Aesaya 55:6 - mzwDBL

⁶ Hé nyin Korowii bɔr saŋ haa nao nɔ ta, hé yerɔ, taraken waa bɛne heyaa nɔ.

Aesaya 55:6 ပူးပေါင်းရင်းမြစ်များ

Yela 145:18

He bɛne banɔ la baa dɛ yerɛ bwa, nɛra baa dɛ yerɛ kasinteŋ ne la.

Aesaya 45:19

N ta wobɛlbwa bolɛ sɔh, kɛɛ dɛ che biro ta bol waa harɛ nɔ ta bobɛlbwa. N ta Israel tena be ŋɔe ŋɔ, ‘Hé nyin n bɔr pɛɛpɛɛ.’ Menee Korowii, Kasinteŋ ɡboo n bwa, waa aa wera dɛ toɡre ɡboo mɛɛ bol.”

Yela 32:6

Anomanta, ɡel nɛra baa dɛ tomɛ ɛɛ soŋe ba wahala nae saŋ, ásɛ dɛ wenaale do kɛŋɔ nee waa sua dɛɛ ba naa, o bɛ won tel ba be.

Yela 14:2

Korowii lɔ nyundua, dɛ ba sie ne harɛ, dɛɛ nyiŋi nɛwɛnyina kɛŋɔ bɛl dɔ wejema dɛɛ nyin o Korowii bɔr dɛ́ tomɔ.

Aesaya 65:24

Ba ne ŋɔ ba soŋ mɛ tonɛ la, dɛ n noɔ dɛ́ chaŋe. Ba taa dɛ bol kwaraa la, dɛ n te jemɔ.

Emɔs 5:6

Emɔs ŋɔ, “Hé berɛ ba Korowii be dɛ́ dɔ he nyu, ɡɛ laa aa, wɛɛ ba he Israel tena nɛɛ kɛŋɔ nii, dɛ́ ba fuh heya, dɛ́ fuh Bɛtel tena ɡe, nomɛlbwa aa wola won dima.

1 Webena 28:9

Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

Hibru 2:3

A do ɡɛ naa, ya lɛɛ waa nɔ aa ɡwaa nyundua toroma waa la kohona nɔ, dɛ ya vɛah aa, ɛrɛɛ yaa ba ɛɛ dɛ́ leɔ? Ya Dɔɔ Yeesu ɡbaɡba fa tɔ sie bol ya lɛɛ waa nɔ, asɛ nɛra baa noa ɡe di danseɛ ya be kɛ a ɛ kasinteŋ.

Yela 27:8

He fa ŋɔ n be ŋɔ, “Ba dɛ ba tom mɛ,” asɛ n chaŋe ŋɔ, “N Naa Korowii, mɛɛ bao,

Job Tɔn 8:5

Dɛ he dɛ nyin Korowii bɔr, dɛ́ ɡuŋi dɛɛ soŋe On Waa Ɛ Kpeɡri Bwa Dɔɔ la,

Mmarare 4:7

Harɛ besoo nɛraa lole dɛ dɔ sɔn kohona, dɛ dɔ voɡ o bɛn ba dɛɛ no ba be ɡɛ Korowii yaa dɛ tomɔ aa bɛne yaa dɛɛ no ya wesoŋa nɔɔ?

Yela 95:7

Onee Korowii yaa dɛ tomɛ, o nɛraa yan wɛɛ nyiŋi ya nɛɛ kɛŋɔ peteɡre yon dɛɛ nyiŋi peera nɛɛ la ken. Waa Korowii aa dɛ bol he be fini laanee nɔ,

Aesaya 49:8

Korowii ŋɔ, “Dɛ saŋ telo kɛŋɔ ń lɛ heya aa, mɛɛ na he sumii dɛ́ cha heya. Mɛɛ nyiŋi heyaa, dɛ́ ɡel he ne nɛra bwa fɔwɛ fɔo. Mɛɛ ɡeloo he ka so he harɛ waa chɔɡa dɛ chɔ pɛɛpɛɛ la ta ja.

