ɛ ɡɛ, maa an lii kpa bwa.

Aesaya 44:22

N laa he wechɔɡa fee a tonɛ, kɛŋɔ bam ne chɔɔlen kɔɔla ken. Hé laa berɛ ba n be, dɛkalkɛ menee lɛ heya.

Aesaya 54:10

Hale bwejena jiɡro le a buɡ ta, asɛ deŋɡarere chuɡri aa, n nyina aa wola jaɡa dɔe la te ɛɛ do lee, n ne he deŋnesɔɔhna fɔo la ɡe aa jaɡa dɔe ba bwa. Men Korowii maa dɔ tedoma tɛɛ laanee bola.

Aesaya 54:8

Bandia kohonaa ɡela n laa sie kpɔ he nɛɛ tama, kɛ n nyina aa wola jaɡa dɔe nomanta, mɛɛ dɔ tedomaa tɛɛ. Men Korowii maa ɛ he Lɛɛ bola.

Aesaya 58:6

Nyoa vɔwa maa dɛ nyin laanee kɛŋɔ, hé foo nɛra baa wola wobɛlbwa ɛɛ ba do ba dea la ta. Hé lɛ nɛra baa dɛ fiɡ ba ásɛ ba dɔ ba te.

Aesaya 59:7

He ɡbaŋre wechɔɡa ɛɛ ne nɛn waa wola wechɔɡa ɛɛ kpoe ta. Wechɔɡa lɛ he liire bwa, dɛɛ chɔɡ kwaa bobɛlbwa haa dɛ la.

Jeremia 3:14

Hé berɛ ba, nɛra he waa aa wola kasinteŋ dɔe, dɛkalkɛ he dɔɔree men. Mɛɛ le nɛmbeŋkpoŋii le bwɛɛ bɛlbwa ta, dɛ́ le nɛra banɛ le dea bɛlbwa ta, dɛ́ berɛ ba he ne Saayɔn Bwejen ta.

Jeremia 3:3

A waa bwaala teŋe, dɛ ɡel nɛɛ. Kɛ he nya sihiih jwamane ta, haa sɛh ŋɔ sihiih kpo heya.

Jeremia 4:14

Jerusalam tena, hé ɡel wechɔɡa ɛɛ ásɛ Korowii lɛ heya. Saŋ besoo hɛɛ ba he nyubinikpeɡ vɔrɔwa nɔ ɡela ɔ?

Wiile 3:40

Hé ɡel ya nyiŋi ya we-ɛɛla bini na, dɛ́ charɛ ya liire, dɛ́ berɛ ba Korowii be.

Ɛsekeɛl 14:6

Anomanta, ŋɔ Israel tena be ŋɔ, ‘Men Nemenɛ Korowii ŋɔ bá charɛ ba liire le voɡa ne kwaa maa kia baa toma la ta, dɛ́ berɛ ba n be.

Ɛsekeɛl 33:11

Ŋɔ ba be ŋɔ men Nemenɛ Korowii taa lole nɔ, n ŋwɛɛrɔ ŋɔ, ‘Ń sie aa wechɔɡ-ɛɛra seo ta lɛ, n dɛ nyin kɛ ba le a ta, dɛ́ dɔ ba nyu. Israel tena, hé charɛ! He charɛ he liire, dɛ́ le liichɔɡa ŋwɛnɛ bɛlbwa ta. Hé ɡel wechɔɡa haa dɛ ɛ la. Ɛrɛɛ hɛɛ nyin seo nɔɔ?’

Daneɛl 4:27

Anomanta, n naa kooro, no waa maa dɛ jae a ta nɔ. Gel wechɔɡa ɛɛ, dɛɛ ɛ anɔ la aa toɡra, dɛ́ ɡel he nyubinikpeɡ la, dɛɛ na nɛra baa dɛ fiɡ ba sum. He wobɛlbwa ɛɛ do werii dɛɛ la.”

Jona 3:10

Belaa Korowii aa naa kɛ ba charɛ ba liire le ba wechɔɡa ŋwɛnɛre ta la, o tea domɛ ba nɛ, dɛ ɡel chɔɡa waa ŋɔa wɛɛ chɔɡ baa la.

Sekaria 8:17

he bɛ wechɔɡa lii dɛɛ tɛ dɔŋa, he bɛ ɡel he sie ɛɛ lɛ ŋwɛɛra aa wola kasinteŋ ɛɛ ta. N hah a ɡɛ waa nɔ bwa. Men Nemenɛ Korowiirii bola.”

Matiu 9:13

Hé ka kwaa hweli waa baa chwera bil heyaa ŋɔ, ‘He dɛ na he dɔŋa sum aa, anee mɛɛ nyin dɛ ɡwaa kɛ haa kpoo kwaa dɛɛ tɛ mɛ’ la. Nɛra baa dɛ lii ba te nɛndɛɛɡa waa laa n ba. Wechɔɡ-ɛɛra waa n ba, ásɛ ba charɛ ba liire.”

Amanesoma Mak Aa Chwera Tɔn 7:21

Liichɔɡa ne jwamane, ne ŋwɛɛ ne nɛŋkpoa,

Amanesoma Mak Aa Chwera Tɔn 7:23

Anee ɡela nɛn ɛ nɛnchɔɡe.”

Amanesoma Luk Aa Chwera Tɔn 15:10

Kasinteŋ, ɡɛɛ aa ba Korowii doa ɡe doe. Wechɔɡ-ɛɛ beŋkpoŋ charɛ o liire dɛ le o wechɔɡa ta naa, Korowii ne o nyundua toroma sie ɛɛ lɛ o nɛɛ taeh.”

Amanesoma Luk Aa Chwera Tɔn 15:24

dɛkalkɛŋɔ n fa liiro kɛŋɔ n bie nɔ sewɔ, asɛ o berɛ ba nɔ. O fa aa nyoɡra la, taraken te n nao.’ Ate, ba ɛ kondikwaare dɛɛ di dɛɛ lɛ ba sie tenten.

Amanesoma Luk Aa Chwera Tɔn 7:47

Anomanta, mɛɛ dii kasinteŋii. Nyina haah nɔ aa nyin n waa kohona nɔ baɡlɔ kɛ Korowii kpɔ o wechɔɡa damanta waa ɛa la bwa kɛo. Naate waa wola wechɔɡa ɛɛ kohona a ɛ kɛŋɔ he kpɔa kɛo la, nyina waa dɛ nyin he waa la aa kan do. Waa Korowii jam kohona kɛ nɛn waa ɛ anjena la.”

We-ɛɛla 26:20

N tɔ sie la Damaskɔs, dɛ la Jerusalam, dɛ ɡaaɡe Juda harɛ la te bwa, dɛ la harɛre a nɛra aa wola Juu tena ɛɛ ɡe ta. Maa dɛ ɡaaɡe la bwa, dɛ n dɛ ŋɔ ba be ŋɔ bá charɛ ba liire, dɛ́ le ba wechɔɡa ta, dɛ́ ba Korowii be, ásɛ dɛ ɡel ba we-ɛɛla chaɡle kɛ ba charɛ ba liire dɛ le ba wechɔɡa ta.

We-ɛɛla 3:19

Anomanta, hé charɛ he liire le he wechɔɡa ta dɛ́ kpɔ he te tɛ Korowii ásɛ o kpɔ he wechɔɡa kɛ heya, dɛɛ tɛ heyaa bambisɔɔhna, dɛɛ do heyaa ɡbemba.

Jems 1:15

Pɛla waa wola were la dɛ́ lolɛ wechɔɡa, ásɛ wechɔɡa ɡe baa waraa, a yon lolɛ seo.