Hibru 3:13

Anomanta, hɛ́ɛ ja dɔŋa tɔperee bwa mɔɔ tɔpere la o Domadɛɛɡe aa bol o waa dɛ ŋɔ “fini” la ɡarɛ, ásɛ wechɔɡa bɛ heyaa ba neɡre, he deŋne ba do kpeɡri.

Amanesoma Luk Aa Chwera Tɔn 13:25

Dem te la ɛɛ iruu dɛ́ ba laa ɡbera la tɔ, a ka heyaa che baŋ, ásɛ hɛɛ lɔ ɡbera dɛɛ soŋo ŋɔ, ‘N poori, nomoa! Laa ɡbera ya yaa ásɛ ya jo.’ Ásɛ o ŋɔ he be ŋɔ, ‘Maa heyaa jemɛ bobɛlbwa.’

Aesaya 46:13

N dɛ ba n waa aa toɡra ne. A toole bojaŋ, aa biɡri kwaraa. Mɛɛ lɛ Jerusalam tenaa, dɛ́ ɡel ba dɔ n jirima.”

Amanesoma Jɔn Aa Chwera Tɔn 8:21

Asɛ Yeesu berɛ bol waa baɡle nɛra la ja ŋɔ, “Mɛɛ ba kaaloo he ɡaaɡe dɛɛ nyin n bɔr, kɛ haa men na. He wechɔɡa taa hɛɛ ba sewa. Bela maa kaa la, haa won ba bela.”

Yela 148:14

O ɡelɔ o nɛra Israel tena ba waa aa toɡra, waa do o bambile ta kohona, ásɛ ba bwa kpɛɛro. Hé kpɛɛ Korowii!

Ɛsekeɛl 8:6

Korowii ŋɔ n be ŋɔ, “Nɛwɛnyini bie, he na waa maa kia Israel tena ɛa bonɔ kenɛ? Waa aa doŋ mɛ le n Dea kaa bojaŋee ba ɛ la. Hɛɛ na anɔ la maa kia kohonaa á ɡwaa anɔ kwara.”

2 Webena 19:3

Kɛ he ɛ wedɛɛɡa tama ane, dɛkalkɛ he teŋni voɡ Asera daa nɛra aa dɛ tomɛ le he harɛ ta, dɛɛ teŋɛ waa Korowii aa dɛ nyin ta.”

Yela 75:1

N Naa Korowii, ya kpɔ jam dɛɛ tɛɛ, ya dɛ bol kan haa doa, ne nyokpowaa haa ɛa wa.

Ɛfesos 3:13

Anomanta, waa maa dɛ soŋe heyaa laanee kɛ he bɛ ɡel he bwara hwah wahala maa koh he waa dɛɛ na nɔ ta. Hé jemɛ kɛŋɔ he dɛ dɔ sɔn n wahala nɔ ta.

Aesaya 12:6

Saayɔn tena, hé hɛɡre dɛ́ ɡo yela kohona. Israel Nɛŋɡoroŋ la kan kohona! O ne o nɛra so.”

Matiu 5:25

Dɛ he ne he dɔŋ dɔɔ, asɛ o kpɔe dɛɛ kaa kɔɔto aa, larawo hé kwaa he baah. Gɛ laa aa, o dɔɔ tel he ne bela aa, kɔɔto nomoa la ɛɛ kpɔe tɛ prosiri bá ka doe dea.

Mmarare 4:29

A tel belaa, hɛɛ dɛɛ ɡaaɡe Korowii bɔree dɛ́ nao, dɛ he dɛ nyin o bɔr he bambile bwa ne he hweera bwa ne naa, hɛɛ nao.

Aesaya 26:9

N sie dɛ che chiŋ jwaana he wa, chɔɔbɔr ɡe, n pɛla dɛ lawɛ. He baa bol harɛ nɔ ta nɛra waa dɛ pa bole aa, aa ɡeloo ba hweli waa aa toɡra.

Aesaya 45:22

Harɛre nɛra bwa, hé ba n be, dɛ́ ba dɔ he nyu. N ɡboo Korowii, Dɔɔ bɛlbwa toole kpa.

Aesaya 58:9

Asɛ name dɛ he soŋ mɛ naa ń no, he do lɔŋɔ yer mɛ naa, ń sɛh ŋɔ, ‘Men nɔ.’ Dɛ he ɡel nɛra hɔhɔrɔwa ɛɛ, dɛ ɡel waa kpɔe dɛ daɡ ba, dɛ ɡel wobochɔɡa bola,

Aesaya 65:10

Sarɔn ɛɛ ɛ peera dibɔree, ásɛ Akɔ Fɛlembɔjen ɛ bela nae aa dɛ onɛ, dɛ́ tɛ n nɛra baa dɛ nyin mɛ bambile bwa ne.

Jeremia 25:5

Ba yon ŋɔ, ‘Hé charɛ he liire le he wechɔɡa ne he we-ɛɛla aa wola were ta, ásɛ he won so harɛ Korowii aa kpɔa tɛ he ne he naawa la ta, saŋ bɛlbwa dɛɛ la.

Jeremia 33:3

Yer mɛ, ásɛ n chaŋe, ásɛ dɛ baɡle wejena ne waa aa sɔah haa wola an jemɛ.

Ɛsekeɛl 14:6

Anomanta, ŋɔ Israel tena be ŋɔ, ‘Men Nemenɛ Korowii ŋɔ bá charɛ ba liire le voɡa ne kwaa maa kia baa toma la ta, dɛ́ berɛ ba n be.

Ɛsekeɛl 33:11

Ŋɔ ba be ŋɔ men Nemenɛ Korowii taa lole nɔ, n ŋwɛɛrɔ ŋɔ, ‘Ń sie aa wechɔɡ-ɛɛra seo ta lɛ, n dɛ nyin kɛ ba le a ta, dɛ́ dɔ ba nyu. Israel tena, hé charɛ! He charɛ he liire, dɛ́ le liichɔɡa ŋwɛnɛ bɛlbwa ta. Hé ɡel wechɔɡa haa dɛ ɛ la. Ɛrɛɛ hɛɛ nyin seo nɔɔ?’

Daneɛl 4:27

Anomanta, n naa kooro, no waa maa dɛ jae a ta nɔ. Gel wechɔɡa ɛɛ, dɛɛ ɛ anɔ la aa toɡra, dɛ́ ɡel he nyubinikpeɡ la, dɛɛ na nɛra baa dɛ fiɡ ba sum. He wobɛlbwa ɛɛ do werii dɛɛ la.”

Jona 3:8

Nomɛlbwa tɔ lweyal, ásɛ dɛ pee ane do o kondɛɛra ɡe. Bɛlbwa ɡel o wechɔɡa ne dachɔɡe waa lɔ a ta, dɛ́ wi dɛɛ yerɛ Korowii.

Ɛsra 10:2

Belaa Jehiel bibaa Sɛkania waa ɛ Elam naa la bini bɛl ŋɔ Ɛsra be ŋɔ, “Ya waa ta kasinteŋ dɔe tɛ Korowii yaa dɛ tomɔ, kɛŋɔ yaa dɛ mo harɛre nɛra baa soɡa bar yaa nɔ haahna nɔ. Kɛ ane a bwa, ya Israel tena ta dɔ hwɛɡa.

Yela 34:19

Nɛra ba wa aa toɡra ɛɛ won na wahala kohona, kɛ Korowii lɛɛ ba dɛɛ le a bwa ta,

Sɛɡla 8:17

N dɛ nyin nɛra baa dɛ nyin mɛ, nomɛlbwa waa dɛ nyin n bɔr dɛ́ na mɛ.

Hosia 10:12

Hé ɡel he waa toɡre, ásɛ dɛ dɔ nyina waa wola jaɡa dɔe. Hé pwɛr he bambile waa kpeɡa, kɛŋɔ harɛ waa hola. Saŋ telo kɛ hé nyin men Korowii bɔr mɔɔ n bala tel, ásɛ n swee andɛɛɡa tɛ heyaa kohona.